Exode 15:6 - Ma Zhiklè

⁶ Ndo nzi pèc pècèk ga, ri mandi ngaya a zhè a wuɗi nʼnzalaʼa. Ndo nzi pèc pècèk ga, ri mandi ngaya a mbazl ta ndohi mayamhai.

Exode 15:6 Iomraidhean Croise

Psaumes 17:7

Ngreda pombi ngaya mbiaʼa, ka man ka mbel ta ndohi man ta pi ndav ta a ka a géɗ mayamhi tengaʼa.

Psaumes 2:9

Ka da tse ta a gaɗa züdo, ka da bazl ta ara shiɗèf.

Psaumes 24:8

Bi nʼnzalaʼa a haha wa? Ndo nzi pèc pècèk, bi wuɗai, ngul ndo, Ndo nzi pècpècèk, ngul ndo te dal var.

Psaumes 44:3

Ka hul ndohi kokwar ngiɗè a ka pe ta a sam ngiɗè. Ka gedassa kokwar-bihai a ka venda ta gèɗ, a ta zlazlam ta.

Psaumes 44:4

Ta dum kokwar a tsakwal ta ka ɓai, ta ga ngula a wuɗi ta ka ɓai; aʼai, sèi a ri ngaya, ri mandi ngaya a ngau. Di ngaya a nhela ta sam, a gèɗ man ka woy ta.

Psaumes 60:5

Ka ga ta wuɗi a ndohi ngaya, ka va nga skwi a nga sau te kokwar ngaya man a keɗ nga ara zom.

Psaumes 74:11

Ka mendko ri mandi ngaya a deɓa èhèmè? Ka peda ri ngaya a ndav èhèmè?

Psaumes 77:10

Nsi ndo te va mpea na a gèɗ a Zhiklè dè? Man ɓai, te ndzoan nengaʼa man a njèkeda nsi ndo te va dè?

Psaumes 89:14

Ri ngaya, wuɗi na zhè ara ri ngul ndo. Wudi ri ngaya a zhè, ri mandi ngaya nzlatseda.

Psaumes 98:1

Psaume. Va-sla na dimèsh mɓuaʼa a Ndo nzi pèc pècèk, aman nengaʼa a ngau nrke-dai a ri mandi na, ri nengaʼa nkezlaʼa!

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 15:12

Ka tor ri mandi ngaya, a herkeda a nseɗeka ta a ma.

Exode 15:16

Zlau a ndza ta, zlau a nkeda ta va a hai, a géɗ wuɗi ri ngaya, a ngwor ta wofaʼa. A ndohi ngaya ta beza a pa aranta, Ndo nzi pèc pècèk, ndohi man ka ngatska ta auda, ta beza a pa.

Exode 18:8

A Moise a nʼngra na mèsh na skwi tèlèba man Ndo nzi pèc pècèk a ga na Pharaon a ndohi Egypte, a géɗ Israel, matakwan tèlèba man a ga ta a civèɗ, ara man Ndo nzi pèc pècèk a pra ta auda te vaʼa.

Exode 3:20

Gar haha i woy a i tèr ri ga, a i tsi kokwar Egypte a nrkedi tsaɗ tsaɗ man i da gia te pa. Te deɓaʼa a da va kinè civèɗ.

Exode 6:1

Ndo nzi pèc pècèk a ngaɗa na Moise: Anai ka da rka skwi man i da ga na Pharaon. Wuɗi ri ga a da gi aman a va ta civèɗ, a vava. Wuɗi ri ga a gi man a nda dzamka ta auda te kokwar na.

Esaie 30:14

Mʼmbeɗ na ara shiɗèf man a buh na, man mbazla wèc-wècèʼa, ko kizlèɗ man ta hil ndazli vogwa te rèwèc a vna, a ta ɓèl iyam a pa a wotsakihai, azɓai.

Esaie 51:9

Slambaɗ ngaya, slambaɗ ngaya! Sala ri ngaya, Ndo nzi pèc pècèk! Slambaɗ ngaya ara nzlèzlèʼa, ara nhalaʼa. Ka man ka gedassa Egypte, a ka keɗa skwi man nara kedam ka ɓi ɗè?

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 63:12

Man ri nengaʼa nʼnzalaʼa a ntakaha ri mandi Moise, a nʼngela iyam a ma tengaʼa, aman ta hér nzlembaɗ nengaʼa a mèdèp.

Jérémie 13:14

Te deɓaʼa i tseda ta gèɗ, babhi a nda wudahi ta, Ndo nzi pèc pècèk a gaɗa. Ta da siyè te va azɓai, i jèke ta azɓai, i gedas ta, a laydyè asaɓai.

Matthew 6:13

Ka de nga a sam man a pe nga a wi ɓai, aman ɓer nga te ri nengaʼa man ambaɓai. Aman kokwar-bi a ngaya, a wuɗai, a nʼnjèlè, pèc pècèk a mèdèp ba. Amen.

Apocalypse 2:27

A nengaʼa a da war ta a gada züdo, a da bazl ta ara shiɗèfihai.

I Samuel 2:10

Mayamhi Ndo nzi pèc pècèk ta bèzl ta. Zhiklè a gèɗ skwi télè te zhiklè te géɗèʼa a henzasl ta, Ndo nzi pèc pècèk a gi kita herkeda tèlèba. Da va na wuɗi a bi na, da slambaɗda na gèɗ, do slubordo ndo nengaʼa man a mbada na mbar a gèɗ.