Romeŋ 3:4 - MEY HAYNA WAYNA MA YEZU KRISTE MA MEVEY

⁴ Dey ta kava a'ay! Hayna ndaw hay ka səradama ba ɗagay, Bay ma Bəla na dzerey aha, mendzey ma ndaw hay tabiyaha na, malwaɗay ahiya, andza na ma windaha da ɗeriwel kokwaɗ ana na: Hayna kah ka sərey dzerey aha da guma ɗek me tsey, ma aza kah ka da zəga 'ar ma sleɗ ta pas ma kam sariya ɗek.

Romeŋ 3:4 Iomraidhean Croise

Matiyew 11:19

Bəzey ma Ndaw ma sawa, a zəmey tek, a sey zom, a ləvam: ‹Nəkafama ndaw ma hwoɗ, ŋga ndaw ma 'ay zom, dzam ma ndaw me tsekeley dzaŋgal hay, ta ndaw ma ŋgəsa na hay!› Ama ma səra ’ar a da sərey dzerey aha na da mber aŋga hay»

Mey Hayna Wayna ma Bay Yezu Kriste Luk 20:16

A da sawa na, a da kəɗata ndaw ma kam mber aŋga na hana hay ba vagay ahiya, a da vəladatara ley ma viŋe ana a ndaw mekele hiya.» Andza ma tsənadama bəzay ma guma neney hay na, ma ləvam: «Ɗaɗa andza ha tikay!»

Mey Hayna Wayna ma Yezu Kriste Zaŋ 3:33

Ndaw ma təɓa seydewe ŋga na na, a ɓada Bay ma Bəla na a tsey dərka.

Romeŋ 11:1

I tsəhey tok na, Bay ma Bəla na, akwatay ka kəlada səkway ŋga ba ɗaw? Dey ta kava a’ay! Hərway ta ’ar aɗaw ana na, i Isralit aha, bəzey ma hwaɗ ma Abraham, ma gedzek ma Beŋzameŋ.

Romeŋ 11:11

I tsəhey ekəɗey na: metsembeɗ ata na, ma ndzatar ana ma ndza ha ma mambaŋ ɗaw? Dey ta kava a’ay! Ama kuse ma meŋgəsey ta na na, ndaw Zuif ahiya kakay ana hay, a da ndzafam me buwey na hərwuiya, ma həladatara bəzay a səleŋ ma bəzey ma Israyel hay.

Romeŋ 3:31

Ta ma pey 'ar na, i həlafakwa gədaŋ ma Mewey ba tabiyaha ɗaw? Dzadzak na, ka kakwa na, i vəlakwar gədaŋ a mewey adiya.

Romeŋ 6:15

Teŋgey tok? I da ŋgəsakwama ka dəba zləna, lakwa da har ma Mewey sakay, ama da har ma hahaya seŋgey ɗaw? Dey ta kava a- ’ay!.

Romeŋ 6:2

Dey ta kaka a'ay! Lakwa ka mətsakwa tsoy da meŋgəsey sana, i ndzakwama re da meŋgəsey sa na teŋgey seŋgey?

Romeŋ 7:13

Arka azlakwa na, tek hayna na, a da tərafaya ka yah na, tek ma mətsey ndaw aha ɗaw? Dey ta kava a'ay! amana, mber ma meŋgəsey: ma kada mber ta tek hayna na, a da vəlaya na memətsey, ma aza ka da ɓawa vaw andza meŋgəsey aha, arka a da ɓawa vaw na da həma ŋga tabiya ha ma meŋgəsey ta wewer ma mey ma mewey.

Romeŋ 7:7

Ma da ləvey na teŋgey? Mewey na meŋgəsey tok ɗaw? Dey ta kava, a’ay! Ama i da səradərawa meŋgəsey na ta Mewey. Andza ha tok na, akwa i da sərada ha me ney dey kakay, ka ndzey andza Mewey ka ləvey: «Ka da ney dey zlay na.»

