Exode 13:3 - Ma Zhiklè

³ A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 13:3 Iomraidhean Croise

Genèse 15:16

Sèi kra kra kra ngaya a da shkè a deɓa a haha. Aman mali ndohi Amor tiɗè di ka ɓai.

I Rois 8:42

a géɗ man a tsena labar ma nzlembaɗ ngaya mbiaʼa, ma ri ngaya man wuɗi na zhè, ri ngaya man a nzlatseda – a nengaʼa a shkè a tsi ri te gi haha,

I Chroniques 16:12

Va-hur nrkedi man a gau, skwi malwuɗi nengaʼa, ma nengaʼa man a goɗa.

Néhémie 1:10

Tengaʼa ta ɓèlèlihi ngaya, ndohi ngaya, man ka preka ta auda a wuɗi ngaya mbiaʼa, a ri ngaya man wuɗi na zhè.

Néhémie 9:10

Ka ngreda skwi mbiaʼa auda, a ka gu nrkedai a sam Pharaon, a sam ndohi mizlinè nengaʼa, a sam ndohi kokwar nengaʼa tèlèba, te man ka suna, skwi man ta ga ta, ta gu a shèwa. A ka ga nzlembaɗ ngaya a mbiaʼa, ara man a zhè a patsna.

Psaumes 105:5

Va-hur nrkedi man a gau, skwi malwuɗi nengaʼa, ma nengaʼa man a goɗa.

Psaumes 114:1

Aman ndohi Israel ta shkè auda te kokwar Egypte, a ndohi Jacob ta shkè auda te va ndohi man daʼai ta tsaɗ,

Psaumes 136:11

A nhelka ta ndohi Israel auda te kokwar tengaʼa; aman pombi nengaʼa a nzi a mèdèp.

Psaumes 136:12

A ri man wuɗi na zhè a ntorko rai; aman pombi nengaʼa a nzi mèdèp.

Psaumes 89:14

Ri ngaya, wuɗi na zhè ara ri ngul ndo. Wudi ri ngaya a zhè, ri mandi ngaya nzlatseda.

Exode 12:15

Mʼmèn 7, va-ndau movar man skwi nshégèrè a te di bai. A pats nshèlèkuraʼa kin wusheda skwi nshégèr movar te gi kinè aussa. Ko wawa man a ndi movar man skwi nshégèrè te dai, ta da zeda nshèffè nengaʼa te va ndohi Israel. A gi arsa, a hinè a pats nshèlèkuraʼa, a ndè a pats matsaraɗaʼa.

Exode 12:17

Va-gau ngolala movar man skwi nshégèrèʼa a te di ɓai. Aman a pats nasa i de ta nhèyè ndohi Israel auda te kokwar Egypte. A géɗ nengaʼa sèi kin hér pats sa a ndè a ma ma te verzi kinè tèlèba a ma nkwèr kinè a mèdèp.

Exode 12:19

Mʼmèn 7 a woy skwi nshégèr movar te gi kinè asaɓai. Ko wawa man a ndi movar man skwi nshégèrèʼa te dai, ta da zedekona nshèffè nengaʼa auda te va mpi ndohi Israel, ko ndo mbrok, ko kra ngwai.

Exode 12:2

A ki haha, a gi a nshèlè-kur ki kinè. A hinè te nengaʼa, a kin ngrè ki kinè a mvi a mvai.

Exode 12:41

Te deb mvi 430, a pats sa, nhèyè ndohi Ndo nzi pèc pècèk ta jèkeda kokwar Egypte.

Exode 12:42

Nasa vad man ta mana a dai, nkezlaʼa a sam Ndo nzi pèk pècèk, aman a nde ta auda te kokwar Egypte. Nasa vad nkezlaʼa a sam Ndo nzi pèc pècèk a nde a ma ma te verzi ndohi Israel.

Exode 12:8

Zluèɗ sèi ta ndi a vad sa. Ta pinèʼa a ta ndiaʼa, a movar man skwi nshégèrèʼa a te di ɓai, a lak ndertiktikaʼa.

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:9

Da ga ara wuɗah a deb ri kinè, a medi kinè, aman kin hérèʼa, a ma kita da zhè te ma kinè. Aman Ndo nzi pèc pècèk a nhelka kinè auda te kokwar Egypte a wuɗi ri nengaʼa.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 20:8

Hur pats nshèk va, aman ka kezlaʼa, a ka slébèrdèʼa.

Exode 23:15

Ngolala movar man skwi nshégèr skwi a te di bai. Mʼmèn 7 ka ndau movar man skwi nshégèr skwi te di bai, ara man i njè ka, a ki Abib; aman a pats nasa ka jèkeɗa kokwar Egypte. Man skwa te ri bai, da shkè a sam ga bai!

