Matiyew 9:4 - MEY HAYNA WAYNA MA YEZU KRISTE MA MEVEY

⁴ Andza Yezu ma sərada me dzeley 'ar ata na, ma ləvatar: «Ɗagay ka dzalam tek haya kakay ana hay da mevel a kwar na, ka mey?

Matiyew 9:4 Iomraidhean Croise

Matiyew 12:25

Andza ŋga ma sərada medzeley 'ar ata na, Yezu ma ləvatar: «Slala waray waray ma tsa vaw ha ka 'ar vaw ta na na, a da tərey ideŋ aha. Wuraw ana, dakay veɗ 'ay ana, ma tsa vaw aha ka 'ar vaw ta na na, a da ndzey aha kakay.

Mark 12:15

Ama ŋga na a sərada mbaɗa mbaɗa ta, ma ləvatar: «Ka ŋgafəmaya gendeɗ na, ka mey? Aŋga zəgəmiyawa sulay ana asləta, i ka nəkafa ɗagay!»

Mark 2:8

Andza Yezu ma sərada me dzeley 'ar a ta neney, da mevel aŋga na tsana, ŋga ma ləvatar: «Ɗagay ka dzalam tek a neney da mevel a kwar na ka mey?

Mey Hayna Wayna ma Bay Yezu Kriste Luk 11:17

Ama ŋga na ma sərada 'ar ata me dzeley, ma ləvatar: «Mendzey ma slala ma tsa vaw aha ka ’ar vaw ŋga na na a da mbəzley, ’ay ana hay a mbəzlam ka ’ar vaw ta na.

Mey Hayna Wayna ma Bay Yezu Kriste Luk 5:22

Ama Yezu ma sərada me dzeley 'ar a ta na ma mbəɗatar kava: «Ɗagay ka dzalam andza ha da mevel a kwar na ka mey?

Mey Hayna Wayna ma Bay Yezu Kriste Luk 6:8

Ama ŋga na a sərada tek ata me dzeley ana, ma ləvar a ndaw a hana na ma mbara har ana: «Lətsey, sawa a wuzlah ma ndaw hay.» Ŋga ma sawa me lətsey ta lətsey.

Mey Hayna Wayna ma Bay Yezu Kriste Luk 7:40

Yezu ma zlar me ləvey: «Simoŋ, guma ɗaw daha, ma da tsaka.» Simoŋ ma mbəɗar kava: «Tsərawa kwa, miter.»

Mey Hayna Wayna ma Yezu Kriste Zaŋ 16:19

Andza ŋga ma sərafa ba a wuɗam ma tsəhafama na, Yezu ma ləvatar: «Ka səpam ma səradama bəzay ma guma ɗaw a neney ka 'ar vaw kwar ana: mendzey nekəɗey na, ka da nəkadəmaya ha ka dey kwar sakay, mendzey nekəɗey sa na, ka da nəkadəmaya.

Mey Hayna Wayna ma Yezu Kriste Zaŋ 16:30

Ekəɗey na, la səradama kah na ka səradata tek hay tabiyaha, ka wuɗey ndaw ka tsəhafaka guma sazlay, a da key ekəɗey la pam 'ar ka bawa da Bay ma Bəla na hərwuiya.»

Mey Hayna Wayna ma Yezu Kriste Zaŋ 21:17

Yezu ma ləvar dey ma makar ana: «Simoŋ bəzey ma Zaŋ, ka wuɗaya ɗaw?» A ndalar a Piyer hərway Yezu ma tsəhafa dey ma makar ana ka wuɗaya ɗaw ana. Arka ma mbəɗar kava: «Bay’ərlama ɗaw, kah na, ka səradata tek hay tabiyaha, ka sərada haya haya i wuɗaka seŋgey.» Arka Yezu ma ləvar: «Tərey ndaw me tsukurey təɓaŋ a ɗaw hay.

Mey Hayna Wayna ma Yezu Kriste Zaŋ 6:61

Ama ŋga na ma sərafa ka 'ar vaw ŋga na, gawla ŋga hay a gwaŋguɗam aha mey hərwuiya na, Yezu ma ləvatar: «Neney dzay na a tsadakwar metsembeɗ na, teŋgey?

Mey Hayna Wayna ma Yezu Kriste Zaŋ 6:64

Amana, nduw hay daha da walaŋ a kwar, a pam aha 'ar kakay.» Akwa na, Yezu a səradata zla ka vaw, ndaw ma pam 'ar kakay ana hay, ta ndaw ma da haɗəkada na.

Mber 5:9

Arka Piyer me mbəɗey kava sa: «Ɗagay kuray ma dzəmadama mey kwar, ma da zarafa mey ka Mesəfrey ma Bay’ərlam teŋgey? Dzəkey sləmay ka slam sek ma ndaw ma da zlələmawa zel eɗek ana hay, taya ka mey mambaw, a da zəgəmaka tiyatsa.»

Apokalis 2:23

Wawa ŋga na hay na, i da kəɗata ta memətsey, arka na Egliz hay tabiyaha a da səradama, yah na ndaw me nəkey dey kasl a hwaɗ ma mevel ana. Arka kwa way way da walaŋ a kwar na, i da madara andza ma mber aŋga hay me key.