Romeŋ 4:11 - MEY HAYNA WAYNA MA YEZU KRISTE MA MEVEY

¹¹ Abraham a da ndzafa ma sley kuɗey na, andza kəla ma zeheɗ ma dzerey ŋga ma vəlamar da ma pey 'ar aŋga, zla ŋga ma sla kuɗey aha tsaray kakay ana. kəɗey na, ka tərey ba andza baba ma ndaw ma pam 'ar, ma sla kuɗey aya kakay ana hay satsa, ma ka da mbəsləmata a dey ma ndaw dzerey ana hay.

Romeŋ 4:11 Iomraidhean Croise

Romeŋ 3:22

Tek a neney na, dzerey ma Bay ma Bəla ta ma pey 'ar ka Yezu Kriste, ma ndaw ma pey 'ar ana hay tabiyaha, hərway gəle gəle ŋga na dakay:

Mey Hayna Wayna ma Bay Yezu Kriste Luk 19:9

Arka Yezu me ləvey hərway ŋga: «Teseɗey na, me buwey ka sawa ba a veɗ 'ay a neney, hərway ŋga na tiyatsa na, bəzey ma Abraham.

Ebrew 11:7

Ta me pey 'ar na Noey ma tsənada guma ma Bay’ərlam ka tek ma da key na, ndaw a nəkada ha tsaray kakay ana. Ŋga na ma təɓa guma na ka mevel aŋga, arka me ləmey kwambiwal ma da ləhada veɗ 'ay ŋga. Kəɗey na ŋga ka dzuwa bəla ba, ma da zəmey dzerey ana me ndzefey vaw da 'ar me pey ana.

2 Korintieŋ 1:22

Ŋga ma kafandakwar zeheɗ da mezəley ŋga, ma batəkwandakwar Mesəfrey Kokwaɗ ana a mevel a lakwa hay, andza me rey sek ma tek ma da vəladandakwar ka mey ana.

Filipieŋ 3:9

Ma i ka da key da ŋga na, ta dzerey ana ma sawa da Mewey ana kakay, amana, ta na ma sawa da me pey 'ar ka Kriste ana, dzerey na ma sawa da Bay ma Bəla ana, na ma zəga har aha na, ka me pey 'ar ana.

Efeziyeŋ 4:30

Ka da kamar tek me tsey mevel aha a Mesəfrey Kokwoɗ ana zlay, na Bay ma Bəla ma kadakwar andza zeheɗ aha, ma pas ma ma da buwey ndaw hay.

Efeziyeŋ 1:13

Da ŋga satsa na, kuray ka tsənadama mey ma dərka ba, Mey Wayna na ma buwakwar ana. Da ŋga satsa na, kuray ka pam 'ar ba, ma kafakwar zeheɗ ma Mesəfrey na ma tsəmawa kava na: Mesəfrey Kokwoɗ ana,

Galat 6:16

Ma ndaw ma səpama mewey ana tərre andza ha na hay na, zozoy ta ma pəsa mey ma Bay ma Bəla ka ndzey ta taya, ta səkway ma Bay Bəla tabiya ha.

Galat 5:5

Haɗaw na ŋgalakwa ndaw me pey ’ar hay na, la padama me pey dey la na ka Bay ma Bəla, ma da təradandakwar dzerey ahiya ka slam dey ŋga, na la lakwa ma hutakwa ta ma slafa ma Mefrey Kokwaɗ ana ma ɓada me pey ’ar aŋga da ma wuɗa vaw.

Galat 3:29

Haɗaw azlakwa kuray ma vəlaya ma Kriste na, na ŋga na azlakwa na, kuray bəzey ma hwaɗ ma Abraham hay, andza na ma tsəmawa na na, kuray na ndaw me zəmey 'ay ana hay.

Galat 3:22

Ama Mewindey Kokwoɗ ana a ləvey na, meŋgəsey ka watar 'ar ba a tek hay tabiyaha, ma aza arka ta me pey 'ar ka Yezu Kriste na, ka ndaw me pey 'ar na, guma ka ndesley andza na ma tsəmərawa na.

Galat 3:7

Tsənadama tok: bəzey ma Abraham hay na, ndaw me pey 'ar ana hay.

Romeŋ 10:11

Hərway Mewindey Kokwoɗ ana hay a ləvam na: «Kwa way way me pey 'ar ka ŋga na, a da pamar aha hwaray a dey kakay.»

Romeŋ 10:6

Ama dzerey na ma sawa da ma pey 'ar ana na, a ləvey na andza neney: «Ka da ləvey da mevel eɗek ma da tsəley a 'ərlam na way zlay, na ŋga na na, ka key na, ka hərɗadərawa Kriste.

Romeŋ 10:4

Hərway me dukwey ma Mewey na, Kriste, ma aza ka vəladəmatara dzerey a ndaw ma pam 'ar ana hay tabiyaha.

