Exode 10:9 - Ma Zhiklè

⁹ A Moise a ngaɗa: Nga woy a nga dè tèlèba, a wudahi ba, a babgihi ba, a wudahi a dalahi nga, a tambakihi nga a zlèhai, nga woy a nga hel ta a ri tèlèba, te man nga da gi ngolala Ndo nzi pèc pècèk.

Exode 10:9 Iomraidhean Croise

Genèse 50:8

a ndohi gi Joseph tèlèba, a kramamhi na, a ndohi gi bab na, tèlè to do a vna. Sèi wudahi nkèshèa, a zlèhai a tambakihai ta jèke ta te kokwar Gosen.

Exode 10:10

A nengaʼa a ngaɗa ta: Zhiklè do do a nda kinè; aman i va kinè civèɗ a wudahi kinè tèlè azɓai! Na haha kin hur skwi man ambaɓai.

Exode 10:26

A skwi kudom ba do do a verzi nga, ko kotèkwèr skwi staɗ a nzi a deɓa azɓai. Sèi nga cè te vaʼa a nga vi a Ndo nzi pèc pècèk, Zhiklè nga. A nga shinè, nga da va na Zhiklè ngama ngama, sèi nga ndikè a samaʼa.

Exode 12:32

Va-helda tambakihi a zlèhi a rai, ara man kin goɗa, vo-do, va-gu aman i ba i ngècè mpshè ma.

Exode 12:37

A ndohi Israel ta slambaɗa te Ramses, a ta de Succoth. Ndohi a gi 600.000 ta de a sak, wudahi ta nger ta a va bai.

Exode 12:38

Ndohi dala kumba to do a nda tengaʼa, a tambakihai, a zlèhai, skwi ndzham rèdèdèa.

Exode 13:6

Mʼmèn 7 kin da ndau movar man skwi nshégèrè a te di bai; a pats matsaraɗaʼa, ngolala Ndo nzi pèc pècèk.

Exode 3:18

A ta da cinè ma ngaya. Aman kinè a ndohi nhalaʼa sèi kin dè a sam bi Egypte, a kin da gaɗa na: Ndo nzi pèc pècèk, Zhiklè ndohi Hébreu, a ngudoko nga va a dai. Va nga civèɗ, a nga dè hèshèkèɗ, nga mènè a civèɗ makar, a nga zli skwi a Ndo nzi pèc pècèk, Zhiklè nga.

Exode 5:1

Te deɓaʼa Moise a Aaron to do a gi Pharaon, a ta gada na: Ndo nzi pèc pècèk, Zhiklè Israel, a gada: Va ta civèɗ a ndohi ga, aman ta dè hèshèkèɗ, a ta slébèrdyè te pa.

Exode 5:3

Ta gada na: Zhiklè ndohi Hébreu a ngudoko nga va a dai. Pre nga, a nga dè hèshèkèɗ, dra ara man a gi mʼmèn makar, a nga da zli skwi a Ndo nzi pèc pècèk, Zhiklè nga. Man bai a pra nga gidiɓèr a va, a bazl nga a tsakwal.

Proverbes 3:9

Slubordo Ndo nzi pèc pècèk te skwi ngaya man ka va na te nshèlèkur skwi man ka ngots tèlèba.

Ecclésiaste 12:1

Gola, wuffa te gol ngaya! Gu langlangaʼa man ka gola dai! Gu ara man ndav ngaya a woyaʼa, di ngaya da wuffa a géɗèʼa! Aman sèi ka suna, a géɗ skwi haha tèlèba, Zhiklè a da zlatsede ka a sam kita.

Nombres 29:12

Te ki matsareɗaʼa, te mʼmèn 15, kin ɓicè va a sam ngolala nkezlaʼa. A pats nasa kin gu mizlinè bai, sèi kin gi ngolala Ndo nzi pèc pècèk, mʼmèn tsaraɗ.

Ephésiens 6:4

Kinè babhai, kin poko ta gèɗ auda a wudahi a ndzoan ɓai! Aman va-gre ta, va-ngatsa ta maya, va-ngez ta te Bi Zhiklè!

Josué 24:15

Aman njèjèr Ndo nzi pèc pècèk a da ambaha kinè ɓai, va-hur a patsna: Kin woy a kin jèjèr zhiklèhi man bababhi kinè ta dzadzar ta tʼwud woyam Jourdain ɗè, ɗè kin jèjèr zhiklèhi ndohi Amor man kinè te kokwar tengaʼa antanta dè? Aman nga a ndohi gi ga, nga jèjèr Ndo nzi pèc pècèk!