Romeŋ 5:1 - MEY HAYNA WAYNA MA YEZU KRISTE MA MEVEY

¹ Kəɗey tok na, ma təraya ba ndaw dzerey ahiya da 'ar me pey na, lakwa da zozoy ta Bay ma Bəla ta har ma Bay’ərlam a lakwa Yezu Kriste.

Romeŋ 5:1 Iomraidhean Croise

Romeŋ 15:13

Hayna Bay ma Bəla ma me pey dey ana ka vəlakwar wuiya ta zozoy, ma da pey 'ar ta gədaŋ ma Mesəfrey Kokwoɗ ana, ma kuray ka rəham ta ma pey dey.

Mey Hayna Wayna ma Yezu Kriste Zaŋ 16:33

I tsadakwar a neney na, ma ta yah na, kuray ka da ndzafam zozoy. Da mendzey ma bəla neney na, ka da ndzam da mevel, amana, səmam vaw, i ka zəga 'ar ma sleɗ ba ka bəla.»

Kolosieŋ 1:20

Arka ma da dzəmadata tek hay tabiyaha ta ŋga, ma ŋga na, ka dala ta da 'ərlam, ta ma padərawa zozoy ta mambaz aŋga ka 'ar ma tuwaw aŋga ma gazləla na.

Romeŋ 6:23

Hərway masa ma meŋgəsey na, memətsey, ama tek ma Bay ma Bəla me vəley ma haya ha na, mendzey ma ndəvey kakay ana, da Yezu Kriste, Bay’ərlam a lakwa.

Romeŋ 14:17

Hərway Slala ma Bay'ərlam na, mber ma ndza tek me zəmey ta zom ma sey kakay; ŋga na, ma dzerey, zozoy, ta wuiya da Mesəfrey Kokwoɗ ana.

2 Tesalonisieŋ 3:16

Hayna Bay’ərlam ma zozoy ta ’ar aŋga na ka vəlakwar zozoy ka pas ka pas aha da ndaraw hay tabiyaha. Hayna Bay’ərlam ka ndzey ta kuray tabiya kwar aha.

Mey Hayna Wayna ma Yezu Kriste Zaŋ 14:27

I mbəkadakwar zozoy, i vəladakwar zozoy ɗaw. I vəladakwar na andza ma ndaw ma bəla hay tikay, 'ərev ka da həɓakwar zlay, ka da wasam zlay.

Romeŋ 4:5

Dzadzak na, a ndaw ma key mber kakay na, ama a pey 'ar ka ndaw ma tərada ndaw ma ŋgəsaha, dzerey aha na, ma pey 'ar aŋga ma mbəsla ha ba andza dzerey aha.

Kolosieŋ 3:15

Hayna zozoy ma Kriste ka ndzey da mevel a kwar, na kuray ma zəlaya kava tabiyaha, da vaw ana asləta. Haya ndzam na, da ma madara sise.

Romeŋ 15:33

Hayna Bay ma Bəla ma zozoy ka ndzey ta kuray tabiyaha. Amen!

Mber 10:36

A sləradatərawa guma ŋga na a ndaw ma Israyel hay: Mey Hayna Wayna ma zozoy, ta har ma Yezu Kriste, Bay’ərlam ma ndaw hay tabiyaha.

Filipieŋ 3:9

Ma i ka da key da ŋga na, ta dzerey ana ma sawa da Mewey ana kakay, amana, ta na ma sawa da me pey 'ar ka Kriste ana, dzerey na ma sawa da Bay ma Bəla ana, na ma zəga har aha na, ka me pey 'ar ana.

1 Tesalonisieŋ 5:23

Hayna Bay ma Bəla ma zozoy ana ta 'ar aŋga na, ka təradakwar kərem kokwoɗ ahiya, arka aza na, mesəfrey kwar, mezek a kwar, ta tapay ma vaw kwar, ka da ndzam ma wa vaw aya, mandzara meŋgəsey, mandzara me ŋgəley bəzay, ta pas ma da sawa ma Bay’ərlam lakwa Yezu Kriste.

Romeŋ 5:18

Da mey asləta na, andza ta meŋgəsey ma ndaw asləta na, ndaw hay tabiyaha ma dzuwa hiya, kəɗey tey na da mber ma dzerey ma ndaw asləta tey na, ndaw hay tabiyaha ka təram ba dzerey ahiya, ma da ndzafada mendzey.

Mey Hayna Wayna ma Bay Yezu Kriste Luk 19:42

Ŋga me ləvey: «Akwa kah tiyatsa kah səradərawa ba da meney a neney me ndzefey zozoy teŋgey na, amana wuiya, ka kəzlafəkawa ba ka slam dey ɗek.

Romeŋ 1:7

I windəkuraɓa a kuray, ndaw Bay ma Bəla ma wuɗata na hay tabiyaha da Rom ana, a ndaw Kokwaɗ ana hay ta me zəley ma Bay ma Bəla, hayna Bay ma Bəla Baba lakwa, ta Bay’ərlam Yezu Kriste ka vəlakwar hahaya ŋga, ta zozoy ŋga!

