Exode 12:16 - Ma Zhiklè

¹⁶ A pats nshèlèkuraʼa ndohi nkezlaʼa ta bicè va, lèmèlèmè a pats matsaraɗaʼa. Kin gu mzilinè bai, sèi mizlinè skwi nʼndai, a pats nasa.

Exode 12:16 Iomraidhean Croise

Exode 16:23

A Moise a ngaɗa ta: Ndo nzi pèc pècèk a gaɗkaɗa: Angoslèm pats ngolala, pats nshèk va, nkezlaʼa a sam Ndo nzi pèc pècèk. Skwi man kin woy a kin shülèʼa, vo-sula! Skwi man kin woy a kin tiaʼa, va-tau! Njèkèdiaʼa va-fedahai, a kin da ndia angoslèm.

Exode 16:29

Ndo nzi pèc pècèk a mva kinè pats nshèk va. Gar haha te pats mamokwaʼa a va kinè movar te di mʼmèn cèw. Gar haha va-nza a gai, ndo do do a vara bai, a pats matsaraɗaʼa.

Exode 16:5

Te mʼmèn mamokwaʼa, ta da til skwi man ta ɓicaʼa te di mʼmèn cèw.

Exode 20:10

Aman pats matsaraɗaʼa, nengaʼa pats nshèk va a sam Ndo nzi pèc pècèk, Zhiklè ngaya. Ka gu mizlinè ɓai, ko kèshkata, ka a kra ngaya, ko demaʼa, a ɓèl ngaya, ko nguraʼa ko ngwozaʼa, ko skwi kuɗomhi ngaya, ko ndo mbrok te ngwi ngaya.

Exode 34:18

Gau ngolala movar man skwi nshé-gèrè a te di ɓai: Mʼmèn 7 ka ndau movar man skwi nshégèrè a te di ɓai, a pats man i njè ka a gèɗ, a ki Abib, a géɗ man a ki nengaʼa ka jèkeda kokwar Egypte.

Esaie 1:13

Kin vay skwi ambali te deɓaʼa ɓai! Skwi man kin vayè aranta a ndarayè. Ngolala mvèng kia, ngolala pats nshèk va, ngolala mɓicè va: i woy ngolalahi a mali te pa ɓai!

Lèv. 23:21

A pats nasa sèi kin bèhè a ngolala mɓicè-va nkezlaʼa; kin gu mizlinè ɓai! Nasa ma nkwèr kinè te verzi wud wuda kinè a mèdèp, a sam tèlèba man kin nzi a pa.

Lèv. 23:27

A ki tsaraɗ, mʼmèn 10, pats mprè malai. A kin shkè a sam mɓicè-va nkezlaʼa. Vo-sok va te skwi tèlèba, a kin va na skwi a Ndo nzi pèc pècèk te vogwa.

Lèv. 23:35

A pats nasa kin ɓica va a ngolala nkezlaʼa. Kin gu mizlinè bai!

Nombres 28:18

A pats nshèlèkuraʼa, mɓicè-va a sam ngolala nkezlaʼa. Kin gu mizlinè a pats sa bi fèt!

Nombres 28:25

A pats matsaraɗaʼa, kin ɓicè va a sam ngolala nkezlaʼa. A pats nasa kin gu mizlinè bai!

Nombres 28:26

A pats mɓicè skwi nshèlèkuraʼa, aman kin va na movar a dau mɓuaʼa a Ndo nzi pèc pècèk: aman luma klèng, va-ɓica va a sam ngolala nkezlaʼa, kin gu mizlinè bai!

Nombres 29:1

Te ki matsaraɗaʼa, a pats nshèlèkuraʼa, kin ɓica a sam ngolala nkezlaʼa! A pats nasa kin gu mizlinè bai! Nengaʼa pats ntsi tolom kinè.

Nombres 29:12

Te ki matsareɗaʼa, te mʼmèn 15, kin ɓicè va a sam ngolala nkezlaʼa. A pats nasa kin gu mizlinè bai, sèi kin gi ngolala Ndo nzi pèc pècèk, mʼmèn tsaraɗ.

Jean 19:31

A ndohi Juif, a géɗ man pats ntil ngolala Pâques, ta dzhoɗ Pilate, ta woya nckondohi ta nzi a wof ngézlèl ta azɓai a pats nshèk va (pats nshèk va sa mbiaʼa). Ta woya ta paslama ta sak, a ta helka ta hai a deɓ wof.

Deutéronome 16:8

Mʼmèn 6 ka da ndau movar man nsegara ɓai. Mʼmèn 7, mɓicè-va nkezlaʼa a nslébèrdè Ndo nzi pèc pècèk, Zhiklè ngaya. Ka da gu mizlinè ɓai!