Matiyew 14:3 - MEY HAYNA WAYNA MA YEZU KRISTE MA MEVEY

³ Akwa na Erod ma zəga Zaŋ, ma dzuwa ta tsalalaw, ma kəlada a daŋgay na ma vəday ma Erodiyad, ŋgwas ma malam aŋga Filip.

Matiyew 14:3 Iomraidhean Croise

Matiyew 11:2

Arka andza Zaŋ ŋga da daŋgay na, ŋga ma tsənada ma tsam ka tek ma Kriste me key ana hay, ŋga me kəley gawla ŋga hay, ma ka da tsəhafama:

Matiyew 14:6

Arka ta pas ma magurlam ma vurhwada ma yawa ma Erod na, dem ma Erodiyad me gərvey ka slam dey ma ndaw ma wuna na hay, ma mbafa ka Erod.

Matiyew 4:12

Andza Yezu ma tsənada Zaŋ ŋga da daŋgay na, ŋga ma daw təŋga a Galiley.

Mark 6:14

Bay ɗuhwa na Erod ma tsənada a tsam aha ka Yezu. Hərway mezəley ŋga a tsəney aha, ka bəla tabiyaha. A ləvafama waya: «Zaŋ-Batist ka mbəlawa ba da walaŋ ma ndaw ma mətsa na hay.» A da slafa ɗey me key ɗeɗew hay na, hərwuiya.

Mark 6:17

Akwa na, Erod a zəga Zaŋ a daŋgay, ma dzuwa ta tsalalaw na, hərway Erod ana me zəgey Erodiyad, ŋgwas ma malam aŋga Filip.

Mark 6:19

Arka tsoy Erodiyad a ŋgəlada dey ta Zaŋ sakay na hərwuiya tok. A wuɗey na ma kəɗa ba vagay aha, amana a slafa kakay,

Mark 6:22

Dem ma Erodiyad ana hana me gərvey, ha ma mbafata kandza Erod, ta ndaw aŋga ma wunatərawa na hay. Bay ɗuhwa na ma ləvar a dem ana hana: «Tsəhafaya tek ma mevel eɗek me wuɗey ana na, i da vəladaka.»

Mark 8:15

Yezu ma katar say, ma ləvatar: «Wam daw ka vaw ka is ma Fariziyeŋ hay, ta na ma Erod!»

Mey Hayna Wayna ma Bay Yezu Kriste Luk 13:1

Da har ana ŋga na na, ndaw hay ma səmawa ma tsamar ka ndaw ma Galiley hay, na Pilat ma kəɗata vagay ahiya da har a kam aha kuley ana.

Mey Hayna Wayna ma Bay Yezu Kriste Luk 13:31

Da har ana ŋga na na, Fariziyeŋ hay nekəɗey ma gurəmawa ka tsakay ma Yezu ma ləvamar: «Daw ba, ka sləna ɗey, hərway Erod a wuɗey ma da kəɗaka vagay aha.»

Mey Hayna Wayna ma Bay Yezu Kriste Luk 23:11

Erod, ta sidzew aŋga hay ma sadama banay, ma saŋgərafama dəla da 'ar, ma kəlamar zana mambay aha ka vaw, ma madəmara a Pilat.

Mey Hayna Wayna ma Bay Yezu Kriste Luk 23:7

Andza ŋga ma nəkada ba, ŋga ndaw ma slala ma Erod na, ŋga ma sləradara. Hərway da meney ana ŋga na hay na, Erod ana na, ŋga da Zeruzalem.

Mey Hayna Wayna ma Bay Yezu Kriste Luk 3:1

Mevey ma kurow kava zlam ma Tiber Sezar da bay na, Pons Pilat na guverner aha da Zudey. Erod tey na bay aha da Galiley, malam aŋga na Filip na bay aha da dala ma Iturey ta Trakonitid. Arka Lizaniyas bay aha da dala ma Abilen tey.

Mey Hayna Wayna ma Bay Yezu Kriste Luk 8:3

Zane ŋgwas ma Kuza bəzey ma mey ver ma bay Erod, Suzan ta sa ma ŋgwas ana sa na hay ma dzənəmata ta zleley ta na hay.

Mber 12:1

Da varay ana ŋga na na, bay Erod ma zlar ma kadata sa ma ndaw hay da Egliz ta huɗa kakay.

Mber 4:27

Ayaw dərka na ka kusam 'ar ba da wuraw a neney: Erod ta Pons Pilat, ta ndaw ma dala na sa na hay, ta səkway ma Israyel, ma kusam 'ar ka Yezu gawla ma 'ay ɗek Kokwoɗ ana, na kah ma kafərawa mal ana.