Matiyew 2:4 - MEY HAYNA WAYNA MA YEZU KRISTE MA MEVEY

⁴ Ŋga ma kusata baba ɗuhwa na me key kuley ana hay tabiyaha, ta ndaw me sesəkey mewey ma səkway, ma tsəhafata slam ana ndaw ma vaha 'ar ana na, ma yaha na, ka waray?

Matiyew 2:4 Iomraidhean Croise

Matiyew 13:52

Arka ŋga ma ləvatar: «Kəɗey tok na, mendzey ma ndaw me sesəkey Mewey, ma dzaŋga ha ka Slala ma 'ərlam aha na, kal kal andza ma bay ma 'ay ma badərawa zleley ŋga, na wayna ta na guram ana.»

Matiyew 2:3

Ka mey a neney wayna na, bay ɗuhwa na Erod me dzəmey ka vaw, ta ndaw ma Zeruzalem ahiya dzay tabiyaha.

Matiyew 2:5

Ma mbəɗafəmara kava: «Da Betlehem ma Zudey, hərway na ndaw sek ma windərawa na na:

Matiyew 21:15

Andza ma nəkadama tek ana me rəzley ndaw ana ŋga me key ana hay ta wawa na hay ma wudam da ’Ay me key kuley ana: «Ozana Bəzey ma David!» A ndalatar a baba ɗuhwa na me key kuley ana hay ta ndaw me sesəkey Mewey hay.

Matiyew 21:23

Andza Yezu me fuləkwey ba a 'Ay me key Kuley, a tatəkadata ha ndaw hay na, baba ɗuhwa na me key kuley ana hay, ta ndaw ma səka na hay ma səkway, ma guram ka tsakay ŋga, taya ma ləvamar: «Ɗagay ma vəlaka tsəveɗ me key tek a neney hay na way? Ɗagay ka kata na ta gədaŋ aŋgway?»

Matiyew 26:3

Arka baba ɗuhwa na ma kam kuley ana hay, ta ndaw ma səka na hay ma səkway ma kusam a hwaɗ me mezləŋgərey ma ’ay Baba ɗuhwa na a zəlamar Kayif

Matiyew 26:47

Andza a tsey aha guma mba na, Zudas, ndaw asləta da walaŋ ma gawla ma Yezu kurow kava tsew ana hay, me husey ta ndaw hay haɗadzidzay, ta sleɗ ma tsakay ahiya, ta tapay ahiya; ma sləradatərawa na baba ɗuhwa na me key kuley ana hay, ta ndaw ma səka na hay ma səkway.

Matiyew 27:1

Ma zlemedew ana na, baba ɗuhwa na me key kuley ana hay, ta ndaw ma səka na hay ma səkway ma ŋgəlam mawa ka Yezu, ma da dzuwa a memətsey.

Matiyew 7:29

hərway a tatəkadata na andza ma ndaw ta mazlaɓa aha zləna, andza ma ndaw me sesəkey Mewey ta hay tikay.

Mark 8:31

Arka Yezu ma zlar ma tatəkadata: «Hayna Bəzey ma Ndaw ka key tsetseh haɗadzidzay, ndaw ma səka na hay, baba ɗuhwa na me key kuley ana hay, ta ndaw me sesəkey Mewey hay, a da kəladama. A da kəɗama vagay aha, arka, meney makar a dəba na na, a da mbəlawa.»

Mey Hayna Wayna ma Bay Yezu Kriste Luk 20:19

Ndaw me sesəkey mewey hay ta baba ɗuhwa na me key kuley ana hay, ma səpam ma zəga Yezu deŋe ka slam ana, amana a wasam ta səkway. Taya na ka səradama tsoy haya hayaha, a tsa bəzay ma guma neney ma mala ha ta meley ana na hərway ta.

Mey Hayna Wayna ma Bay Yezu Kriste Luk 23:10

Baba ɗuhwa na me key kuley ana hay, ta ndaw me sesəkey mewey hay, taya daha ka slam ana, a ŋgəlafama na ma gədaŋ ma gədaŋ.

Mey Hayna Wayna ma Yezu Kriste Zaŋ 18:3

Ŋga ma kəlatar ka mey a sidzew ma ŋgoumna hay, ta na ma baba ɗuhwa na me key kuley ana hay, ta Fariziyeŋ hay ma sləradəmatəraɓa na, ma husam a dzerne na ta tostilam ahiya, ta lalam ahiya ta tek ma har ahiya.

Mey Hayna Wayna ma Yezu Kriste Zaŋ 3:10

Yezu ma mbəɗar kava: «Kah na miter aha da səkway ma Israyel tok na, ka sərada tek a neney hay kakay!

Mey Hayna Wayna ma Yezu Kriste Zaŋ 7:32

Guma a hana hay ma sasəkwafama da walaŋ ma ndaw ma kusa hiya na hay na, me husey a sləmay ma Fariziyeŋ hay, arka na baba ɗuhwa na me key kuley ana hay, ta Fariziyeŋ hay ma kuyam sidzew ata hay, ma ka zəgəmərawa.

Mey Hayna Wayna ma Yezu Kriste Zaŋ 8:3

Ndaw me sesəkey Mewey hay ta Fariziyeŋ hay ma zəgəmərawa ŋgwas ana daha a ndzafəmata a kam aha madama, ma lətsadama a wuzlah ma ndaw hay ma kusa hiya.

Mber 23:9

Ha me tərey vaw ɗuhwa ha me key. Sa ma ndaw me sesəkey Mewey ana hay da walaŋ ma Fariziyeŋ hay, ma lətsam, ma ləvam ta ma bebətsey aha: «andza ha kakay: la ka ndzafam meŋgəsey ka ndaw a neney tikay, agəna Mesəfrey ma tsərawa guma, dakay na madurlam ŋgey.»

Mber 4:5

Arka ma medew ana tok na, bay hay, ndaw ma səka na hay ta ndaw me sesəkey mewey na da Zeruzalem ana hay ma tsəham 'ar.

Mber 6:12

Taya ma həladəmara bəzay a səkway, a ndaw ma səka na hay ta ndaw me sesəkey mewey hay, ma zəgama Etiyen mandzara ka sərey ka vaw, ma vahama a Sanedreŋ.