Romeŋ 2:4 - MEY HAYNA WAYNA MA YEZU KRISTE MA MEVEY

⁴ Tsukuɗu ka key na ka rəsa zleley ma kokwoɗ aŋga, ma me zəgey mevel aŋga, ma ma wurey har aŋga a ndaw, mandzara kah ka sərafa, kokwoɗ aŋga na na, a dahəɗaka a ma mbəɗada mendzey ɗek kakay ɗaw?

Romeŋ 2:4 Iomraidhean Croise

Romeŋ 10:12

Kəɗey na, me weley ma ndza Zuif hay ta Grek hay na, ka vaw dakay: tobiya ta hiya Bay’ərlam ata na na ŋga asləta, zleley aha ka ndaw ma zəlama na hay tabiyaha.

Romeŋ 11:22

Hayna sərada kokwoɗ ma Bay ma Bəla ta ma hətey ndaw aŋga: me hətey ndaw aŋga ka ndaw ma təɗam ba na hay, kokwoɗ aŋga ka kah, ama haya tok na, sərada me ndzey da ma tsənar sləmay a kokwoɗ aŋga, dakay na, kah ana tiyatsa na re a da rətsəmaka.

Romeŋ 11:33

Wewe! Raɗaɗa ma zleley ma Bay ma Bəla! Ma səra 'ar aŋga, ta ma səradata tek aŋga! Kay! Sariya ŋga na na, ndaw a sərada kakay. Tsəveɗ aŋga na hay na, ndaw a ndzafa kakay!

Romeŋ 3:25

Bay ma Bəla ma pada andza tek ma ger aha ma pərada meŋgəsey ta mambaz aŋga, ta gwedey ma me pey ’ar na, a ɓada dzerey na mey, kavəday ma mey na, ŋga ma mbəkadatərawa mandzara ka hətatərawa meŋgəsey ana zlezle na hay.

Romeŋ 6:1

Ma ləvey ŋga na na teŋgey? Hayna lakwa ka ndzakwama re da meŋgəsey, ma aza hahaya ka da səkawa adiya ɗaw?

Romeŋ 6:15

Teŋgey tok? I da ŋgəsakwama ka dəba zləna, lakwa da har ma Mewey sakay, ama da har ma hahaya seŋgey ɗaw? Dey ta kava a- ’ay!.

2 Korintieŋ 8:2

Da walaŋ ma viya ta neney hay haɗadzidzay, taya ma sam ana na, wuiya ta na, ɗuhwa ha dzay, ta mbarga ta na toloy toloy ana na, a da rəhey na, ta zleley ma me wurey har.

Efeziyeŋ 1:18

Ka wuradakwar mevel a kwar ka dey waw aŋga, ma kuray ka səradama, ma zəlakwar aŋga na a vəlakwar na me pey dey waray, zleley ma maram aŋga na na, na waray? Tek a kwar, ma da zəmam, ma da wanəkadama andza ndaw Kokwaɗ ana hay na, na waray?

Efeziyeŋ 1:7

Da me dzəmey vaw lakwa ta ŋga na, lakwa ma buwaya ba, ta har aŋga na, malay lakwa hay ma sa yam ahiya ba, hərway me zleley ma hahaya ŋga.

Efeziyeŋ 2:4

Ama Bay ma Bəla na, ndaw a kar da vaw bəza kakay, hərway ma ma wuɗa vaw ŋga na ɗuhwa ha na, ma wuɗandukurawa na,

Efeziyeŋ 2:7

Kəɗey tok na, ta haya aŋga me key hərway lakwa da Yezu Kriste na na, a wuɗey ma ɓada da mevey temere na hay ma da səmawa ka mey ana hay, zleley ma hahaya ŋga, na tek ma malada dakay ana.

Efeziyeŋ 3:16

Hayna ka wuɗey andza zleley ma maram aŋga, ka vəlatar tek ma har ma ma slafa ŋga, ta Mesəfrey ŋga, ka vəlar gədaŋ a ndaw ana da vaw kwar ana.

