Romeŋ 1:1 - MEY HAYNA WAYNA MA YEZU KRISTE MA MEVEY

¹ Yah Pol, bəzey ma slərey ma Yezu Kriste, ma zəla ha ka da tərey maslaŋ aha, ma wala ha, ma paha gəle ma da tələkada mey ta Mey Wayna ma Bay ma Bəla.

Romeŋ 1:1 Iomraidhean Croise

Mark 1:14

Andza ma zəgama Zaŋ ba a daŋgay na, Yezu ma daway a Galiley ma da ɓey Mey Wayna ma Bayma Bəla me ləvey:

Mey Hayna Wayna ma Yezu Kriste Zaŋ 12:26

Haɗaw ndaw a wuɗey ma kaya mber na, ka səpaya bəzay, ka slam a ɗaw i kava na na, gawla ma 'ay ɗaw a da key ŋga kava tey. Haɗaw ndaw a kaya ha mber na, Baba a da vəlar a da hasəkadara bəzay.

Mey Hayna Wayna ma Yezu Kriste Zaŋ 15:15

I zəlakwar na gawla ma 'ay ɗaw hay sakay, hərway gawla ma 'ay na, a sərada tek ma Bay ma 'ay ŋga me key ana kakay. I zəlakwar na dzam a ɗaw hay, kavəday tek a ɗaw ma tsənadərawa na tabiyaha ka tsakay ma Baba ɗaw na, i ka ɓadakwar ba.

Mey Hayna Wayna ma Yezu Kriste Zaŋ 15:20

Sərafama ka bəzay ma guma ɗaw i ma tsukurawa na: «Gawla ma 'ay na, a fəna bay ma 'ay ŋga kakay.» Haɗaw ka kadəmaya tatakoy ba na, a da kadəmakwar tiyatsa. Haɗaw ka tsənəmiyawa sləmay ba a guma ɗaw na, a da tsənəmakwar sləmay tiyatsa.

Mber 13:9

Arka Sol dakay na Pol ka dəba na, ma rəha vaw aha ta Mesəfrey Kokwoɗ ana na, ma zazura a huɗa dey ŋga,

Mber 20:24

Akwa dərka na na, mendzey ma bay ’ar ma vaw ɗaw ana na, ka kaya da ’ar tikay, tek a ɗaw me wuɗey ana na, i ka ndaslada tsəveɗ me meslərey ɗaw haya haya ha ta mber ma Bay’ərlam Yezu ma vəladiyawa na: me key seydewe ma Mey Wayna, ta hahaya ma Bay ma Bəla.

Mber 21:40

Andza ma vəlamar tsəveɗ ba na, Pol me lətsey ka megədəber, makar ta har a səkway ana, taya ma ndzam tete, arka ma tsatar guma ta mey Ebrew:

Mber 22:21

Ama ŋga ma ləvaya: ‹Daway, i sləradaka na dəreŋ, 'ar a dala ma ndaw Zuif ahiya kakay ana hay.›»

Mber 22:7

I ma təɗey ka dala, arka i ma tsənada vəɗe ma ɗay ma ləvaya: ‹Sawl, Sawl, ka kadaya tatakoy na ka mey?›

Mber 26:1

Agripa ma ləvar a Pol: «Ka vələmaka tsəveɗ ba me mbəɗey mey ka vaw ɗek.» Pol ma tsekefey har, ma təkəra guma ma mbəɗada mey ka vaw ŋga:

Mber 26:14

La ma kuyam tabiyaha ka dala, arka i ma tsənada vəɗe ma ɗay, ma tsiyawa guma ta mey Ebrew: «Sol, Sol, ka kadaya tsetseh na, ka mey? Ka ŋgwetsey təke zlay zləna, ka kar na a vaw ɗek ana.»

Mber 27:23

Ta dəvaɗ a neney na, madurlam ma Bay ma Bəla na i ma kar meslərey ana ka ɓaya vaw ba.

Mber 9:15

Ama Bay’ərlam ma ləvar: «Daway, hərway i ma zəga ndaw a neney na ka ɓadatara mezəley ɗaw a ndaw ma dala na Zuif ahiya kakay ana hay, bay ta na hay ta ndaw ma Israyel hay.

