Exode 10:23 - Ma Zhiklè

²³ Ndo ngiɗè a rka ngiɗè ɓai, ndo a nslambaɗa auda a sam nʼnzi na ɓai, mʼmèn makar. Aman a sam ndohi Israel, sam nhela, di a rka cerhcerhaʼa.

Exode 10:23 Iomraidhean Croise

Exode 14:20

a nʼnza a ndev ndohi var Egypte, a ndohi var Israel. A vani a mʼmadz na te civèɗ ngiɗè, nhela te civèɗ ngiɗè, a ndohi Israel ta beza a pa, a vad, a vad tèlèba, ngiɗè a rka ngiɗè bai, ngiɗè a rka ngiɗè bai.

Exode 7:25

A gu arsa mʼmèn 7, te deb man Ndo nzi pèc pècèk a ntsu woyam Nil.

Exode 8:18

A pats nasa i woy a i ɓer kokwar Gosen, man ndohi ga te pa, a zlra a dè a pa azɓai, a ka da suna, iyè Ndo nzi pèc pècèk, i zhè te ndev kokwar.

Exode 8:19

I woy a i gia tsaɗ tsaɗ: a sam ndohi ga tsaɗ, a sam ndohi ngaya tsaɗ. Angoslèm i da ngra ka skwi haha.

Exode 8:22

A Moise a ngaɗa: Nga slaha nga gi arsa azɓai. Skwi man nga zli a Zhiklè nga, a ndara ta ndohi Egypte. Aman nga da zlèh skwi a Zhiklè a sam di ndohi Egypte, man a ndara ta, ta da kal nga a kwa.

Exode 9:26

Sèi te kokwar Gosen, a sam ndohi Israel, vandzal nʼnga ɓai.

Exode 9:4

Aman Ndo nzi pèc pècèk a da gi a sam skwi kudom Israel tsaɗ, a sam skwi kudom ndohi Egypte tsaɗ: a skwi ndohi Israel ko staɗ a da metsi azɓai.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Amos 4:7

Iyè i va kinè iyam ɓai, ko a gi ki a ma makar, man a skwi a nslai. A kokwar ngiɗè i ga ta iyam, a kokwar ngiɗè i ga ta iyam ɓai. Gi dau ngidè a nʼngots iyam, gi dau ngidè a nʼngatsa ɓai, ngwora.

Mal. 3:18

Te deɓaʼa kin ɗèlè auda te va ndo nzuraʼa a ndo nderɗè Zhiklè zaʼa, te va ndo man a gi mizlinè Zhiklè, a ndo man a gi mizlinè Zhiklè azɓai.

Colossiens 1:13

A mpreka nga auda te ri wuɗi ruva, a mpe nga a kokwar-Bi kra nengaʼa, man a woya a ndav na,

Josué 24:7

Aman ndohi Israel ta kuɗau a sam Ndo nzi pèc pècèk, a nengaʼa a ngeda ndodok ara ruva a ndev kinè a ndohi Egypte, a mbüɗko ta iyam mbiaʼa a gèɗ a ndohi Egypte, a nzede ta a pa. Gar haha skwi man i gau te Egypte, kin rkaʼa a di kinè. Te deɓaʼa kin nzau tʼhèshèkèɗ kumba.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.