Mey Hayna Wayna ma Yezu Kriste Zaŋ 6:35

Yezu ma ləvatar: «Peŋ ma mendzey ana na, yah ana, ndaw ma sawa ka tsakay ɗaw na, may a da tsafa ha kakay. Ndaw me pey 'ar ka yah na, ɗaɗa yam a da harta ha kakay.

Apokalis 9:4

Ma təkəmata ba ka da ləmamar a guzer ka dala zlay, a tek ma ɗoɗo na zlay, kwa a vəɗe ma tek asləta zlay, amana, ka kəmatar na a ndaw na ta zeheɗ ma Bay ma Bəla ka 'ərdey ta dakay ana hay.

2 Piyer 1:1

Yah Simeiyoŋ Piyer, gawla ma 'ay, maslaŋ ma Yezu Kriste, i windatar a ndaw na ma ndzafam ta dzerey ma Bay ma Bəla lakwa, ta me buwey lakwa Yezu Kriste, me pey 'ar ma wam kal kal ta na ŋga la na:

Romeŋ 9:30

Me ləvey ŋga na na teŋgey? Akwa na andza neney: ma ndaw Zuif ahiya kakay ana hay na ma səpam dzerey kakay ana hay na, ka ndzafam ba - I tsey na ka dzerey na ma sawa da 'ar ma pey ana-

Romeŋ 9:6

Kəɗey tok na guma ma Bay ma Bəla ka zəɗey kakay. Akwa ndaw ma israyel hay tabiyaha na, bəzey ma Israyel aya tsa kakay.

Romeŋ 3:26

Da har ma me zəgey mevel aŋga na, a ɓada tok na, dzerey ŋga da har ekəɗey ana, mala ka səradama dzerey aha, ma da tərada ndaw me pey ’ar ka Yezu dzerey aha.

Mey Hayna Wayna ma Yezu Kriste Zaŋ 8:33

Taya ma mbəɗamar kava: «La na bəzey ma hwoɗ ma Abraham hay, ɗaɗa ndaw ka kadandar beke tikay sana, ka ləvandar la da wama 'ar ala na, ka mey?»

Mey Hayna Wayna ma Yezu Kriste Zaŋ 6:47

I ɓadakwar dərka dərka na, ndaw me pey 'ar na, a ndzefey mendzey me ndəvey kakay ana.

Mey Hayna Wayna ma Yezu Kriste Zaŋ 6:40

Akwa Baba ɗaw a wuɗey na andza ha tok, kwa way way ma nəkada Bəzey ana, me pey 'ar ka ŋga na, a ndzefey mendzey me ndəvey kakay ana; arka yah tey na i da mbəladərawa ta pas madakwaydok ana.»

Mey Hayna Wayna ma Yezu Kriste Zaŋ 3:36

Ndaw me pey 'ar ka Bəzey ana na, a da ndzefey mendzey me ndəvey kakay ana. Ndaw me wuɗey me pey 'ar ka bəzey ana kakay na, a da nəkada ha mendzey kakay, ama mevel ma Bay ma Bəla ma tsar ana na, a da ndzey ka 'ar aŋga.»

Matiyew 16:16

simoŋ Piyer ma təɓa guma na, me mbəɗey kava: «Kah na Kriste, Bəzey ma Bay ma Bəla ta dey ana.»

Matiyew 8:11

I ləvakwar satsa, aza ndaw hay haɗadzidzay a da səmawa da bəzay, da mey ŋgwa, a da ndzafam slam me zəmey hwahwaɓay andza Abraham, Izak ta Zakob, da Slala ma 'ərlam.

Romeŋ 9:33

Andza na ma winda ha da ɗeriwel kokwaɗ ana na: «Nəkafama i da pey ŋgwa ma tsey metsembeɗ da Siyoŋ. Ŋgwa ma təɗey ndaw aha, ama haɗaw ndaw ana a pey 'ar ka ŋga na, a da pamar aha hwaray a dey kakay.»

Mey Hayna Wayna ma Yezu Kriste Zaŋ 3:33

Ndaw ma təɓa seydewe ŋga na na, a ɓada Bay ma Bəla na a tsey dərka.

Romeŋ 3:30

Hərway Bay ma Bəla na, ŋga asləta, ma təradata ndaw ma sla kuɗey dzerey ahiya ta 'ar me pey, ta ndaw ma sla kuɗey kakay ana hay, ta 'ar me pey atsa.

Romeŋ 4:10

Tek ana a key na, da har waray? Amba ka sla kuɗey tsukuɗu, ɓa ma sla kuɗey aha tsoy ɗaw? A'ay, zla ma sla kuɗey aha tsaray kakay, amana, amba ka sley kuɗey.