Aggée 1:2 - Ma Zhiklè

² Zhiklè bi mbiaʼa a goɗ aranta: Ndohi haha ta gaɗa: Tiɗè sama di ka ɓai, njèkédai a nga rèm gi Zhiklè zaʼa.

Aggée 1:2 Iomraidhean Croise

II Rois 12:7

A bi Joas a mbaha na Jehojada, ndo mvi skwi a Zhiklè, a ndohi mvi skwi a Zhiklè ngiɗè, a ngaɗa ta: Kin tila sam ngedassaʼa te gi Zhiklè ɓai èhè-mè? Antanta kin hil Suli te ri gwoli kinè a va kinè asaɓai, aman sèi kin viaʼa, a nga til sam ngedassaʼa te gi Zhiklè.

Esdras 4:23

Aman ta jongo ɗèlèwèr Artaherhes a sam Rehum a Shimshai, ndo mwindè ɗèlèwèr, a sam gwoli ta ma, to do a kokwar Jérusalem, a sam ndohi Juif, tsam tsam, a ta ga ta ndzoan, aman ta jèkeda mizlinè.

Néhémie 4:10

Ndohi Juda ta gaɗa: Wuɗi ndohi nzhüɓ skwai a herdaha va na, nkulama dungufaʼa tʼhai kumba. Nga a géɗ nga, nga slaha nga rufa zlazlar azɓai.

Proverbes 22:13

Ndo wudar a gaɗa: Marizhèlè a zhè tʼuda, a da ndiyè a ma a civèɗ.

Proverbes 29:25

Ndo man a gi zlau ndohai, a kèlèhai; aman ndo man a pi ndav a Ndo nzi pèc pècèk, ta lama na azɓai.

Ecclésiaste 11:4

Ndo man a pi di a kozlar, a zleki skwi azɓai. Ndo man a pi di a vanai, a ɓicè skwi azɓai.

Ecclésiaste 3:3

Man tiɗè sam mbèzl skwi ma, ta bèzlèʼa; man tiɗè sam mʼmbel skwi ma, ta mbélèʼa. Man tiɗè sam nʼngél skwi ma, ta ngélèʼa; man tiɗè sam nrèm skwi ma, ta rèmèʼa.

Ecclésiaste 9:10

Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Aggée 1:1

Aman Darius bai, te mvi macecè-waʼa, ki mamokwaʼa, a pats nshèlèkuraʼa, Ndo nzi pèc pècèk a ngaɗa na Zorobabel, kra Shealthiel, ngomna te Juda, a Josué, kra Jotsadak bi ndohi mvi skwi a Zhiklè, te ma Aggé, ndo nhadka ma Zhiklè:

Aggée 1:3

Aman Ndo nzi pèc pècèk a goɗ te ma Aggée, ndo nhadka ma:

Nombres 13:31

Aman ndohi man to do a vna, ta gada: Nga slaha ndohi kokwar sa ɓai, wuɗi tengaʼa a zhè kumba, a fena wuɗi nga.