Exode 3:20

Gar haha i woy a i tèr ri ga, a i tsi kokwar Egypte a nrkedi tsaɗ tsaɗ man i da gia te pa. Te deɓaʼa a da va kinè civèɗ.

Exode 34:18

Gau ngolala movar man skwi nshé-gèrè a te di ɓai: Mʼmèn 7 ka ndau movar man skwi nshégèrè a te di ɓai, a pats man i njè ka a gèɗ, a ki Abib, a géɗ man a ki nengaʼa ka jèkeda kokwar Egypte.

Exode 6:1

Ndo nzi pèc pècèk a ngaɗa na Moise: Anai ka da rka skwi man i da ga na Pharaon. Wuɗi ri ga a da gi aman a va ta civèɗ, a vava. Wuɗi ri ga a gi man a nda dzamka ta auda te kokwar na.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Exode 6:7

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Exode 7:4

Pharaon a da cinè ma kinè azɓai. Te deɓaʼa i woy a i tara ta ri a di a ndohi Egypte, a i de ta ndohi Israel mɓicaʼa, ndohi ga, auda te kokwar Egypte, a kita mbiaʼa man i ga ta ndohi Egypte.

Jérémie 34:13

Iyè, i derzla ma a babhi kinè a pats man i helka ta auda te kokwar Egypte, te gi ɓèlè a i gaɗa:

Daniel 9:15

Anai Bi Zhiklè nga, ka man ka helka ta ndohi ngaya auda te kokwar Egypte a wuɗi ri ngaya, man ka ga nzlembaɗ ngaya a mbiaʼa ha patsna, nga gu malai, nga ga skwi man ambaha ka ɓai.

Matthew 10:12

Aman kin dè a gai, vaga na mbali dai.

Luke 22:19

A nco movar, a nshüd gèɗ, a ntsakaʼa, a mva ta, a ngaɗa: Na haha, va ga, man i viaʼa a géɗ kinè. Skwi haha va-gau, a kin héryè.

1 Corinthians 11:24

a nshüd gèɗ, a ntsakaʼa, a ngaɗa: Na haha va ga, man i vau a géɗ kinè.

1 Corinthians 5:8

Gar haha nga, man nga gi ngolala, sèi nga giaʼa a movar mɓeslaʼa halaki ka ɓai, a movar mɓeslaʼa man mali a skwi ambaɓiaʼa a te di ɓai, aman a movar man skwi nshégèrè a te di ɓai, a ndav nzuraʼa, te ma nzuraʼa.

Ephésiens 1:19

A kin shin wuɗi mbiaʼa a sam nga, man nga co a ndav, ara wuɗi nʼnjèl na man a sam nga,

Deutéronome 13:10

Kolo a kwa a mʼmets na, a géɗ man a woy a nzlakede ka auda a civèɗ Ndo nzi pèc pècèk, Zhiklè ngaya, man a nhelka kinè auda te kokwar Egypte, te gi bèlè.

Deutéronome 13:11

A ndohi Israel tèlèba ta da cinèʼa, a ta gi zlau, a ta da gi skwi ambaɓiaʼa aranta te deɓaʼa asaɓai a sam ngaya.

Deutéronome 13:5

Aman ndo nhadka ma matsa, a ndo man nshunè a keɗa matsa, sèi ta keɗaʼa, a géɗ man a njè ta ma a ndohai, a gaɗa ta, aman ta jèkeda civèɗ Ndo nzi pèc pècèk, Zhiklè ngaya, man a helka ka auda te kokwar Egypte, man a preka ka auda te gi ɓèlè; a ta bi-zhè ta zlawa a civèɗ man Ndo nzi pèc pècèk, Zhiklè ngaya, a nʼngra ka. Sèi ka zede skwi ambaɓiaʼa, auda te ndev ngaya!

Deutéronome 13:6

Aman kramam ngaya a giɗagèɗ, man ɓai kra ngaya, a dem ngaya, ngwoz ndav ngaya, mandai ngaya man ka woyaʼa ara nshèffè ngaya, ta woy a ta pe ka a wai, a ta gaɗa ka: ngo-dokoya, ngo-dzodzorokoy zhiklèhi ngiɗè tsaɗ! – man ko ka, ko babhi ngaya kin sen ta ɓai,

Deutéronome 15:15

Ka hérèʼa, ara man ka ba ka ɓèlè te kokwar Egypte, te va nasa, a Ndo nzi pèc pècèk, Zhiklè ngaya, a msumka ka a deɓa. A géɗ nengaʼa i va ka ma nkwèr haha a patsna.