Romeŋ 9:14

Ka ləva na teŋgey tok? Bay ma Bəla na ndaw dzerey aha kakay tsukuɗu? Dey ta kava A'ay!

1 Korintieŋ 6:15

Ka səradama vaw kwar hay na, mezəvey ma Kriste tikay ɗaw? I slafa ma zəgata mezəvey ma Kriste hay, ma da tərada mezəvey ma vaw ma bordel hay ɗaw? Dey ta kava a-ay.

2 Korintieŋ 1:18

Ma sərada na Bay ma Bəla: guma la ka kuray na, andza ayaw ta a-ay kakay ana.

Galat 2:17

Ama haɗaw ta me səpey me tərey ndaw dzerey aha ta Kriste na, a da ndzafəmandakwar ba maŋgəsaya tiyatsa na, Kriste azlakwa a da tərey na, bəzey maslərey ma meŋgəsey ɗaw? Dey ta kava a'ay.

Galat 2:21

Hərway haɗaw hahaya ma Bay ma Bəla da yah ana na, i tərada tek tedehe kakay, hərway haɗaw a da ndzafama dzerey na ta Mewey na, azlakwa na ŋga na na, Kriste a mətsey na ma tedehe.

Galat 6:14

Na ŋga ɗaw na, andza ha tikay, ɗaɗa tek a ɗaw ma hasəkadəmaya bəzay a fəna tuwaw ma gazləla na ma Bay’ərlam a lakwa Yezu Kriste na, daha tikay; ta ŋga na, bəla ma dara ha ba ka 'ar ma tuway hərway ɗaw, andza yah ana ma dara ha hərway ma bəla tiyatsa.

1 Timotey 3:16

Dərka na, tek ma kəzla na ma me pey ’ar a lakwa a neney na ɗuhwa ha. Kriste na, ma ɓawa vaw da slaw vaw, me tərey dzerey aha ta Mesəfrey, madurlam hay ma zazərama, ma tələkadama mey da 'ay ndaw Zuif ahiya kakay ana hay, ma pam 'ar ka ŋga ka bəla, ma tsakafama da maram.

Ɗeriwel a Tit 1:2

Da me hutey mendzey me ndəvey kakay ana, na ma tsa ha ka vaw zla ekəɗey kakay ana, ta ma Bay ma Bəla me tsey maləwaɗay tikay ana.

Ebrew 6:18

Kəɗey na, tek a neney tsew ana hay na, a mbəɗam kakay, da huɗa tsetsuwe ta ahiya na, na Bay ma Bəla me ŋgəley ana da huɗa dakay, tek ana hay a səmadandakwar ta ma slafa ŋga, lakwa neney ma mbəkadukurawa tek hay tabiyaha, ma da zəgey har ka me pey dey a neney ma tsa ha kava na.

1 Zaŋ 5:10

Ndaw me pey 'ar ka Bəzey ma Bay ma Bəla na, seydewe neney ŋga da vaw ŋga daha. Ndaw me pey 'ar kakay na, Bay ma Bəla a tərada ndaw maləwaɗay aha, hərway ka pey 'ar ka seydewe na Bay ma Bəla ma kərawa kavəday ma Bəzey ŋga na kakay.

1 Zaŋ 5:20

Ka səradakwa Bəzey ma Bay ma Bəla ka sawa ba, arka ma vəlandakwar ma sərada tek, ma da sərada Ndaw na dərka na. Arka lakwa na, da Ndaw na dərka na na, da Bəzey ŋga Yezu Kriste. Ŋga na Ndaw na dərka na, ŋga na Bay ma Bəla, ŋga na mendzey me ndəvey kakay ana.

Apokalis 3:7

Windar a madurlam na da Egliz da Filadelfi ana: Ndaw kokwoɗ ana, Ndaw dzerey ana, Ndaw ma zəgada lakile ma David ana ka wura ba na, ndaw a slafa ma wuɗada kakay ana, ka wuɗada ba na, ndaw a slafa ma wurada kakay ana, a ləvawa na andza neney: