Exode 15:9 - Ma Zhiklè

⁹ Ndo mayam a gada: I hi a verzi ta, i woy a i gs ta, i ɓicè skwi ta, a ndav ga a mʼmènèhai. I geda ta tsakwal ga, ri ga a gedas ta.

Exode 15:9 Iomraidhean Croise

Genèse 49:27

Benjamin, nengaʼa kda dak man a pèr skwai, a prèk a ndi skwi man a gso, a dakwaɗ a kezli skwi man a nʼngotso.

II Samuel 22:38

I hi a verzi mayamhi ga a i gedas ta, i minè a deɓa azɓai, sèi i ndev ta.

I Rois 19:2

A Jézabel a nzlündo ndo sak a sam Elie, a mʼmenda na: Aman ka, Elie – i ba i Jézabel! Angoslèm a sam aranta, i da keɗe ka lèmèlèmè ara man ka ga ta tengaʼa; man ɓai zhiklè da gay skwi mèmè!

I Rois 20:10

A Ben-Hadad a nzlündo ndo, da gada na: zhiklèhi da gay mèmè, da gay skwi ambaɓiaʼa a vaʼa, aman vatasl gi te kokwar Samarie a slra nga a ri ɓai, man i pa ta a ri a ndohi var ga!

Exode 14:5

Aman ta ngra na bi Egypte, ndohi ta hu ta ma, ndav Pharaon a golahi nengaʼa a nʼngwode na, a géɗ ndohi Israel, a ta gada: Nga ge be mè, aman nga va ta civèɗ a ndohi Israel, a ta da ga nga mizlinè asaɓai.

Proverbes 16:19

Dara man nga manda gèɗ a hai a nda mbelawahai, a géɗ man nga kezla skwi man ndohi nfi va ta ɓüco.

Esaie 36:20

Te va zhiklèhi kokwar haha tèlèba, man a mbela kokwar na te ri ga, wa? A Zhiklè kinè a dè mbél kokwar Jérusalem te ri ga ɗè?

Esaie 53:12

Gar haha i da pa na ndohi mbibihiaʼa a skwi nʼndi gi nengaʼa. A da kezli skwi ɓèlè a nda ndohi man wuɗi ta a zhè, te man a mvau gèɗ na a mʼmetsai. Ta ngra na a va ndohi amba-ɓihiaʼa; aman nengaʼa a nzuɓ mali ndohi kumba, a ntsu rai a géɗ ndohi malihai.

Jérémie 46:17

A pats nasa ta da baha na Pharaon a nzlembaɗ haha: ‘Kozlar ambalai’.

Habakuk 3:14

Ka ɓarama ta gèɗ ndohi mbibihiaʼa, man ta kalay a va, a ta kerɗyè a pa, a ta wuffè aman ta zede ndo ntawassaʼa a sam nʼnghedaʼa.

Luke 11:22

Aman ndo ngiɗè a shkè, wuɗi nengaʼa a fena wuɗi ndo var sa, a gi a ngulaʼa, a ngézlè skwi var nengaʼa tèlèba a ma, man ndo matsa a fu gèɗ a vna, a kezla skwi man a hul a metsar a ndohi ngiɗè.

Juges 5:30

Ta dum skwi te deɓa di genakwa! A ta kezli skwai. Ndohi var staɗ staɗ tèlèba a ɓèl te ri staɗ, a ɓèl cèw – Sisera a maslaka mvècea te ri staɗ, man cèw — a skwi man ta dumkoɗai, maslaka mvècèa man gadabu a pa; maslaka staɗ, cèw, a ngi a salabi ngwoz na.—

I Samuel 30:8

David a ndzhoɗo Ndo nzi pèc pècèk, a ngaɗa: I hu a verzi ndohi nkalay a va haha dè? I da ngats ta dè? Ndo nzi pèc pècèk a mʼmbeɗa na a ma: Hau a verzi ta! Ka da ngats ta, a ka da ngazlka ta a deɓa.