Romeŋ 8:2 - MEY HAYNA WAYNA MA YEZU KRISTE MA MEVEY

² Hərway mewey ma Mesəfrey ma vəley mendzey da Yezu Kriste na na, ka ləhadiyawa ba da mewey ma meŋgəsey ta memətsey.

Romeŋ 8:2 Iomraidhean Croise

Mey Hayna Wayna ma Yezu Kriste Zaŋ 4:10

Yezu ma mbəɗar kava: «Hana kah ka sərada tek ma hayaha ma Bay ma Bəla, kah ka sərada ndaw a neney ma ləvaka ‹vəlaya yam me sey› ana na, ma da tsəhafa na kah, akwatay na ka vəlaka yam mendzey ana ba.»

Mey Hayna Wayna ma Yezu Kriste Zaŋ 4:14

ama ndaw ma da sey yam i ma da vəlar ana na, ɗaɗa yam a da harta ha sakay. Dzadzak na yam na i ma da vəlar ana na, a da tərey da vaw ŋga na, 'ar yam aha, a vey a mendzey me ndəvey kakay ana.»

Mey Hayna Wayna ma Yezu Kriste Zaŋ 6:63

Ma ndzaha da ndaw na Mesəfrey, slaw vaw na a nefey haɗa ha dakay. Guma ɗaw i ma tsakwar ana hay na, Mesəfrey ta sifa.

Mey Hayna Wayna ma Yezu Kriste Zaŋ 8:32

Ka da səradama dərka na, arka dərka na a da təradakwar na, ndaw ma wama 'ar ata na hay.»

Mey Hayna Wayna ma Yezu Kriste Zaŋ 8:36

Zla ekəɗey haɗaw Bəzey ma 'ay ana ma mbəɗəkurawa na, ka da ndzam na ndaw ma wama 'ar ata na hay dərka na.

Romeŋ 16:3

Tsadəmatara guma andza Priska ta Akilas, ndaw na la ma kam mber ma Yezu Kriste dzaya na hay.

Romeŋ 3:27

Neney na, ma ŋgelekey da huɗa daha ɗaw? Daha tikay! Hərway ma mey? Hərway ma tek ata ma kam tsukuɗu? Ɗaɗa andza tikay! amana, hərway ma ma pey 'ar.

Romeŋ 5:21

Andza ma meŋgəsey ana ma key bay ma memətsey ana na, kəɗey na, ta dzerey na, hahaya ma key bay ma mendzey ma ndəvey kakay ana, ta har ma Yezu Kriste, Bay’ərlam a lakwa.

Romeŋ 6:14

Hərway meŋgəsey a da slafa ha ma wakwar 'ar sakay, kavəday kuray ma ndzaya na, da Mewey sakay, amana, da hahaya.

Romeŋ 6:18

Andza ma ləhakwar ba da beke ma meŋgəsey na, ka da təram na, beke ma dzerey ahiya.

Romeŋ 6:22

Ama ekəɗey kuray ka ləhəmawa tsoy da meŋgəsey, ma təraya tsoy beke ma Bay ma Bəla ahiya na, ka da yam kava, ma da kəsada ndaw a kokwoɗ, ma da ndakada ŋga na tey na, a mendzey ma ndəvey kakay ana.

Romeŋ 7:21

I me wuɗey ma key tek hayna na, i nəkafa ka mewey tok na: andza tek haya kakay aha ma ŋgwaha ha ka slam har a ɗaw.

Romeŋ 7:23

Ama da mezəvey ma vaw ɗaw hay na, i ndzefey mewey mekelehe, a kəɗam aha vaw ta mewey ma tek a ɗaw me sərey ana; a təradaya na, beke ma Mewey ma meŋgəsey da mezəvey ma vaw ɗaw hay.

Romeŋ 7:4

Kuray tiyatsa na, andza ha malam a ɗaw hay: ka kəɗəmakwar ba vagay ahiya ta vaw ma Kriste, hərway me Mewey; ma kuray ka da ndzamar a ndaw mekelehe, Ndaw ana ma mbəlawa da walaŋ ma ndaw ma mətsa na hay, ma lakwa ka da yakwama kava ma Bay ma Bəla.

Romeŋ 8:1

Ekəɗey na, kwa ndaw ma da dzuwata ndaw ma vəlaya ma Yezu Kriste na hay na dasakay.

1 Korintieŋ 15:45

Ma winda da ɗeriwel kokwaɗ ana na, andza neney: «Adam ndaw tsəfəmey ana na, vaw ŋga na andza ma gənaw, a səfrey, Adam ma dakwaydok ana na, mesəfrey aha, a vəley mendzey.

2 Korintieŋ 3:17

Hərway Bay’ərlam na Mesəfrey aha, arka ka slam ana Mesəfrey ma Bay’ərlam ŋga daha na, ma wa ’ar daha.

2 Korintieŋ 3:6

Ma təradandar ɗa ndaw me key meslərey ma me dzəmey vaw wayna na ŋga. Hərway mewey ma mewindey na a dada ndaw a memətsey, ama Mesəfrey Kokwaɗ ana na, a vəley mendzey.

Galat 2:19

Hərway yah na, mavəday ma Mewey na, i mətsar a Mewey, ma i ka da ndzey ma Bay ma Bəla. Ta Kriste na, i na ndaw ma dara ha ka 'ar ma tuwaw ma gazləla ha.

Galat 5:1

Kriste a buwandukurawa na, ma lakwa ka tərakwama ndaw ma wama ’ar ata na hay dərka na. Səmam vaw, ma ka da madəmakwar zlambəla ma beke a ɗay sazlay.

Galat 6:2

Dzənam vaw me zəgey tek ma ləhey ana ka 'ar vaw kwar ana, kəɗey na, ka ndasladama mewey ma Kriste.

Ɗeriwel ma Zak 1:25

Ama ndaw ma səpa mewey hayna, na me vəley me wey 'ar ana, ma nəkafa dey mambay mambay aha na, ma dzəkafa sləmay dada tsa kakay, amana, me key andza ha na na, ndaw ana ŋga na na, a da ndzefey wuiya da tek aŋga na ma da key ana.

Apokalis 11:11

Ama a dəba ma meney a neney hay makar ta rita ana na, mesəfrey ma mendzey ma sawa da Bay ma Bəla, me fuləkwey a vaw ta, taya ma lətsam. Arka na zluwer ɗuhwaha ma katar a ndaw ma nəkafəmata na hay.

Apokalis 22:1

Arka ŋga ma ɓafaya ka wayaŋ yam me vey ana, a wezley dey andza malam. A vawa na da koriwal ma Bay ma Bəla, ta na ma bəzey təɓaŋ.