Efeziyeŋ 3:8

Yah a neney gudar, madakwaydok ana ma ndaw kokwaɗ ana tabiyaha na, i ma ndzefey hahaya ma tələkadatara mey a ndaw Zuif ahiya kakay ana hay, zleley ma guma ma Kriste me nəkey kakay ana,

Filipieŋ 4:19

Arka na, aza Bay ma Bəla a ɗaw a da vəlakwar tek a kwar ma sakwar ana tabiya ha, andza ma zleley ŋga mambay ana da Yezu Kriste.

Kolosieŋ 1:27

A wuɗey ma ɓadatara na, zleley ta, na me wezley dey, ma tek ana ma kəzla ha da walaŋ ma ndaw Zuif ahiya kakay ana hay: Kriste da walaŋ a kwar na me pey dey ma ma wezley dey!

Kolosieŋ 2:2

A saya na, ka səmadama mevel ata adiya, ka dzəmam mey mambay mambay aha da ma wuɗa vaw. Ka fuləkwam a zleley ŋga tabiyaha, a me sərey tek hay tabiyaha, a ma sərada tek ana na ma kəzla ha na ma Bay ma Bəla: Kriste

1 Timotey 1:16

Amana, i ka kar ba da vaw, ma aza da yah, ndaw tsəfəmey ana na, Kriste Yezu ma ɓada kokwoɗ aŋga tabiyaha, andza tek me tsey dey kava ha ma ndaw ma pam 'ar ka ŋga na hay, ma da ndzafada mendzey me ndəvey kakay ana.

1 Timotey 6:17

A ndaw zleley ma bəla neney hay, ləvatar na ka da ŋgalakam zlay, ka da padama 'ar ata a zleley a neney me ndzey kakay ana zlay, amana, ka Bay ma Bəla, ŋga ndaw ma vəlandakwar zleley tabiya ha kəras kəras ana, ma lakwa ka kadakwa wuiya.

1 Piyer 3:20

a ndaw ma tsənamar sləmay kakay ana hay zlezle na, andza Bay ma Bəla a par aha dey a Noey, a ləmey aha kombiwal aŋga mba na, ma da daw a huɗa na ndaw nekəɗey, ndaw tsakar dada ma da ləhey da mey ma yam ana na.

2 Piyer 1:11

Akwa tok na, andza ha na, a da vələmakwar ta mevel hayna me fuləkwey a Slala ma kwoza ha, na ma Bay’ərlam a lakwa, ta Me buwey lakwa Yezu Kriste.

2 Piyer 3:15

Ləvam ka 'ar vaw kwar ana na, ma rawa ləma ma Bay’ərlam a neney kambəlaɓa na na me buwey kwar! Pol malam a lakwa, dzam alakwa, a windəkuraɓa na da bəzay ma guma neney, da ma səra 'ar ana ma vələmərawa na.

2 Piyer 3:3

Tsufəmey aha hayna səradama ɗagay: ta pas madakwaydok ana hay na, ndaw me kəɗey waway ana hay, ma saŋgəram ka ndaw ana hay a da səmawa, ma da watar 'ar na tek me sey ma vaw ta na,

2 Piyer 3:9

Bay’ərlam a da rey aha ləma ka guma ŋga ma tsawa na tikay, ama sa na hay na waya a rawa ha ləma; ama ŋga na a ɓada me zəgey mevel aŋga ka kuray, a wuɗey na, sa ma ndaw hay ka da zəɗam zlay, ama ndaw hay tabiyaha, ka ndzafam ka mbəɗadama mendzey ta.

Apokalis 2:21

I ka mbəkar bəzay ba ma ka mbəɗada mendzey ŋga, amana kwa ka wuɗey ma mbəɗada mendzey ŋga, ma mbəkada bordel aŋga na kakay.

Apokalis 3:20

Nəkafa i ma lətsa ha ka mey mambaw, arka i fey aha mambaw, ndaw ana ka tsənada vəɗe ma ɗay ɗaw ba, ka wura mambaw ba na, i da fuləkwey a 'ay ŋga, i da zəmam tek ta ŋga, ŋga tey ta yah.