Matiyew 3:6 - MEY HAYNA WAYNA MA YEZU KRISTE MA MEVEY

⁶ Zaŋ tok na a dzuhəɓadata a yam da wayaŋ ma Zurdeŋ, taya tey na a ɓadama meŋgəsey ta hay.

Matiyew 3:6 Iomraidhean Croise

Mber 19:18

Ndaw me pey 'ar ana hay haɗadzidzay ma səmawa, ma ɓadama meŋgəsey ta ma kəmawa na, ta magala ha.

1 Zaŋ 1:9

Haɗaw i ɓadakwa meŋgəsey lakwa na, ŋga na a mbəɗar sler a guma ŋga tikay, dzerey aha, a da safandakwar aha yam ba ka meŋgəsey lakwa hay, a bəzləmadandakwar malay hay ba tabiyaha.

Ebrew 9:10

Ma pa bəzay aha na ka tek me zəmey, ka tek me sey, ta tek me tsekesley ana so na hay haɗadzidzay, arka na ŋga na na, tek ma ndaw hay ma tsakaslam, ma təɓama na, kasl ka har ma da lətsadəmatərawa ndaw hay.

Matiyew 3:11

«Yah na, i dzuhəɓadakwar na a yam, ma ɓada ma mbəɗey mendzey, ama ndaw ma da sawa da dəba ɗaw ana na, gədaŋ aha a fənaya: i ɗa ndaw aha ma tsukwadara tahərak aŋga da sek kakay. Ŋga na a da dzuhəɓadakwar na da Mesəfrey Kokwoɗ ana ta waw.

Ebrew 6:2

andza me tetəkey a me dzuhəɓey hay, me pezləhey har ka 'ar ma ndaw hay, me tsey ka ma mbəlawa ma ndaw ma mətsa na hay, ta sariya madakwaydok ana.

Kolosieŋ 2:12

Ma zlələmakwar dzaya da ma dzuhəɓey na, ta ŋga satsa na, kuray ma mbələmawa, hərway ma mey na, kuray ka pam 'ar ba ka gədaŋ ma Bay ma Bəla, ma mbəladərawa da walaŋ ma ndaw ma mətsa na hay.

1 Korintieŋ 10:2

Tobiya ta ha ka dzuhəɓam ba da Moyiz, da pazlay, da bəlay.

Mber 22:16

Ka rey ləma ka mey sa mey? Ndzefey me dzuhəɓey bəse, bəzləma meŋgəsey ɗek hay ba ta ma zəla mezəley ŋga.›

Mber 11:16

Arka na i ma sərafa ka guma ma Bay’ərlam a neney me tsey ana, me ləvey: ‹Zaŋ a vəley ma dzuhəɓey da yam ana, ama kuray na, ka da ndzafam na ma dzuhəɓey na da Mesəfrey Kokwoɗ ana.›

Mber 1:5

Zaŋ na, a dzuhəɓey ndaw na, a yam dada, ama kuray na, da meney nekəɗey na, a da dzuhəɓadəmakwar na, a Mesəfrey Kokwoɗ ana.»

Mey Hayna Wayna ma Bay Yezu Kriste Luk 3:16

Zaŋ ma mbəɗafatara kava tabiya ta ha: «Yah na i dzuhəɓadakwar na a yam, ama ndaw ma da sawa da dəba ɗaw ana na, gədaŋ aha a fənaya, yah ɗa ndaw aha ma pesəkadara ledze ma tahərak aŋga na kakay. Ŋga na a da dzuhəɓadakwar na a Mesəfrey Kokwoɗ ana, ta waw.

Mark 1:5

Ndaw ma dala ma Zudey ta ndaw ma Zeruzalem hay tabiyaha, ma dawam ka tsakay ŋga. Arka Zaŋ ma dzuhəɓadata a yam, da wayaŋ ma Zurdeŋ, taya tey na a ɓadama meŋgəsey ta hay.

1 Piyer 3:21

Na ŋga na na, mey ’ərdey ma me dzuhəɓey ma buwakwar ekəɗey ana: ŋga na me bəzləmey luweɗ ma slaw vaw dada kakay, amana, ma vəladara vaw ŋga a Bay ma Bəla, da me dzeley 'ar hayna; a buwakwar ta ma mbəlawa ma Yezu Kriste,

Ɗeriwel ma Zak 5:16

Tsəham amboh a vaw ka 'ar vaw kwar ana hay ka meŋgəsey kwar hay, ɗulam mey ka vaw ka 'ar vaw kwar ana hay, ma aza ha ndalam. Tek ma ndaw dzerey me tsəhey na, a key na tsəɓak ta gədaŋ aha.

Mey Hayna Wayna ma Bay Yezu Kriste Luk 1:16

A da madatərawa bəzey ma Israyel hay haɗadzidzay ka slam dey ma Bay’ərlam Bay ma Bəla ta.