Exode 20:3 - Ma Zhiklè

³ Ka gu Zhiklè ngiɗè a tsagi ga bai!

Exode 20:3 Iomraidhean Croise

I Rois 11:4

Aman Salomon nhala ma, ngwozi ta zlakeda a civèɗ na, a ta gedessama na ndav aussa, a njèjèr zhiklè ngiɗè, a hér Ndo nzi pèc pècèk staɗ genè ka ɓai, ara man David, bab na, a gau.

Psaumes 29:2

Vo-slubordo Ndo nzi pèc pècèk a nʼnjèl nzlembaɗ nengaʼa! Va-kalahai a deɓ sak Ndo nzi pèc pècèk, a sam nengaʼa nkezlaʼa.

Psaumes 73:25

Ngiɗè a zhè man i ngots te zhiklè te géɗèʼa dè? Sèi ka man i ngotso. Aman i ngats ka genè, i jhèɗè skwi tʼherkeda azɓai.

Psaumes 81:10

I woy Zhiklè ngiɗè a sam ngaya bai! Ka tsu ri a zhiklè ndohi nte deɓa bai!

Psaumes 81:9

Ndohi ga, va-fu zlembaɗ, i woy a i ngatsa kinè maya! Israel, aman agassa ka woy a ka tsena ma ga!

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 20:23

Kin lèmda skwa a iyè bai; zhiklè verzhègenè a guro kin gu bai!

Exode 22:19

Ndo man a nzi a deɓa a skwi kudom, sèi ta keɗaʼa.

Exode 23:24

Ka da tsu ri a zhi-klèhi tengaʼa bai, ka da tsosl mblom tengaʼa bai, ka da gu lèmèlèmè ara tengaʼa bai, aman sèi ka zlerdaussa; kwa man ta Zlatseda a ta shin samaʼa te pa, ka paslama na gèɗ.

Exode 32:8

Tsam-tsam ta jèkeda civèɗ man i ngra ta. Ta gau marai a ta tsu ri a nengaʼa, a ta zla na skwai, a ta gada: Na haha zhi-klèhi ngaya, Israel, tengaʼa man ta helka ka auda te kokwar Egypte!

Exode 34:14

Ka da tsu ri a Zhiklè ngiɗè bai! Aman nzlembaɗ Ndo nzi pèc pècèk, srak, i Zhiklè, i srak.

Esaie 26:4

Va-pu ndav kinè pèc pècèk a Zhiklè! Aman Ndo nzi pèc pècèk, nengaʼa sam ngedeng-gedengaʼa a mèdèp.

Esaie 42:8

Iyè, Ndo nzi pèc pècèk, nzlembaɗ ga Ndo nzi pèc pècèk. I vi nʼnjèl ga a ndo ngiɗè azɓai, i vi nslébèrdè ga a skwi mbèh skwi azɓai.

Esaie 43:10

Kinè malwuɗihi ga, Ndo nzi pèc pè-cèk a gaɗa; ɓèl ga man i ngotskoɗauda, a ta hérèʼa, a ta ciyè a ndav, a ta suna, i Ndo nzi pèc pècèk, i nengaʼa, tʼhinèkaɗ na iyè Zhiklè, ngiɗè azɓai. Te deɓ ga, Zhiklè ngiɗè a shkè azɓai.

Esaie 44:8

Kin gudzu ɓai, kin gu zlau ɓai! I senda kinè, i ngreda kinè nʼnzi a zhè ka ɓi ɗè? Kinè ndohi malwuɗihi ga! Zhiklè ngiɗè a zhè a tsagi ga ɗè? Sam ngedeng-gedengaʼa ngiɗè a zhi ɗè? I sun ngiɗè ɓai.

Esaie 46:9

Va-hur skwi nshèlèkuraʼa man a zhè tʼhinkaɗ na: Iyè Zhiklè, ngiɗè azɓai. Iyè Zhiklè staɗgenè, nlèmèlèmè ara iyè azɓai.

Jérémie 25:6

Kin dzodzor zhiklèhi ngiɗè ɓai, kin gu mizlinè tengaʼa ɓai, kin kalahi a deɓ sak tengaʼa ɓai, kin pokoy gèɗ ndav auda ɓai a skwi man kin gi a ri kinè; a i da ga kinè skwi ambaɓiaʼa azɓai.

