Romeŋ 10:2 - MEY HAYNA WAYNA MA YEZU KRISTE MA MEVEY

² Hərway yah na ndaw seydewe na, taya ma həla vaw ahiya hərway ma Bay ma Bəla, ama ma həla vaw ta na na, a ɓey waw ka ma sərada tek akay.

Romeŋ 10:2 Iomraidhean Croise

Mey Hayna Wayna ma Yezu Kriste Zaŋ 16:2

A da parzləmukurawa ba da 'ay me ɗuley mey hay, a fəna satsa na, har ana a slawa ha, ndaw ma da zəɗadakwar 'ar ana na, a da dzeley na, andza a kar kuley a Bay ma Bəla.

Mber 21:20

Ndaw ma pafama Sləmay ka Pol ana hay ma səmbərama Bay ma Bəla, arka ma ləvamar: «Nəkafa ɗagay malam, ndaw me pey 'ar ana hay da walaŋ ma Zuif hay na, a key ndaw gabal nday na, amana re taya ma tapa hiya ka Mewey.

Mber 21:28

Taya ma wudam: «Haya bəzey ma Israyel hay! Ndaw ana ma ŋgəlada dey ta səkway lakwa kakay ana, ta Mewey, ta ’ay neney me key Kuley ana, ta me tetəkey aŋga na ma dada ka waray ka waray ana, a ndaw hay tabiyaha na, ŋga kəɗey. Ha ŋga ma həlawa Grek hay 'Ay me key Kuley ana, arka na, ŋga ka zləɓada Slam a neney kokwoɗ ana ba.»

Mber 22:22

Andza Zuif hay ma dzəkafama sləmay, ha kasl ka bəzay ma guma neney na, ma zlamar me wudey: «Neney na ndaw ma mbəkada ka ndzey ka bəla kakay, me kəɗey ŋga na na, vagay aha.»

Mber 22:3

«Yah na ndaw Zuif ma yaha da Tars da Silisi, ama i da gəley na, da wuraw a neney, i me ndzefey me dzeŋgey guma ma mewey ma baba lakwa hay haya hayaha na, ka slam sek ma Gamaliyel. I ma həla vaw aha me kəɗey vaw ka mey ma Bay ma Bəla na, kal kal andza ma kwar a neney teseɗey ana tiyatsa.

Romeŋ 10:1

Malam a ɗaw hay, tek a ɗaw ma wuɗey da mevel a ɗaw, ta ma ɗular mey ɗaw a Bay ma Bəla na, ma taya ka husam a ma buwey.

Romeŋ 10:3

A wuɗam ma sərada dzerey na ma sawa da Bay ma Bəla ana kakay, ma səpam ma ta na na, ka tsənamar sləmay a dzerey ma Bay ma Bəla sakay.

2 Korintieŋ 4:4

ma ndaw me pey 'ar kakay na hay, na 'ərlam ma bəla neney ma waləfadatara me sərey tek ata ba, ma aza ka da nəkadama me wuɗey dey ma Mey Wayna ma maram ma Kriste na zlay, ŋga na, mey 'ərdey ma Bay ma Bəla.

2 Korintieŋ 4:6

Hərway Bay ma Bəla ana me ləvey: «Hayna waw ka wuɗey da wuzlah ma ləvaŋ.» Me wuɗey na, ŋga na ta 'ar aŋga da mevel a lakwa hay, ma da wazlada dey ta tek me sərey ma maram aŋga, me wuɗey ka mey 'ərdey ma Kriste na.

2 Korintieŋ 8:3

Ma vələmawa na, andza na ma ta ma slafama na, i ka seydewe na, ka fəna ma ta ma slafama na ba, ta mevel ata adzay,

Galat 1:14

Da kuley ma Zuif hay na, i tsəley na ka mey ka mey, i fənata sa ma mandala ɗaw hay na da səkway ɗaw ana, ta matanduroŋ a ɗaw kambəlaɓa, hərway ma tek me tsekesley ma Baba ɗaw hay.

Galat 4:15

Wuiya kwar ana tsəfəmey ana, a da daw na a may tok? Hərway i ka seydewe neney: hana na, ha slafama na, kwa dey kwar tekeɗe na, kuray ka tsursləmərawa ba, ma da vəladaya.

Filipieŋ 1:9

Arka me ɗuley mey ɗaw na ŋga kəɗey: hayna ma wuɗa vaw kwar ka səkey a fənada adiya sa, ma ka vəlakwar tsəveɗ ma nəkada tek hay haya haya ha ta ma sərada tek.

Filipieŋ 3:6

ka ma gawla ley na, i ndaw ma kada tatakway ta Egliz, ka me səpey dzerey da Mewey na, i da tərey na, ndaw ma slafa ma ŋgəlaya bəzay dakay.

Kolosieŋ 4:13

I ka seydewe ŋga na, a yey aha vaw hərway kwar kambəlaɓa, hərway kwar, hərway ma ndaw ma Lawdisey ta ndaw ma Iyerapolis hay.