Deutéronome 16:1

Hur ki Abib, a ka da gi ngolala Pâque a sam Ndo nzi pèc pècèk, Zhiklè ngaya! Aman a ki Abib Ndo nzi pèc pècèk, Zhiklè ngaya, a nhelka ka auda te kokwar Egypte, a vaɗ.

Deutéronome 16:12

Ka da hérèʼa, ara man te va nasa ka ɓèlè te Egypte, a ka da jèjèr ma kita haha, a ka gia ara man a gaɗa.

Deutéronome 16:3

Te va ngolala ka ndau movar man nsegaraʼa ɓai, sèi movar nsegarbiaʼa, mʼmèn tsaraɗ, movar nlèyè, a géɗ man kin shkè auda te kokwar Egypte tsam tsam. Gu arsa, a ka hér pats man ka shkè auda te kokwar Egypte pèc pècèk a pats nshèffè ngaya tèlèba.

Deutéronome 24:18

Huro, ara man ka gu bèlè te Egypte, a Ndo nzi pèc pècèk, Zhiklè ngaya, a nsumka ka a deɓa. Gar haha i va ka ma nkwèr ga haha, a ka da giaʼa.

Deutéronome 24:22

Ka da hérèʼa, ara man ka gu bèlè te kokwar Egypte. Gar haha i va ka ma nkwèr haha a ka da giaʼa.

Deutéronome 26:8

A Ndo nzi pèc pècèk a nhelka nga auda te kokwar Egypte, a ri ngedaʼa, man wuɗi na zhè, a skwi mwuɗitpa man a ngau, a skwi man a ngreda auda a nrkedai.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 5:15

Ka hérèʼa: ka ba ka ɓèlè te kokwar Egypte halaʼa, a Ndo nzi pèc pècèk, Zhiklè ngaya, a ngeda ri na, a ncka ka auda te pa, a ri nengaʼa man wuɗi na zhè. A géɗ nengaʼa Ndo nzi pèc pècèk, Zhiklè ngaya, a woya aman ka slébèrdè pats nshèk va.

Deutéronome 5:6

Iyè Ndo nzi pèc pècèk, Zhiklè ngaya, man i cka ka auda te herkeda Egypte, te gi ɓèlè ngaya.

Deutéronome 6:12

gu maya. Ndo nzi pèc pècèk man a ncka ka auda te kokwar Egypte, te gi ɓèlè, da pca ka a gèɗ ɓai!

Deutéronome 6:21

Ka da gaɗa na kra ngaya: Zlèzlèa, nga bèlèlihi Pharaon te kokwar Egypte. A Ndo nzi pèc pècèk a nhelka nga auda te Egypte a ri na man wuɗi na zhè.

Deutéronome 7:8

aman a géɗ man Ndo nzi pèc pècèk a woy kinè, a ngu ara man a mbaɗa ta babhi kinè; a nhelka kinè auda a ri man wuɗi na zhè, a mpreka kinè auda te gi ɓèlè, te gi Pharaon, bi Egypte.

Deutéronome 8:14

ka da dzugor va ɓai! Ndo nzi pèc pècèk, Zhiklè ngaya, man a helka ka auda te gi bèlè, te Egypte, da pca ka a gèɗ ɓai!

Deutéronome 9:12

A ngadayè: Slambaɗa, sulomahi tsam tsam; ndohi ngaya man ka helka ta auda te kokwar Egypte, ta gi malai. Tsam tsam ta jèkeda civèɗ man i ngra ta. Ta gau marai a ta tsu ri a nengaʼa.

Josué 24:17

Ndo nzi pèc pècèk, nengaʼa Zhiklè nga! Nengaʼa man a helka nga auda te kokwar Egypte, te gi ɓèlè. Nengaʼa man a gu nrkedi mbia haha a sam di nga, a ɓer nga a civèɗ man nga beza te ndev ndohi haha tèlèba.

Juges 2:12

Ta jèkeda Ndo nzi pèc pècèk, Zhiklè babhi ta, man a helka ta auda te kokwar Egypte, a ta dzodzor zhiklè ngiɗè tsaɗ, zhiklèhi ndohi man ta te va tengaʼa. Ta tsu ri a tengaʼa, a ta poko na gèɗ ndav auda a Ndo nzi pèc pècèk.

Juges 6:8

Ndo nzi pèc pècèk a nzlündo ndo nhadka ma a sam ndohi Israel, a ngaɗa ta: Ndo nzi pèc pècèk, Zhiklè Israel, a goɗo aranta: Iyè man i helka kinè auda te kokwar Egypte, a i de kinè auda te ɓèlè.