Romeŋ 5:9 - MEY HAYNA WAYNA MA YEZU KRISTE MA MEVEY

⁹ Ana ekəɗey lakwa ma tərahiya ba dzerey ahiya ta mambaz aŋga na, dzadzak tok na, a da buwandukurawa da me tsey mevel da har aŋga sakay tok ɗaw?

Romeŋ 5:9 Iomraidhean Croise

Mey Hayna Wayna ma Yezu Kriste Zaŋ 5:24

Dərka dərka na i ləvakwar, ndaw ana me pey sləmay ka guma ɗaw, me pey 'ar ka Ndaw ma sləradiyawa na na, a da ndzefey mendzey me ndəvey kakay ana; ŋga na a daw ka slam ma sariya tikay, hərway ŋga na, ka tesey ba da memətsey a mendzey ma ndəvey akay ana.

Romeŋ 1:18

Akwa na zla da mekekəle ma həzlay ma 'ərlam na, Bay ma Bəla ma ɓada me tsey mevel ŋga ka meŋgəsey ta tek dzerey ahiya kakay ana hay ma ndaw hay ma zəgadama dərka na beke ma dzerey dakay ana.

Romeŋ 5:1

Kəɗey tok na, ma təraya ba ndaw dzerey ahiya da 'ar me pey na, lakwa da zozoy ta Bay ma Bəla ta har ma Bay’ərlam a lakwa Yezu Kriste.

Romeŋ 5:10

Haɗaw azlakwa kete lakwa ndaw dugwan ma Bay ma Bəla ahiya na, ka dzəmadandakwar ba ka vaw ta me mətsey ma Bəzey ŋga sa na, dzadzak ekəɗey lakwa ma dzəmaya tsoy ka vaw tok na, a da buwandakwar ta Mendzey ŋga sakay tok ɗaw?

Romeŋ 8:1

Ekəɗey na, kwa ndaw ma da dzuwata ndaw ma vəlaya ma Yezu Kriste na hay na dasakay.

Romeŋ 8:30

Ndaw ana ŋga ma dzalafata 'ar ba zla ka vaw andza ha na hay na, ŋga ka zəlata ba tiyatsa, ndaw ŋga ma zəlata na hay na, ka təradata ba dzerey ahiya satsa. A ndaw ŋga ma təradata dzerey ahiya na na, ŋga ka vəlatar maram aŋga ba satsa.

Efeziyeŋ 2:13

Ama ekəɗey da medzəmey vaw ta Yezu Kriste na, kuray a kete dəreŋ ana hay na, kuray ma təraya ba bəse ta mambaz ma Kriste.

Efeziyeŋ 2:3

La da walaŋ ata tiyatsa, la neney tabiyaha, ma mbəkadəmara vaw zlekete a tek ma slaw vaw ma sar ana, la kam andza ma ŋga me wuɗey ana, la səpam me dzeley 'ar aŋga, arka la ma kaya na kalkal andza sa ma ndaw hay, ma vəlaya a me tsey mevel.

1 Tesalonisieŋ 1:10

Ma da hutey Bəzey ŋga ma sawa da 'ərlam ana, ŋga ma mbəladərawa da walaŋ ma ndaw ma mətsa na hay, Yezu na ma buwandukurawa da me tsey mevel ma da sawa na.

Ebrew 9:14

sakwa mambaz ma Kriste tok na, ŋga ta har ma Mesəfrey me ndəvey kakay ana, ma vəlada vaw ŋga ta har aŋga na a Bay ma Bəla, andza tek ma kuley ma zləɓa ha tikay ana na, a da slafa ma bəzləmadandakwar me dzeley 'ar a lakwa ma mətsa na hay, ta tek a lakwa me key, ma kadara meslərey a Bay ma Bəla te dey ana kakay tok ɗaw?

Ebrew 9:22

andza ma Mewey na, a bazləməmata mendzey ma tek hay tabiyaha na ta mambaz, haɗaw mandzara me key mambaz na, me sey yam dakay.

1 Zaŋ 1:7

Ama haɗaw i halakwama da waw me nəkey dey, andza ma ŋga na ta 'ar aŋga na ŋga da waw me nəkey dey ana na, lakwa ma dzəmaya ka ndaw ka ndaw ta mambaz ma Yezu Bəzey ŋga ma bazləmadandakwar meŋgəsey lakwa hay ba tabiyaha na.