Mber 10:2 - MEY HAYNA WAYNA MA YEZU KRISTE MA MEVEY

² Da maɗamara ’ar aŋga ta me wesey ŋga ta Bay ma Bəla, ta ndaw ma 'ay ŋga hay dzay ana na, ŋga ma wura har aha a səkway ma Zuif hay, a zəla Bay ma Bəla ka vaw zarra.

Mber 10:2 Iomraidhean Croise

Matiyew 25:17

Andza ha satsa na ndaw me təɓey milioŋ tsew ana, ma ndzafadərawa tsew adiya tey.

Mey Hayna Wayna ma Bay Yezu Kriste Luk 18:1

Yezu ma tsatar bəzay ma guma na, ma mala ha ta me ley ana, ka me nefey ma ma ɗula mey zarra, mandzara ka mətsey har.

Mey Hayna Wayna ma Bay Yezu Kriste Luk 2:25

Arka azlakwa tok na, ndaw ana daha da Zeruzalem, a zəlamar Simeiyoŋ. Ndaw ana na dzerey aha ma ɗamara ’ar aha,, a hutey aha ndaw ma da bədada Israyel ana. Mesəfrey Kokwoɗ ana ŋga ta ŋga.

Mber 10:22

Taya ma mbəɗamar kava: «Ma sləradandərawa na, Korney, bay ma sidzew hay temere, ndaw dzerey aha, a wesey ta Bay ma Bəla; zuif hay tabiyaha a ləvafama na, waya ŋga na ŋga ndaw haya bəza kakay. Madurlam kokwoɗ ana a ləvar akwa na, ka ŋgələmaka a 'ay ŋga, ma ka da pafəmaka sləmay, ka guma ɗek ma da tsey ka tek ma kawa na hay.»

Mber 10:31

Arka ŋga ma ləvaya: «Korney, me ɗuley mey ɗek ana na, ka tsəney ba, har eɗek ma wurey ana na, ka nəkey ba ka slam dey ma Bay ma Bəla.

Mber 10:35

Da mendzey ma ndaw ma dala hay tabiyaha na, kwa way way ma wasada, me key dzerey na, a ŋgəlama mambay aha ka tsakay ŋga.

Mber 10:4

Korney ma zazura ta mewesey aha na, ma mbəɗar kava: «Mey, Bay’ərlam a ɗaw?» Madurlam ma mbəɗar kava: «Me ɗuley mey ɗek, ta ma wura har eɗek a ndaw hay ana na, ka səram ba ka slam dey ma Bay ma Bəla.

Mber 10:7

Andza madurlam ana hana, ma tsar guma na ma zəɗafa ba ka slam dey ŋga na, Korney ma zəlawa ndaw ma 'ay ŋga hay tsew, ka zəgawa sidzew ana daha a pey 'ar bəzakakay, ka ndzəmawa ba ka vaw haɗadzidzay da mber aŋga.

Mber 11:14

A da ɓadaka tek na ma kawa na hay, ma da buwaka, ta ndaw ma 'ay ɗek ana hay dzay.›

Mber 13:16

Arka Pol me lətsey, ma katar ta har, ma ləvatar: «Bəzey ma Israyel hay ta kuray a neney ma wasam ta Bay ma Bəla na hay na, pafəmaya sləmay.

Mber 13:26

Malam a ɗaw hay, kuray ka kam na bəzey ma hwaɗ ma Abraham hay, dakay ma ndaw da walaŋ a kwar ma wasam ta Bay ma Bəla na hay na, a sləradəmərawa guma me me buwey a neney na a lakwa.

Mber 13:50

Ama Zuif hay na, ma həladəmatara bəzay a ŋgwas na slam ata me ndzey daha da walaŋ ma ndaw ma səka na hay, na ma namar dəba a Bay ma Bəla na hay, ya satsa na, ta ndaw ma fada ma wuraw hay, ma səpam ma zerey mey, ka kadəmata tatakway andza Pol ta Barnabas, ma harəmata ba da dala ta.

Mber 18:8

Krispus, bay ma 'ay me ɗuley mey ana, me pey 'ar ka Bay’ərlam, ta ndaw ma 'ay ŋga hay dzay. Arka Koreŋtiyeŋ hay haɗadzidzay ma tsənadama mey ma Pol na, ma pam 'ar, ma ndzafam medzuhəɓey.

Mber 2:5

Arka ta pas ana ŋga na, da Zeruzalem na, Zuif me pey 'ar ana hay, ma kusa hiya da huɗa, a kusəmawa 'ar da dala hay ma bəla tabiyaha.

Mber 22:12

Da huɗa na, ndaw ana daha a zəlamar Ananiyas, ma ɗamara ’ar aha, a tsənar sləmay a mewey, mendzey ŋga ta tek aŋga me key na, a datar 'ar a Zuif hay ma ndza hiya da huɗa na.

Mber 8:2

Ndaw ma pam 'ar ana hay ma zləlama vagay ma Etiyen, ma tuwama haya hayaha.

Mber 9:11

Bay’ərlam ma ləvar sa: «Lətsey, daway ta buwal ana ma zəlamar ‹buwal dender dender› ana, a 'ay ma Zudas, tsəha ndaw ana daha a zəlamar Sol, ndaw Tars, a ɗuley aha mey da huɗa;

Mber 9:31

Egliz da dala ma Zudey tabiyaha, da Galiley ta Samari adzay ma ndza hiya da zozoy, a gəley adiya, ma ndzaya da me tsəney sləmay a Bay’ərlam. Kuse ma me dzəney ma Mesəfrey Kokwoɗ ana na, a səkey adiya adiya.

Mber 9:36

Da Zopey na, ŋgwas ana daha gawla ma Yezu aha, a zəlamar Tabita, ka ləva na Meweney. Da mendzey ŋga na, a key tek hayna hay haɗadzidzay, a key sadaka haɗa.

Kolosieŋ 4:2

Ndzam na da ma ɗula mey, a həladakwar vaw ma madara sise a Bay'ərlam.

1 Tesalonisieŋ 5:17

ɗulam mey mandzara ka mətsakwar har.

Ɗeriwel ma Zak 1:5

Kendzey me sərey 'ar a hətsar a ndaw da walaŋ a kwar na, ŋga ka tsəhafa ka Bay ma Bəla, na me vəley tek hay tabiyaha da ləfeɗeɗe ana, mandzara me key say kava, aza a da vəlamar.

Apokalis 15:4

Bay’ərlam, ma da wasadaka, ma da səmbəra mezəley ɗek kakay na way? Hərway kokwoɗ aha na kah asləta, ndaw ma dala hay tabiyaha a da səmawa, a da gərdam ka slam dey ɗek, hərway ma sariya ɗek ka ɓey vaw ba.»