Romeŋ 1:16

Hərway yah na, hwaray a kaya ta Mey Wayna tikay: ŋga na, ma slafa ma Bay ma Bəla ma buwey kwa way way ma pey 'ar ana tsəfəmey aha na Zuif hay ba ɗagay, a dəba na na Grek hay.

Romeŋ 1:5

Ta har aŋga na, la ma ndzafam hahaya ma da tərey maslaŋ aha, ma da kəsadata a me tsəney sləmay ta me pey ’ar, a maram ma mezəley ŋga, səkway Zuif ahiya kakay ana hay tabiyaha.

Romeŋ 1:9

Hərway Bay ma Bəla na, ndaw seydewe ɗaw ana, ŋga na i ma kar kuley ta mezek a ɗaw adzay ana, da ma tələkada mey ta Mey Wayna ma Bəzey ŋga na. I mətsar aha har ma sləfakwar kakay,

Romeŋ 11:13

I ləvakwar ekəɗey tok na, a kuray ndaw Zuif ahiya kakay ana hay: yah ekəɗey ka slam a ɗaw a neney ana na, yah maslaŋ ma ndaw Zuif ahiya kakay ana hay, i ɓada maram ma mber aɗaw ana,

Romeŋ 15:16

Ma i ka da tərey ndaw ma key kuley ma Yezu Kriste ka slam ma ndaw Zuif ahiya kakay ana hay, i ma pa ha na gəle, ma ɓey Mey Wayna ma Bay ma Bəla, ma ndaw Zuif ahiya kakay ana hay, ka təram tek me vəley ma tərada kokwoɗ aha ta har ma Mesəfrey Kokwoɗ ana na, ka dar ’ar a Bay ma Bəla.

Romeŋ 15:29

I sərada ha, ka ma da daɓa ɗaw a 'ay kwar na, i daɓa na, ma rəha vaw aha ta ma pəsey mey ma Kriste.

Romeŋ 16:18

Hərway ndaw ana ŋga na hay na, a kamar mber a Kriste, Bay’ərlam a lakwa kakay. Ama a səpam na hwaɗ ata, ta guma ta na mambay ana hay, ta guma ta na zaɗaɗa me pey wuiya na na, a zləgaɗəmata mevel bəle na hay ba.

Romeŋ 16:25

A Ndaw ma slafa ma təradakwar gədaŋ ahiya na, andza ma Mey Wayna, i ma taləkada mey ta ma ɓada Yezu Kriste ana, andza ma tek ana ma ɓawa vaw, tek na ma kəzla ha na, ma wa vaw aha da ma sasəɗok, zla da har ma ndəvey akay ana.

1 Korintieŋ 1:1

Yah Pol, ma zəla ha me tərey maslaŋ ma Kriste Yezu, andza ma Bay ma Bəla me wuɗey ana, ta Sosten malam.

1 Korintieŋ 9:1

I wa 'ar a ɗaw kakay ɗaw? I maslaŋ aha kakay ɗaw? I ka nəkada Yezu, Bay’ərlam a lakwa kakay ɗaw? Da mezəley ma Bay’ərlam na, kuray na tek ma merɓey ɗaw hay kakay ɗaw?

2 Korintieŋ 1:1

Yah Pol, i maslaŋ ma Kriste Yezu, da me wuɗey ma Bay ma Bəla. Ta malam ala Timotey, i windar a Egliz ma Bay ma Bəla na da Koreŋt ana, ta ndaw kokwaɗ ana hay, na da dala ma Akayi tabiyaha.

2 Korintieŋ 11:5

Andza kafaya tek me hətsey ka yah ka maslaŋ ana ŋga na ɗuhwa na hay na, dakay kam!

2 Korintieŋ 11:7

Yah ta ’ar a ɗaw ana i ma mada vaw ɗaw bəza ha, ma kuray ka gəlam na, malay ɗaw? Da i ma tələkadakwar mey ta Mey Wayna ma Bay ma Bəla ma haya ha na.

