Matiyew 4:3 - MEY HAYNA WAYNA MA YEZU KRISTE MA MEVEY

³ Arka ndaw me pey wuiya ma gurafa, ma ləvar: «Haɗaw kah Bəzey ma Bay ma Bəla na, ləvatar a ŋgwa na ɗey hay ka təram peŋ aha kwa.»

Matiyew 4:3 Iomraidhean Croise

Matiyew 14:33

Sa ma ndaw da kombiwal ana hay ma gərdam ka mey dey ŋga, arka ma ləvamar: «Dərka na, kah na Bəzey ma Bay ma Bəla.»

Matiyew 16:16

simoŋ Piyer ma təɓa guma na, me mbəɗey kava: «Kah na Kriste, Bəzey ma Bay ma Bəla ta dey ana.»

Matiyew 26:63

Ama Yezu na, tete təŋga. Baba ɗuhwa na me key kuley ana, ma ləvar: «I mbəɗaka ta Bay ma bəla ta dey ana, aŋga ɓadandar ɗagay, haɗaw kah na Ndaw ma vahara 'ar ana, Bəzey ma Bay ma bəla na»

Matiyew 3:17

Arka Vəɗe ma ɗay ma tsənawa da 'ərlam a ləvey: «Neney na Bəzey ma mey 'ərev a ɗaw, ma daya 'ar na ŋga, i ma wala na.»

Mark 1:1

Neney na, mezley ma Mey Hayna Wayna ma Yezu Kriste, Bəzey ma Bay ma Bəla.

Mark 3:11

Andza ndaw ta mesəfrey ma zləɓa na hay da 'ar ana hay ma nəkadama Yezu na, a kəlam a həvam aŋga, ta me wudey aha waya: «Kah na Bəzey ma Bay ma Bəla.»

Mark 5:7

Ŋga me wudey ta magalaha: «Ka wuɗafaya mey, Yezu, Bəzey ma Bay ma Bəla tsaŋ da mekekəle ŋga na? I mbəɗaka ta Bay ma Bəla, ka da margaɗaya zlay.»

Mey Hayna Wayna ma Bay Yezu Kriste Luk 1:35

Madurlam ma mbəɗar kava: «Mesəfrey Kokwoɗ ana a da safəkawa, gədaŋ ma Ndaw tsaŋ da mekekəle ŋga na, a da sahətaka ta mezek aŋga. Hərway bəzey ana kah ma da yawa na na, a da key kokwoɗ aha, a da zəlama na, Bəzey ma Bay ma Bəla.

Mey Hayna Wayna ma Bay Yezu Kriste Luk 22:70

Taya ma ləvamar tobiya ta hiya: «Azlakwa kah na Bəzey ma Bay ma Bəla tok zlənemey!» Ŋga ma mbəɗatar kava: «Kuray ana ta ’ar a kwar ana, ka ləvam yah na ŋga ha.»

Mey Hayna Wayna ma Bay Yezu Kriste Luk 4:3

Arka Setene ma ləvar: «Haɗaw kah Bəzey ma Bay ma Bəla na, ləvar a ŋgwa ɗey ka tərey peŋ aha kwa.»

Mey Hayna Wayna ma Bay Yezu Kriste Luk 4:41

Ma badatərawa fakalaw hay haɗadzidzay da vaw ma ndaw hay ta me wudey aha waya: «Kah na Bəzey ma Bay ma Bəla!» Arka Yezu ma katar say ma ləvatar waya ɗaɗa ka da tsam guma zlay; kaveday taya na a səradama ŋga na Kriste.

Mey Hayna Wayna ma Bay Yezu Kriste Luk 4:9

Arka Setene ana ma dada a Zeruzalem, ma lətsada ka 'ar ma 'Ay me key Kuley, ŋga ma ləvar: «Haɗaw kah bəzey ma Bay ma Bəla na, kəley ta zavay eɗey a gwadaw,

Mey Hayna Wayna ma Yezu Kriste Zaŋ 1:34

I na, i ka nəkada ba ta dey ɗaw. I key seydewe ŋga na, ŋga na Bəzey ma Bay ma Bəla.»

