Romeŋ 10:9 - MEY HAYNA WAYNA MA YEZU KRISTE MA MEVEY

⁹ Haɗaw da huɗa mey ɗek ka ɓada ha, Yezu na Bay’ərlam aha, haɗaw ka pey 'ar da mevel eɗek, ka təɓa ka mevel eɗek, Bay ma Bəla ka mbəladərawa ba da walaŋ ma ndaw ma mətsa na hay na, a da buwəmaka.

Romeŋ 10:9 Iomraidhean Croise

Mey Hayna Wayna ma Bay Yezu Kriste Luk 12:8

I ləvakwar: kwa way way ma ɓada vaw ŋga ka slam dey ma ndaw hay, ŋga ndaw aɗaw na, Bəzey ma Ndaw tey na, a da ləvafa ŋga ndaw aŋga, ka slam dey ma madurlam ma Bay ma Bəla hay tiyatsa.

Mey Hayna Wayna ma Yezu Kriste Zaŋ 9:22

Baba na ta may na a tsam andza ha na, hərway a wasam ta Zuif hay. Hərway ma mey na, taya ka tsama tsoy: «Kwa way way me ləvey Yezu na Kriste ha na, a warzlama ba da ’ay me ɗuley mey.»

Mber 16:31

Taya ma mbəɗamar kava: «Pey 'ar ka Bay’ərlam Yezu na, aza a buwəmaka kah ana ta ndaw ma 'ay ɗek ana hay dzay.»

Mber 2:24

Amana, Bay ma Bəla ka mbəladərawa ba, ma ləhadərawa ba da banay ma memətsey, zləna a key vaw memətsey ka slafa ma zəgada ta gədaŋ aŋga tata kakay.

Mber 2:32

Yezu a neney ana, Bay ma Bəla ka mbəladərawa ba, la neney tabiyaha na, ndaw seydewe na hay.

Mber 8:36

A dawam aha ka tsakay tsəveɗ ata na na, ma husam ka slam ma yam, ndaw a hana ma la na me ləvey: «Yam ekəɗey, ma təka andza i ka ndzefey me dzuhəɓey zlay na mey?» [

Romeŋ 10:10

Akwa na, haɗaw ka pey 'ar da mevel eɗek na, a da dadaka a dzerey, ma ɓada da huɗa mey tey na, a kəsada ndaw a ma buwey.

Romeŋ 14:11

Hərway ma winda ha da ɗeriwel Kokwoɗ ana na, andza neney: «Bay’ərlam a ləvey na: dərka na i daha na, kwa way way a da gərdey ka mey dey ɗaw, ta mey hay gəle gəle tabiya ha a da səmbərama Bay ma Bəla.»

Romeŋ 14:9

Hərway Kriste a mətsey, a mbəlawa na, ma da tərey Bay’ərlam ma ndaw ma mətsa na hay ta ndaw ma səfəram ana hay.

Romeŋ 4:24

Ama na ŋga lakwa tiyatsa, lakwa neney ma pakwama ’ar ka Ndaw ma mbəladərawa Yezu Bay’ərlam a lakwa, da walaŋ ma ndaw ma mətsa na hay ana a da mbəsladəmandakwar tey.

Romeŋ 8:34

Ma da slafa me dzuwey ndaw na way? Yezu Kriste ma mətsey, a fəna sa na, ma mbəlawa, ŋga ma ndza ha ta har zəmay ma Bay ma Bəla, dzadzak na a mbəɗafandakwar aha mey.

1 Korintieŋ 12:3

Hərway ma mey i ɓadakwar na: ndaw ta gədaŋ ma Mesəfrey ma Bay ma Bəla aha da vaw ŋga na, a slafa me ləvey: «Yezu na, ma kəla 'ar aha», kakay. Ndaw ma slafa me ləvey mandzara gədaŋ Mesəfrey Kokwoɗ ana: «Yezu na Bay’ərlam na», dakay.

Filipieŋ 2:11

me ndzey ma mey hay tabiyaha ka ɓadama Bay’ərlam na Yezu Kriste, ma da hasəkadara bəzay a Bay ma Bəla Baba.

1 Piyer 1:21

Ta Kriste na, ka pam 'ar ka Bay ma Bəla, na ma mbəladərawa da walaŋ ma ndaw ma mətsa na hay, arka ma vəlar maram, ha me pey 'ar a kwar, ta me pey dey kwar ma pa ha na ka Bay ma Bəla na.

1 Zaŋ 4:15

Kwa way way ma ɓada Yezu na Bəzey ma Bay ma Bəla na, Bay ma Bəla na ma ndza ha da ŋga, ŋga tey da Bay ma Bəla.

2 Zaŋ 1:7

Hərway ndaw me pey wuiya ka ndaw hay na, ma pa mey a hiya ka bəla kambəlaɓa, a tələkam mey na, ka me pey 'ar ma ma sawa ma Yezu da slaw vaw ana tikay. Nəkafa, ŋga na ndaw me pey wuiya ka ndaw ana, ndaw dugwan ma Kriste ana.