2 Korintieŋ 12:11

Nəkafama ekəɗey na, tsoy 'ar a mbəɗaya! Ana ma təkəmaya ɗay na kuray ana seŋgey. Hana na akwa ma da dzaŋgərafəmaya na kuray. Hərway i ka nəkada tek ma hətsafaya ka maslaŋ aŋga na ɗuhwa na hay, na daha tikay, kwa andza i tek tedehe tekeɗe na.

2 Korintieŋ 2:12

Andza me husey ɗaw a Trowas, ma da tələkey mey ta Mey Wayna ma Kriste na, hərway Bay’ərlam ma wuradaya mambaw da huɗa haya haya na,

2 Korintieŋ 4:5

A ’ay! La tsam na ka ’ar vaw ala na hay kakay, ama la tələkam mey na, ta Yezu Kriste Bay’ərlam, haɗaw la na ta 'ar a la na na, la ma tələkam mey ana na, la gawla ma 'ay kwar hay, hərway ma Yezu.

Galat 1:1

Yah Pol, maslaŋ, ta malam na ndaw ma Kriste ana hay na la dzaya andza yah ana, i windar a Egliz na da Galasi ana hay. Ma padaya maslaŋ aha na ndaw hay kakay, kwa ta har ma ndaw kakay, amana ta Yezu Kriste, ta Bay ma Bəla Baba ma mbəladərawa da walaŋ ma ndaw ma mətsa na hay.

Efeziyeŋ 1:1

Yah Pol, maslaŋ ma Yezu Kriste da me wuɗey ma Bay ma Bəla ana, i windatar a ndaw Kokwaɗ ana hay ta ndaw ma tsənam sləmay ana hay ma Yezu Kriste:

Efeziyeŋ 1:13

Da ŋga satsa na, kuray ka tsənadama mey ma dərka ba, Mey Wayna na ma buwakwar ana. Da ŋga satsa na, kuray ka pam 'ar ba, ma kafakwar zeheɗ ma Mesəfrey na ma tsəmawa kava na: Mesəfrey Kokwoɗ ana,

Efeziyeŋ 4:11

Tek ma haya ha ŋga ma kawa na na maslaŋ hay, ndaw sek hay, ndaw me tələkey mey ta Mey Hayna Wayna hay, ndaw me kəley ka mey hay ta ma tatəkadata ndaw hay.

Filipieŋ 1:1

La, Pol ta Timotey, gawla ma Yezu Kriste hay, la windəmatar a ndaw kokwaɗ ana hay tabiyaha da Yezu Kriste, a bay ’ar ata na ma kəlatar ke mey ana ta diyakre ta hay, na taya tabiyaha da Filipi ana.

Filipieŋ 2:11

me ndzey ma mey hay tabiyaha ka ɓadama Bay’ərlam na Yezu Kriste, ma da hasəkadara bəzay a Bay ma Bəla Baba.

Kolosieŋ 1:1

Yah Pol, maslaŋ ma Yezu Kriste da me wuɗey ma Bay ma Bəla. Ta malam ala Timotey, i windatar

Kolosieŋ 1:25

I da tərey na, ndaw me slərey ŋga na, hərway ma mber ana Bay ma Bəla ma vəladiyawa a har a ɗaw hərway kwar ana: ma ndaslata me tələkey mey ta Mey ma Bay ma Bəla.

1 Tesalonisieŋ 2:2

Ama azlakwa tok na, la ka kəmawa banay ba, ta ma tsaɗəmandərawa da Filip, kuray ana ka səradama seŋgey, la ka ndzafam gədaŋ ba da har ma Bay ma Bəla ala, ma səmadandar ma da taləkadakwar mey ta Mey ŋga Wayna, ma tazlarawa ta ma kəɗa vaw ta tek hay haɗadzidzay.

1 Tesalonisieŋ 2:8

La ka wuɗəmakwar ba haɗadzidzay, ha la ma həla vaw ahiya na, ma vəlakwar na Mey Wayna ma Bay ma Bəla dada tsa kakay, amana, ta mendzey la na dzay, hərway kuray ka təram ba ndaw andza la ma wuɗəmata haɗa na hay.

1 Tesalonisieŋ 2:9

Malam a ɗaw hay, kuray ana ka sərafama, banay la, ta me yey vaw la me key mber dəvaɗ ta rəpas adzay, ma la ka da ndzam ma vəlaya ka 'ar ma ndaw da walaŋ a kwar zlay, da slam andza la ma tələkadəmərawa mey ta Mey wayna ma Bay ma Bəla na.