Mey Hayna Wayna ma Yezu Kriste Zaŋ 1:49

Natanayel me mbəɗey kava: «Rabi, kah na Bəzey ma Bay ma Bəla, kah na Bay ma Israyel!»

Mey Hayna Wayna ma Yezu Kriste Zaŋ 20:31

A windəmatərawa neney hay na, ma aza kuray ka pam 'ar Yezu na Kriste, Bəzey ma Bay ma Bəla, ma aza da me pey 'ar a kwar na, ha da ndzafam mendzey da mezəley ŋga.

Mey Hayna Wayna ma Yezu Kriste Zaŋ 9:35

Yezu ma tsənada waya ka ɓələmərawa ba a bəla na, ŋga ma sawa, ma ndzafa ma ləvar: «Ka pey 'ar ka Bəzey ma Ndaw ɗaw?»

Mber 9:20

Arka tsana, ŋga ma zlar ma tələkada mey da 'ay me ɗuley mey hay: «Yezu na, Bəzey ma Bay ma Bəla.»

2 Korintieŋ 1:19

Hərway Bəzey ma Bay ma Bəla Kriste Yezu, na la ma tələkadama mey da 'ay kwar ana, yah, Silveŋ ta Timotey ana na, ayaw ta a-ay aha kakay. Amana sey ayaw dada!

Galat 2:20

I ta dey, ama na, yah ana sakay, ma ndzaha da yah na Kriste, hərway mendzey ɗaw a neney da slaw vaw ɗaw ana na, i ndza na, da me pey 'ar ka Bəzey ma Bay ma Bəla, ma wuɗaya, ma haɗəkada vaw ŋga hərway ɗaw ana.

1 Tesalonisieŋ 3:5

Ma vədiya tok na, andza i ɓəsa sakay na, i ma sləraɓa ndaw ka ɓadiyawa me pey 'ar a kwar, da me wesey na ndaw me petəney ndaw ka da pətənakwar ba na, ma me yey vaw la ka da zəɗey tedehe zlay.

Ebrew 12:16

Wam daw ka vaw ka ndaw ma tsəley so ha, dakay na ndaw ma zləɓa na hay ka da key daha zlay, andza ma Ezaw, hərway ma tek me zəmey vəley asləta na, ma haɗəkada slam har ma ɗuhwa ŋga ba.

Ebrew 4:14

Andza lakwa ma ndzafakwa baba ɗuhwa na me key kuley ana, ta mazlaɓ ana, ma tazlaradərawa həzlay ma 'ərlam ana na, Yezu Bəzey ma Bay ma Bəla. Me pey 'ar a neney na, zəgadakwa haya hayaha.

Ebrew 7:3

Ŋga aŋga na, akwa na baba ŋga dakay, maya ŋga dakay, baba tete ŋga hay dakay, kwa pas ma ma yawa ŋga na dakay, kwa me ndəvey me mendzey ŋga na na dakay ana. Ŋga na andza bəzey ma Bay ma Bəla aha, mandza ha baba me key kuley aha ma kwaza ha.

1 Zaŋ 3:8

Ndaw me key meŋgəsey na, ŋga ndaw ma setene, a da səram na, ma vəday zla da mezley ana na, Sataŋ na ndaw ma ŋgəsa ha. Nəkafama, Bəzey ma Bay ma Bəla a da bawa na mavədiya, ma da davasadara mber ma Sataŋ ba.

Apokalis 2:10

Ka banay ɗek ma da key ana na, ka da wesey zlay: nəkafa Sataŋ a da kuyey ndaw hay da walaŋ a kwar a daŋgay, ma aza ka həlafakwar suwet, da dəvaɗ kurow na a həlafəmaka suwet. Tsəney sləmay kasl a memətsey, i da vahaka ’ar ta mendzey hayna.