Jérémie 35:15

I zlinda kinè ɓèlèlihi ga, ndohi nhadka ma, i zlinde ta a ta wurra na va a prèk te gai, a i gaɗa: Va-menkada deɓa, staɗ staɗ tèlèba te civèɗ mali na; va-tila skwi man kin giaʼa, kin dzodzor zhiklèhi ngiɗè ɓai, a kin tsu ri a tengaʼa ɓai, aman va-nza tʼherkeda man i va kinè, a i va ta babhi kinè! Aman kin fa na zlembaɗ ɓai, kin tsena ma ga ɓai.

Jérémie 7:9

Mè? Kin gi metsar, kin keɗ ndo, kin gi mphömè, kin mbèɗè ambalai, kin va na skwi a Baal, kin jèjèr zhiklèhi ngiɗè man kin sen ta ɓai;

Daniel 3:18

Aman ko a gi azɓi ba, sèi ka suna, bi nga, nga jéjèr zhiklè ngaya azɓai, nga tsi ri a skwi guro man ka Zlatseda, azɓai.

Osée 13:4

ara vodzok man a bezkaɗa nvakavar. Iyè Ndo nzi pèc pècèk, Zhiklè ngaya, daga man ka te Egypte, ka sun Zhiklè ngiɗè bai, sèi iyè, ndo mʼmbel ndo ngiɗè a tsagi ga azɓai.

Matthew 4:10

Aman Yèsu a ngaɗa na: Kazla ngay auda a tsagi ga, Sadan! Aman ta Windo te ɗèlèwèr Zhiklè: Sèi ka slébèrdè Bi Zhiklè ngaya staɗ genè, a ka gi mizlinè nengaʼa staɗ genè.

1 Corinthians 8:4

A géɗ nʼndi zluèɗ mbèh skwai nga suna, mʼmbèh skwai, skwi ambalai tʼherkeda. Zhiklè ngiɗè azɓai, na staɗgenè.

1 Corinthians 8:6

nga ngots Bi Zhiklè nga staɗgenè, Bab nga, te nengaʼa skwi tèlè a shkè, a nga a sam nengaʼa. Bi nga staɗgenè, Yèsu Kristi, te nengaʼa skwi tèlè a zhè, a nga te nengaʼa.

Ephésiens 5:5

Aman kin suna, ndo man a gi mphömè, ndo man ndav na nlizhèa, ndo keda, nara ndo mbèh skwai, ta ndi kokwar-Bi Kristi a Zhiklè azɓai.

Deutéronome 5:7

Ka gu Zhiklè ngidè a tsagi ga ɓai!

Deutéronome 6:14

Ka dzodzor zhiklèhi ngidè ɓai, zhiklehi ndohi man ta zhe a tsagi kine;

Deutéronome 6:5

Sei ka woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a wuɗi ngaya tèlèba!

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.

Colossiens 2:18

Va-gu maya, ndo da bezlamda kinè skwi ntul kinè ɓai, – ndo man a ga va ara man a manda gèɗ na a hai, a slébèrdè golahi Zhiklè, a jégèr va ambalai te nhér ntétékè va na, a fi va a géɗ skwi man a rka na dai.

Apocalypse 19:10

A i kalahi a deɓ sak nengaʼa, aman i tsi ri a nengaʼa. A ngaɗayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuɗi a géɗ Yèsu. Tsu ri a Zhiklè! Ndohi nhadka ma ta hadka ma malwuɗi Yèsu.

Apocalypse 22:9

A nengaʼa a ngaɗayè: Az arsa ɓai! Aman iyè ba, i ɓèlè ara ngaya, ara kramamhi ngaya, ndohi nhadka ma, a tengaʼa man ta fi gèɗ a ma ɗèlèwèr haha. Tsu ri a Zhiklè!

Juges 6:10

Te deɓaʼa i gaɗa kinè: Iyè Ndo nzi pèc pècèk, Zhiklè kinè. Kin gu zlau zhiklèhi ndohi Amor, te kokwar tengaʼa man kin te pa, ɓai! Aman kin fa gèɗ a ma ga ɓai.