Exode 22:21 - Ma Zhiklè

²¹ Ndo mbrok, ka zumda na gèɗ bai, ka ga na matakwan bai, aman zlèzlèa kinè ba kin ndohi mbrokihai te kokwar Egypte.

Exode 22:21 Iomraidhean Croise

Job 6:27

Ko kra dikai, kin cèmma a géɗèʼa. Ko mandal kinè, kin verslè a géɗèʼa.

Psaumes 146:9

Ndo nzi pèc pècèk a ɓer ta ndohi mbrokihaj, a takaha ta ko kra dikai, ko ngwoz mazai; aman ndohi ambaɓihiaʼa a zlakede ta.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 23:9

Ka ga na matakwan a ndo mbrok bai! Kin sun nʼnzi ndo mbrok, aman kinè ba kin goko mbrok te kokwar Egypte halaʼa.

Esaie 1:17

Va-slebau ngi skwi man amba, va-woy skwi nzuraʼa, va-ngra na maya a ndo man a cè skwi ndo a wuɗai, va-takaha kra dikai, va-nza na a deɓa a ngwoz mazai!

Jérémie 22:3

Ndo nzi pèc pècèk a goɗ ar haha: Va-gu kita zuraʼa, va-mbela ndo man ndo ambaɓiaʼa a nʼnga na wuɗai, auda te ri nengaʼa! Ndo mbrok, kra dikai, ngwoz mazai, kin ga ta matakwan ɓai, kin ga ta wuɗi ɓai, kin keɗa ndo man nʼnga mali ɓai a sam haha ɓai!

Jérémie 7:6

kin ga ta matakwan a ndohi mbrokihi a kra dikai a ngwoz mazi ɓai, kin keɗa ndo man nʼnga mali ɓi ɓai, kin dzodzor zhiklè mbèh skwi ɓai, kin gedassa va kinè a vna ɓai;

Ezéchiel 22:7

A sam ngaya ndohi ta derde bab ta a mam ta. A sam ngaya ta ga na wuɗi a kra dikai, a ngwoz mazai, a ndohi mbrokihai.

Lèv. 19:13

Kin zumda na gèɗ a ndo a ntamagi kinè bai; kin gu metsar a sam na bai. Skwi ntul ndo man a vak a mizline a sam ngaya, va na a pats nasa, ka zhor mangoslèm ɓai!

Lèv. 19:33

Aman ndo mbrok a zhè a sam ngaya, kin ga na matakwan bai!

Lèv. 19:34

Ndo mbrok da nza te va kinè lèmèlèmè ara kra ngwai. Woya a ndav ngaya, ara man ka woy va ngaya; kinè ba te va nasa kin mbrokihai te kokwar Egypte. Iyè Ndo nzi pèc pècèk, Zhiklè kinè.

Lèv. 25:35

Aman kramam ngaya a tsagi ngaya a tawass na, a slaha a nʼnzi a géɗ na ɓai, sèi ka takaha, a slaha a nʼnzi a sam ngaya ara ndo mbrok, ara ndo gi ngaya.

Zacharie 7:10

Kin ga ta wuɗi a ngwozi mazihi a wud dikai, a ndohi man verzi ta tsaɗ, a ndohi ntawassa ɓai, a kin hur skwi man ambaɓi ɓai te ndav kinè, ngiɗè a géɗ ngiɗè.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Deutéronome 1:16

Te ndev nasa i njè ta ma a gèɗ a ndohi kita kinè, a i gada ta: Va-fu zlembaɗ a ma kramamhi kinè, va-gu kita tengaʼa zuraʼa, man ma a zhè te ndev ndo ngidè a kramam nengaʼa, te ndev nengaʼa a ndo mbrok te gi na.

Deutéronome 10:18

man a nza ta a deɓa a kra dikai a ngwoz mazai, a woy ndo mbrok, a va na skwi nʼndai a maslaka.

Deutéronome 10:19

Sèi kin woy ndo mbrok, a géɗ man kinè ba zlèzlèa mbrokihai te kokwar Egypte.

Deutéronome 15:15

Ka hérèʼa, ara man ka ba ka ɓèlè te kokwar Egypte, te va nasa, a Ndo nzi pèc pècèk, Zhiklè ngaya, a msumka ka a deɓa. A géɗ nengaʼa i va ka ma nkwèr haha a patsna.

Deutéronome 23:16

Da nza a sam ngaya, te ndev kokwar ngaya, a sam man a ngotso, te kokwar ngaya staɗ, ara man ambaha. Ka da ga na wuɗi ɓai.

Deutéronome 23:7

Ndo Edom da ndara ka ɓai; aman nengaʼa kramam ngaya. Ndo Egypte da ndara ka ɓai, a géɗ man ka nza ara mbrok te kokwar nengaʼa.

Deutéronome 24:17

Skwi ndo te verzi tsaɗ, a skwi kra dikai, ka da lama na ɓai. Ka co maslaka ngwoz mazai a skwi slembelom ɓai.

Deutéronome 27:19

Ndo man a ngwoda ndo te verzi tsaɗ, kra dikai, a ngwoz mazai – da phomda! A ndohi tèlèba ta da gaɗa: Amen!