Romeŋ 3:2 - MEY HAYNA WAYNA MA YEZU KRISTE MA MEVEY

² Ka key teŋgey teŋgey na, mabaŋ ana na, ɗuhwa ha dzay! Tsufəmey aha na, guma ma Bay ma Bəla a ɓatar vaw, ma vəla ha na, a taya.

Romeŋ 3:2 Iomraidhean Croise

Mey Hayna Wayna ma Yezu Kriste Zaŋ 5:39

Ka ndərəkam 'ar ma zezərey Mewindey Kokwoɗ ana hay ka kuray na ka lam, la da ndzafadama mendzey me ndəvey kakay ana, me key seydewe ɗaw na taya.

Mber 7:38

Da me tsəhey 'ar da palah na, me lətsey da walaŋ ma baba lakwa hay, ta madurlam ma tsərawa guma da mamba ma Sinayi na ŋga, ma təɓərawa guma ma me vəley mendzey, ma da vəladandakwar.

Romeŋ 1:2

Mey Wayna a neney na, Bay'ərlam ka tsadatərawa ba zla ka vaw, a ndaw sek aŋga hay da Mewindey Kokwoɗ ana hay na,

Romeŋ 2:18

Kah a neney ma sərada tek aŋga ma wuɗey ana, kah na ma saɗəka ha ta mewey, ma sərada me weley na hayna.

Romeŋ 3:1

Andza Zuif hay a da fənam ndaw hay na, da na waray tok? Andza ma nefey ma me sley kuɗey ana na waray tok?

Romeŋ 3:3

Akwa ɗagay na mey! Haɗaw sa na hay a tsənam sləmay kakay na, ma tsəney sləmay ta na kakay ana na, a slafa ma davasada me mbəɗey sler kakay ma Bay ma Bəla ɗaw?

Romeŋ 9:4

Taya na bəzey ma Israyel hay: Bay'ərlam ka təradata ba bəzey ŋga ahiya, ma ɓadatara maram aŋga, ma vəlatar me dzəmey vaw ŋga hay, ma vəlatar mewey ŋga, kuley ŋga, ta ma tsatərawa ka tek ma da vəlatar ka mey ana,

1 Korintieŋ 9:17

Hana na i key na ma 'ar a ɗaw ana na, na ŋga na na, slam har a ɗaw ma ndzafada tek ma merɓey daha; ama i ka ma mbarga ma zay na, mber ana ma vəla ha na na ŋga ɗaw.

2 Korintieŋ 5:19

Hərway ka key teŋgey teŋgey na, akwa Bay ma Bəla na ŋga ta Kriste, ma dzəmada bəla ka vaw, ta bay 'ar ma vaw ŋga na, meŋgəsey ma ndaw hay andza malay aha ka taya dasakay, ma padərawa guma ma me dzəmey vaw a vaw lakwa.

Galat 2:7

Dzadzak taya ma nəkadama na, me ɓey Mey Hayna Wayna a ndaw ma sla kuɗey kakay ana hay na, ma vəla ha a yah, kalkal andza Piyer ma vəla ha a ndaw ma sla kuɗey ana hay ana.

1 Timotey 6:20

Ŋgey Timotey, wafa vaw ka tek ana ma pa ha da har eɗek ana. Gərada me bebəley tek so ha me zləɓey ndaw ana, ta guma ma ndaw waya la səradama tek ana hay.

Ebrew 5:12

Akwatay na kuray ka təram ba miter ahiya zla ekəɗey kakay, ama ekəɗey satsa na, ka wuɗam ka tatəkadəmakwar mey ma Bay ma Bəla na tsəfəmey ana hay mba. Kuray ma madama vaw kwar hənek, ma a sakwar na, ka vələmakwar na 'uwa mba, zləna tek me zəmey tsaray kakay.

1 Piyer 4:11

Haɗaw kendzey andza ndaw a tsey guma na, ka key na ma zawadatara ta mey ma Bay ma Bəla; kendzey ndaw a key meslərey na, ka key na ta gədaŋ ma Bay ma Bəla me vəley ana, ma aza ta Yezu Kriste na, ka səmbərama Bay ma Bəla kərem tabiyaha, ŋga ndaw ma wata maram ta bay hay ka bəla tabiyaha, ka mevey temere! Ka mevey temere ka ka mevey temere! Amen!

Apokalis 19:10

Arka i me gərdey ka slam sek aŋga, ma da nar dəba, ama ŋga me ləvaya: ɗaɗa ka da key andza ha zlay, yah na mandala ma meslərey, na ŋga ɗek ta malam ɗek hay na, ma wafama vaw ka seydewe ma Yezu ana. Ka da nar dəba na sey a Bay ma Bəla, hərway seydewe ma Yezu, na mesəfrey ma ndaw sek.

Apokalis 22:6

Arka ŋga ma ləvaya: Guma neney hay na, kassla dərka na. Bay’ərlam Bay ma Bəla ma mesəfrey ma ndaw sek hay, ka sləradərawa madurlam aŋga ba, ma da ɓadatara a gawla ma 'ay ŋga hay, tek na ma da husawa da bəse neney.