Romeŋ 2:9 - MEY HAYNA WAYNA MA YEZU KRISTE MA MEVEY

⁹ Banay, ta ma tuway, ka mendzey ma ndaw ma key tek haya kakay ana hay, ka mey na Zuif hay, arka Grek hay tok.

Romeŋ 2:9 Iomraidhean Croise

Matiyew 16:26

Kendzey ka vəladəmara bəla tabiyaha a ndaw asləta na, a da nafar na mey? Haɗaw a haɗəka ta mendzey ŋga na. Dakay na, ndaw ka bəla ma slafa me vəley tek ɗa, andza a wam ta mendzey ŋga na na, daha ɗaw?

Mey Hayna Wayna ma Bay Yezu Kriste Luk 24:47

Ta mezəley ŋga na, a da tələkadama mey, ma da mbəɗada mendzey ta me sey yam ka meŋgəsey ma ndaw ma dala hay, ma zlar na ta Zeruzalem.

Mber 11:18

A dəba ma guma ŋga neney na, ndaw ma pafama sləmay ana hay ma ndzam tete, arka na, ma səmbərama Bay ma Bəla: «Nəkafama Bay ma Bəla ka vəlatərawa me mbəɗey mendzey ba a ndaw ma dala na Zuif ahiya kakay ana hay, ma da kəsadata a mendzey hayna.»

Mber 13:26

Malam a ɗaw hay, kuray ka kam na bəzey ma hwaɗ ma Abraham hay, dakay ma ndaw da walaŋ a kwar ma wasam ta Bay ma Bəla na hay na, a sləradəmərawa guma me me buwey a neney na a lakwa.

Mber 20:21

Seydewe ɗaw ana me key na a zəlata Zuif hay ta Grek hay ka mbəɗadama mendzey ta, ka mbəɗam dey ka Bay ma Bəla, ka pam 'ar ka Bay’ərlam a lakwa Yezu.

Mber 26:20

Dzadzak sa tok na, tsəfəmey aha na, a ndaw ma Damas hay ba ɗagay, da Zeruzalem ta dala ma Zudey tabiyaha, arka a ndaw ma dala na Zuif ahiya kakay ana hay, i ma tələkada mey na, ma taya ka mbəɗadama mendzey ta, ka mbəɗam dey ’ar 'ay Bay ma Bəla, ka ndzam na, kassla andza ma mbəɗadama mendzey ta neney ana.

Mber 28:17

Meney makar a dəba na na, ŋga ma wunata ndaw ma fada ma Zuif hay ka da ndzafama a 'ay ŋga na. Andza ma tsəhəmawa 'ar ba na, ŋga ma ləvatar: «Malam a ɗaw hay, i ka key tek ma malay aha a səkway lakwa kakay, dakay na ka me tsekesley ma tek lakwa ma ndzafukwawa ka baba tete lakwa hay ana kakay, ma kadəmaya daŋgay zla da Zeruzalem, ma vəladəmaiyawa a har ma Romeŋ hay,

Mber 28:28

Pol me ləvey: «Səradama tok: a sləradəmərawa me buwey ma Bay ma Bəla a neney na, a ndaw Zuif ahiya kakay ana hay, taya na, a da pamar sləmay.» [

Mber 3:26

Bay ma Bəla a lətsadərawa, a sləradərawa Gawla ma 'ay ŋga na hərway kwar ba ɗagay, ma da pəsafakwar mey ma kwa way way ka mbəɗawa dey ba da tek aŋga ma key haya kaya ana hay na»

Romeŋ 1:16

Hərway yah na, hwaray a kaya ta Mey Wayna tikay: ŋga na, ma slafa ma Bay ma Bəla ma buwey kwa way way ma pey 'ar ana tsəfəmey aha na Zuif hay ba ɗagay, a dəba na na Grek hay.

Romeŋ 10:12

Kəɗey na, me weley ma ndza Zuif hay ta Grek hay na, ka vaw dakay: tobiya ta hiya Bay’ərlam ata na na ŋga asləta, zleley aha ka ndaw ma zəlama na hay tabiyaha.

Romeŋ 2:10

Me wezley dey, ɗuhwaha ta zozoy, kwa a way way me key tek hayna hay, ka mey na ma Zuif hay, arka na a Grek hay.

Romeŋ 8:35

Ma da waɗəkadandakwar ka vaw ta ma wuɗa vaw ma Kriste na na way? Viya, zluwer, tatakway, may, mbarga, lebere tsukuɗu maslalaɓ ɗaw?

Romeŋ 9:24

Lakwa neney ma zəlandukurawa da walaŋ ma Zuif ana hay dada tsa kakay, amana, da walaŋ ma ndaw Zuif ahiya kakay ana hay tiyatsa.

Galat 3:28

Kəɗey na, kwa Zuif dasakay, kwa Grek dasakay, kwa beke dasakay, kwa ndaw ma wey ’ar aŋga dasakay, mawal ta ŋgwas dasakay, hərway kuray tabiyaha na, kuray asləta da Yezu Kriste.

Kolosieŋ 3:11

Da huɗa na, Grek ta Zuif dasakay, ndaw ma sla kuɗey aha ta ndaw ma sla kuɗey aha kakay ana dasakay, ndaw ma dzaŋga na ta ndaw ma dzaŋga ha kakay ana dasakay, beke hay ta ndaw ma wam 'ar ata na hay dasakay, amana Kriste: ŋga tabiyaha ta tek hay tabiyaha.

2 Tesalonisieŋ 1:6

Akwa na kassla dzerey aha, Bay ma Bəla a madatara viya ta viya a ndaw ma kərəmakwar ana hay.

1 Piyer 4:17

Akwa ekəɗey na, har ana ka slawa ba, sariya a da zlawa na ta 'ay ma Bay ma Bəla; azlakwa, haɗaw a zlar na ta lakwa na, ma da ndəvey ma ndaw ma pam 'ar ka Mey Wayna ma Bay ma Bəla kakay ana hay na teŋgey?