Matiyew 2:2 - MEY HAYNA WAYNA MA YEZU KRISTE MA MEVEY

² arka ma tsəham: «Bay ɗuhwa na ma zuif hay ma yəmərawa ekəɗey ana na, ŋga ka waray? La ma nəkadəmərawa wurzla ŋga na ma sləlawa da bəzay lam, la səmawa ma da gərdey ka mey dey ŋga.»

Matiyew 2:2 Iomraidhean Croise

Matiyew 2:3

Ka mey a neney wayna na, bay ɗuhwa na Erod me dzəmey ka vaw, ta ndaw ma Zeruzalem ahiya dzay tabiyaha.

Matiyew 21:5

‹Ləvamar a dem ma Siyoŋ: nəkafa Bay ɗek ɗuhwa na a sawa ha 'ay ɗek, ŋga ləfeɗeɗe ha, ma tsəla ha ka 'ar ma zuŋgow ŋgwas aha, ka ’ar ma bəzey ma zuŋgow, bəzey ma gənaw ma zəgey tek ana.›

Matiyew 27:11

Ma dadama Yezu ka slam dey ma guverner. Guverner ma tsəhafa: «Kah na bay ɗuhwa na ma zuif hay ɗaw?» Yezu na ma mbəɗar kava: «Kah ana me ləvey seŋgey.»

Mey Hayna Wayna ma Bay Yezu Kriste Luk 19:38

Taya ma ləvam: «Ndaw a neney ma sawa na na, ma pəsa mey aha ba, ŋga na Bay ɗuhwa ha, da me zəley ma Bay’ərlam! Zozoy da 'ərlam me wezley dey ŋga tsaŋ da mekekəle ma 'ərlam!.»

Mey Hayna Wayna ma Bay Yezu Kriste Luk 2:11

teseɗey, da wuraw ma bay David na, ka yəməkurawa Ndaw me buwey ba, ma pa ha ba Kriste aha, Bay’ərlam aha.

Mey Hayna Wayna ma Bay Yezu Kriste Luk 23:3

Pilat ma tsəhafa: «Kah na bay ɗuhwa na ma Zuif hay ɗaw?.» Yezu ma mbəɗar kava: «Kah ana, me ləvey andza ha.»

Mey Hayna Wayna ma Bay Yezu Kriste Luk 23:38

Ka slam 'ar aŋga na na, tek ana daha ma tapa ha, ma winda ha kava: «Ŋga na, bay ɗuhwa na ma Zuif hay.»

Mey Hayna Wayna ma Yezu Kriste Zaŋ 1:49

Natanayel me mbəɗey kava: «Rabi, kah na Bəzey ma Bay ma Bəla, kah na Bay ma Israyel!»

Mey Hayna Wayna ma Yezu Kriste Zaŋ 12:13

ma tsam ɓaslah ma təɓah, ma bəmawa ma da zlam 'ar. Taya ma wudam: «Ozana! Ndaw ma sawa da mezəley ma Bay’ərlam ana na, ma pəsa mey aha ba, bay ɗuhwa na ma Israyel.»

Mey Hayna Wayna ma Yezu Kriste Zaŋ 18:37

Pilat ma ləvar tok: «Azlakwa kah bay aha tok zlənemey?» Yezu ma ləvar: «Me ləvey, yah bay aha na, kah ana. A yəmiyawa, i sawa ka bəla na, ma da key seydewe ma dərka. Kwa way way ma ndza ha da dərka na, a pey sləmay ka vəɗe ma ɗay ɗaw.»

Mey Hayna Wayna ma Yezu Kriste Zaŋ 19:19

Pilat me windey ka tek ana daha, ma tapada ka 'ar ma tuwaw ana ma gazləla na, ma winda ha na, andza neney: «Yezu ndaw Nazoreeŋ, bay ɗuhwa na ma zuif hay.»

Mey Hayna Wayna ma Yezu Kriste Zaŋ 20:28

Tomas ma mbəɗar kava: «Bay’ərlam a ɗaw, Bay ma Bəla.»

Mey Hayna Wayna ma Yezu Kriste Zaŋ 5:23

ma aza ndaw hay tabiyaha ka hasəkadəmara bəzay a Bəzey, andza na ma hasəkadəmara bəzay a Baba na. Ndaw ana ka hasəkadara bəzay a Bəzey kakay na, ka hasəkadara bəzay a Baba, ma sləradərawa na kakay tiyatsa.

Mey Hayna Wayna ma Yezu Kriste Zaŋ 9:38

Ndaw ana me ləvey: «I pey 'ar Bay’ərlam a ɗaw.» Arka ŋga me gərdey ka mey dey ŋga.

Ebrew 1:6

Dzadzak tok na, andza ŋga ma ɓada marakway ŋga ka bəla tok na, ŋga me ləvey: «Hayna madurlam ma Bay ma Bəla hay tabiyaha ka gərdam ka namar dəba.»

Apokalis 22:16

Yah Yezu na, i ka sləraɓa madurlam a ɗaw ba, ma da kadakwar seydewe neney ka guma ma Egliz hay. Yah na bəzey ma hwaɗ ma səkway ma David, bamtay ma zlemedew.