Exode 16:3 - Ma Zhiklè

³ A ndohi Israel ta gada ta: Dara nga da mbazla nga te ri Ndo nzi pèc pècèk te kokwar Egypte, a sam man nga ngots zluèɗ a skwi nʼndai a vata. Kin helka nga auda a hèshèkèɗ, aman ndohi tèlèba ta tiɗè ta a mai.

Exode 16:3 Iomraidhean Croise

II Samuel 18:33

Bai a ngu gurts kata, a ndo a gi man a géɗèʼa a ntamagai, a kuɗai: aman a dè, a tsi lalau: Kra ga! Absalom! Kra ga, kra ga! Absalom! Dara i metsi ga te di man a ngaya! Absalom, kra ga, kra ga!

Job 3:1

Te deɓaʼa Job a nhüno ma na, a ndurɗo pats ngècè na a hwaɗ.

Job 3:10

A géɗ man a ngela mam ga a pats nasa ɓai, a nʼngheda matakwan haha a sam di ga ɓai.

Job 3:20

Zhiklè a hela na sam a mbelaw ndo èhèmè, a va ta nshèffè a ndohi man ta hér gèɗ èhèmè?

Psaumes 107:5

mi a nkeɗ ta, iyam a ndza ta, a ndav ta a mʼmbeɗ na.

Psaumes 78:19

A ta ngrè Zhiklè, a ta gaɗa: Zhiklè a slaha a ntila nga skwi nʼndai tʼhèshèkèɗ dè?

Psaumes 78:25

Ndohi ta ndau movar man a shkè te Zhiklè. Zhiklè a nzlinda ta skwi nʼndai man a ndev ɓai.

Exode 14:11

a ta gada na Moise: Gi dzavi te kokwar Egypte azɓi dè, aman a ka helka nga auda a hèshèkèɗ, a nga da bèzl nga a haha? Ka ga nga ar sata mè, a ka helka nga auda te kokwar Egypte!

Exode 17:3

Aman iyam a ndza ta ndohi te pa, ta gu ndav a Moise, a ta gada na: Ka helka nga auda te kokwar Egypte èhèmè, aman nga a wudahi nga a skwihi nga nga bèzl nga a mi iyam?

Exode 2:23

Te deɓ nʼnzi, bi Egypte a mʼmets na. A ndohi Israel ta si matakwan, a géɗ man ta gu ɓèlè, a ta kuɗai, a nkuɗ tengaʼa a géɗ man ta gi bèlè, a ntsenaha a sam Zhiklè.

Exode 5:21

A ndohi nhalaʼa ta gada ta: Ndo nzi pèc pècèk da jèke kinè ɓai, da gu kita kinè, a géɗ man kin poko na gèɗ auda a Pharaon a ndohi na, a ta ga nga shèwa, a kin va ta tsakwal a rai, a ta bazl nga a vna.

Jérémie 2:6

Ndo nzi pèc pècèk tema? ta dzhaɗa te deɓaʼa ɓai. Nengaʼa man a nhelka nga auda te kokwar Egypte, a nde nga tʼhèshèkèɗ, te tazli hèshèkèɗ, te kwazlazlam, tʼherkeda ngworaʼa, man di a rkè a pa azɓai, a herkeɗa man ndo a mbeza a pa ɓai, man ndo a nzi a pa azɓai.

Jérémie 42:14

Aʼai, a kin cinè ma Ndo nzi pèc pècèk, Zhiklè kinè, azɓai, sèi nga dè a kokwar Egypte, te pa var asaɓai, tolom var asaɓai, mi asaɓai, nga da nzi a pa!

Jérémie 44:17

Nga woy a nga gi skwi tèlèba man a shkè auda te ma nga, nga gaɗa: nga vi skwi a pats te giɗfèk, a nga va na skwi nga, ara man nga gau, nga a babhi nga, bihi nga, wud bihi nga te kokwar Juda, a civèɗ Jérusalem, te va man movar a ngeza nga, nga wuffè, a nga sun matakwan ɓai.