1 Timotey 1:1

Yah Pol, maslaŋ ma Kriste Yezu, da me wuɗey ma Bay ma Bəla me buwey lakwa, ta Kriste Yezu na lakwa ma pakwar dey ana,

1 Timotey 2:7

arka na ma padəmaya bay ma gawla ley aha, maslaŋ aha, - i tsey na dərka na, i tsey malwaɗay kakay-, ndaw me tetəkey ndaw ma dala hay da me pey 'ar ta dərka.

2 Timotey 1:11

Na ma padəmaya ma gawla ley aha, maslaŋ aha ta ndaw me tetəkey ndaw aha.

Ɗeriwel a Tit 1:1

Yah Pol, bəzey meslərey ma Bay ma Bəla, maslaŋ ma Yezu Kriste, ma da madatərawa ndaw na Bay ma Bəla ma gaɗəmata na hay a me pey 'ar, ma ka da səradama dərka, na ma dam kassla ka vaw ta me ndzey da ma ɗamara ’ar ana.

Ebrew 5:4

Ndaw a slafa ma hasəkadara bəzay a vaw ŋga na andza ha kakay, ma ndzefey ŋga na na, da Bay ma Bəla me zəley ndaw andza na ma Aaroŋ.

Ebrew 7:26

Kassla ma sandakwar na baba ɗuhwa na me key kuley ana na, andza na ŋga na: kokwoɗ aha, malay ŋga dakay, ka ŋgəsey tikay, ma tsaha ba ka vaw ta ndaw ma ŋgəsa na hay, ma tsakafa ha pərazl ndasl ma 'ərlam.

Ɗeriwel ma Zak 1:1

Yah Zak, gawla ma Bay ma Bəla ta na ma Bay’ərlam Yezu Kriste, i windatar a səkway a neney kurow kava tsew, ma pa mey ahiya ka bəla na, i ka tsadakwar guma.

1 Piyer 4:17

Akwa ekəɗey na, har ana ka slawa ba, sariya a da zlawa na ta 'ay ma Bay ma Bəla; azlakwa, haɗaw a zlar na ta lakwa na, ma da ndəvey ma ndaw ma pam 'ar ka Mey Wayna ma Bay ma Bəla kakay ana hay na teŋgey?

2 Piyer 1:1

Yah Simeiyoŋ Piyer, gawla ma 'ay, maslaŋ ma Yezu Kriste, i windatar a ndaw na ma ndzafam ta dzerey ma Bay ma Bəla lakwa, ta me buwey lakwa Yezu Kriste, me pey 'ar ma wam kal kal ta na ŋga la na:

Ɗeriwel ma Zud 1:1

Yah Zud, gawla ma 'ay ma Yezu Kriste, i malam ma Zak, i windatar a ndaw ma zəlaya na hay, na Baba Bay ma Bəla ma wuɗata na, ma wa ahiya vaw ma Yezu Kriste ana hay.

Apokalis 1:1

Ɗeriwel neney na, tek ma kəzla hiya na Yezu Kriste ka ɓada na: Bay ma Bəla a vəladara na, ma ka da ɓadatara a gawla ma 'ay ŋga hay, tek na ma da sawa da bəse na. A da ɓadara na, ŋga ma sləradərawa madurlam aŋga, ka tsakay ma gawla ma 'ay ŋga Zaŋ.

Apokalis 22:6

Arka ŋga ma ləvaya: Guma neney hay na, kassla dərka na. Bay’ərlam Bay ma Bəla ma mesəfrey ma ndaw sek hay, ka sləradərawa madurlam aŋga ba, ma da ɓadatara a gawla ma 'ay ŋga hay, tek na ma da husawa da bəse neney.

Apokalis 22:9

Ama ŋga ma ləvaya: ka da key andza ha zlay! Yah na, mandala ma meslərey ɗek, ta malam eɗek hay, ndaw sek hay ta ndaw ma wafama vaw ka guma ma ɗeriwel a neney hay, ka da nar dəba na, sey a Bay ma Bəla.