Matiyew 8:8 - MEY HAYNA WAYNA MA YEZU KRISTE MA MEVEY

⁸ Ama bay ma sidzew ana hana hay, ma mbəɗar kava: «Bay ərlam, yah na ɗa ndaw aha ma kah ka fuləkwey 'ay ɗaw dzay kakay, tsey guma veɗ asləta tsana, gawla ma 'ay ɗaw ana a da ndeley seŋgey.

Matiyew 8:8 Iomraidhean Croise

Matiyew 3:11

«Yah na, i dzuhəɓadakwar na a yam, ma ɓada ma mbəɗey mendzey, ama ndaw ma da sawa da dəba ɗaw ana na, gədaŋ aha a fənaya: i ɗa ndaw aha ma tsukwadara tahərak aŋga da sek kakay. Ŋga na a da dzuhəɓadakwar na da Mesəfrey Kokwoɗ ana ta waw.

Matiyew 3:14

Zaŋ a wuɗey akwa na ma mbəɗar mey, ma ləvar: «Ma da dzuhəɓadaya dzadzak na kah tok na, ka sawa ka tsakay ɗaw ma i ka dzuhəɓadaka na ma mey mey?»

Matiyew 8:3

Yezu ma tsakafada har, ma ləmar, ma ləvar: «Ayaw i wuɗey, tərey ma bazləma ha na» Deŋe ka slam ana tsana, malawa ŋga na hana na, ma bazləma ha tsoy.

Matiyew 8:7

Yezu ma ləvar: «Yah na, i daway, i da ndaladərawa ɗaw?»

Matiyew 8:9

Kəɗey yah ana na, ɗuhwa ɗaw daha tiyatsa. Ama i wey sidzew hay haɗadzidzay. I ləvar a naŋgar da huɗa: ‹daway›, na, a daway. A na mekelehe: ‹sawa›, na, a sawa, i ləvar a beke ɗaw: ‹ka tek eɗey›, a ka.»

Mey Hayna Wayna ma Bay Yezu Kriste Luk 15:19

I da ləvar na, yah ɗa ma kah ka zəlaya bəzey ɗek aha dzay sakay. Padaya na, ma kəla andza gawla ma mber eɗek aha›.

Mey Hayna Wayna ma Bay Yezu Kriste Luk 15:21

Wawa na ma ləvar: ‹Baba ɗaw, i ka ŋgəsar ba a 'ərlam, i ka ŋgəsaka ba, i ɗa ma kah ka zəlaya bəzey ɗek aha dzay sakay…›

Mey Hayna Wayna ma Bay Yezu Kriste Luk 5:8

Andza Simoŋ Piyer ma nəkada ba andza ha na, ŋga me gərdey ka slam sek ma Yezu, ma ləvar: «Bay’ ərlam, gurey ba ka tsakay ɗaw, hərway yah na ndaw ma ŋgəsa ha!»

Mey Hayna Wayna ma Yezu Kriste Zaŋ 1:27

a sawa ha da dəba ɗaw, yah ɗa ndaw aha me pəsəkey ledze ma tahərak aŋga kakay.»