Lamentations de Jérémie 4:9

Dara ndohi man ta bazl ta a tsakwal, a géɗ man mi a mbazl ta, man ta tiɗ ta a mai, a ta bazl ta a géɗ man skwi nʼndi azɓai.

Nombres 11:15

Aman ka gu aranta a sam ga, dara ka keɗyè a i ngots pombi a sam ngaya, a i si matakwan haha asaɓai!

Nombres 11:20

aman ki staɗ, ha a zhkèha kinè tʼhtsan, ha a ngezla kinè a gèɗ, a géɗ man kin durɗo Ndo nzi pèc pècèk man a zhè te ndev kinè, a kin kuɗi a sam nengaʼa, a kin gada: Nga shkè auda te kokwar Egypte èhèmè?

Nombres 14:2

A ndohi tèlèba ta ga ta ma a va a Moise a Aaron: Mpi ndohi tèlèba ta gada ta: Dara man agassa nga mets nga te Egypte! Man bai, tʼhèshèkèɗ haha!

Nombres 14:3

Ndo nzi pèc pècèk a hel nga a kokwar ngata a ta da bazl nga a tsakwal, a ngwozi a wudahi nga ta da gi ɓèlè èhèmè? Dara nga minè a deɓa a kokwar Egypte mèn ɗè?

Nombres 16:13

A slra bi ɗè? Ka helka nga auda te kokwar man wa a vongwom a hi te pa, a ka wushede nga a heshèkèɗ, aman nga da metsi nga te pa. A ka woy a ka gi bi a géɗ nga va za dè?

Nombres 16:41

Te mangoslèmaʼa, mpi ndohi Israel tèlèba ta gu ma a géɗ Moise a Aaron, a ta gada: Kin bazl ta ndohi Ndo nzi pèc pècèk!

Nombres 21:5

A ndohi ta ga na ma a va Bi Zhiklè a Moise: Kin helka nga auda te kokwar Egypte, a nga metsi nga tʼhèshèkèɗ èhèmè? Movar azɓai, iyam azbai, skwi nʼndi hèmnèk-hèmnèk haha a ngezla nga a gèɗ.

Actes 26:29

A Paul a ngaɗa: I woya a sam Bi Zhiklè, ko njèkè kètè, ko njèkè a vata, aman ka staɗgenè ka ɓai, aman ndohi tèlèba man ta tsena ma ga a patsna, ta ndi a ndo ara ga, sèi a woy cèlèlèu a te ri ɓi genè.

1 Corinthians 4:8

Kin ngots skwi tèlè man kin woya ma. Kin wala ma. Kin gi bai, a nda nga ka ɓai. A woy kin gi bai; aman nga ba, nga gi bi a nda kinè.

2 Corinthians 11:1

Ko i gèɗè a nrzlè te va kètè, da ambaha kinè genè!

Deutéronome 28:67

Te ndev zlau man a ndha ndav kinè, a sam di skwi man kin rkaʼa, kin gaɗa a prèk: Dakwaɗ da shkè! A dakwaɗ ka gaɗa: Sam prèk da shkè!

Deutéronome 8:3

A manda ka gèɗ a hai, a faha ka mai, te deɓaʼa a mva ka manne, skwi nʼndai man ka sun zlèzlèa ɓai, man babhi ngaya ta sun ɓai. A woya a ngra ka, ndo a nzi a nshèffè a gèɗ movar stadgenè ka ɓai, aman a gèɗ skwi tèlèba man a shkè auda te ma Ndo nzi pèc pècèk.

Josué 7:7

A Josué a ngaɗa ta: Ai, ai, ai – Bi Zhiklè, Ndo nzi pèc pècèk, ka nde ta ndohi haha auda te woyam Jourdain, a ka pa nga a ri ndohi Amor a ta bazl nga èhèmè? Dara man agassa nga nza tʼwud woyam Jourdain!