Mey Hayna Wayna ma Bay Yezu Kriste Luk 19:38

Taya ma ləvam: «Ndaw a neney ma sawa na na, ma pəsa mey aha ba, ŋga na Bay ɗuhwa ha, da me zəley ma Bay’ərlam! Zozoy da 'ərlam me wezley dey ŋga tsaŋ da mekekəle ma 'ərlam!.»

Galat 2:16

Ama ka səradakwa ha, ma tərada ndaw dzerey aha na, mber ma Mewey kakay, ama na, sey ta me pey 'ar ka Yezu Kriste. Lakwa na tiyatsa na, ka pəkwawa 'ar na ka Yezu Kriste, ma aza lakwa ka da tərakwa dzerey ahiya, da me pey 'ar a lakwa ka Kriste, zləna, da mber ma Mewey kakay, zləna, hərway ta mber ma Mewey na, ndaw ma da tərey dzerey aha na dakay.

Mey Hayna Wayna ma Yezu Kriste Zaŋ 20:31

A windəmatərawa neney hay na, ma aza kuray ka pam 'ar Yezu na Kriste, Bəzey ma Bay ma Bəla, ma aza da me pey 'ar a kwar na, ha da ndzafam mendzey da mezəley ŋga.

Romeŋ 10:10

Akwa na, haɗaw ka pey 'ar da mevel eɗek na, a da dadaka a dzerey, ma ɓada da huɗa mey tey na, a kəsada ndaw a ma buwey.

Romeŋ 3:30

Hərway Bay ma Bəla na, ŋga asləta, ma təradata ndaw ma sla kuɗey dzerey ahiya ta 'ar me pey, ta ndaw ma sla kuɗey kakay ana hay, ta 'ar me pey atsa.

Romeŋ 1:17

Da Mey Wayna na, a ɓada na neney: Bay ma Bəla na, a tərada ndaw dzerey aha ka slam dey ŋga, ta ma pey 'ar ka ŋga. ’Ar me pey ana ŋga na na, ɗa tsa. Andza na ma windaha na da ɗeriwel Kokwoɗ ana: ‹Ndaw ana dzerey aha ta ma pey 'ar ana na, a da səfərey.›

Ebrew 13:20

Hayna Bay ma Bəla ma zozoy ma tsəladərawa Bay’ərlam a lakwa Yezu Kriste da walaŋ ma ndaw ma mətsa na hay, ta mambaz ma me dzəmey vaw ma kozaha na, ndaw me tsukurey hayna ma təɓaŋ hay,

Efeziyeŋ 2:7

Kəɗey tok na, ta haya aŋga me key hərway lakwa da Yezu Kriste na na, a wuɗey ma ɓada da mevey temere na hay ma da səmawa ka mey ana hay, zleley ma hahaya ŋga, na tek ma malada dakay ana.

Galat 3:25

Ama andza ma sawa ma me pey 'ar ba na, lakwa da huɗa har ma ndaw ma tsukurandakwar a ŋga na sakay.

Romeŋ 10:15

A da tələkadama mey na, teŋgey, mandzara ka sləram ndaw hay na? Satsa na, ma winda ha andza neney: «Sek ma ndaw ma ɓey mey hayna wayna hay na, mambay ahiya!»

Romeŋ 9:30

Me ləvey ŋga na na teŋgey? Akwa na andza neney: ma ndaw Zuif ahiya kakay ana hay na ma səpam dzerey kakay ana hay na, ka ndzafam ba - I tsey na ka dzerey na ma sawa da 'ar ma pey ana-

Mey Hayna Wayna ma Bay Yezu Kriste Luk 2:14

«Kəɗakwar har a Bay ma Bəla da mekekəle ŋga. Zozoy ka dala ma ndaw ŋga ma wuɗata na hay.»

Romeŋ 3:22

Tek a neney na, dzerey ma Bay ma Bəla ta ma pey 'ar ka Yezu Kriste, ma ndaw ma pey 'ar ana hay tabiyaha, hərway gəle gəle ŋga na dakay:

Mey Hayna Wayna ma Yezu Kriste Zaŋ 5:24

Dərka dərka na i ləvakwar, ndaw ana me pey sləmay ka guma ɗaw, me pey 'ar ka Ndaw ma sləradiyawa na na, a da ndzefey mendzey me ndəvey kakay ana; ŋga na a daw ka slam ma sariya tikay, hərway ŋga na, ka tesey ba da memətsey a mendzey ma ndəvey akay ana.

Romeŋ 5:11

A fəna sa na, i padakwa ma dzeŋgesley lakwa ka Bay ma Bəla, ta har ma Bay’ərlam a lakwa Yezu Kriste, na ekəɗey i ma ndzafakwa ma dzəmadandakwar ka vaw ta har aŋga na.

Galat 5:22

Ana nəkafama ka mber ma Mesəfrey ma sadərawa na: ma wuɗa vaw, wuiya, zozoy, me zəgey mevel, kokwoɗ, hahaya, me pey 'ar,