Matiyew 10:3 - MEY HAYNA WAYNA MA YEZU KRISTE MA MEVEY

³ Filip ta Bartelemi, Tomas ta Matiyew ndaw me tsekeley dzaŋgal; Zak bəzey ma Alfey, ta Tadey;

Matiyew 10:3 Iomraidhean Croise

Matiyew 18:17

Kendzey ka tsənakwar sləmay kakay re na, ɓadara a Egliz. Kendzey a Egliz re ka tsənar sləmay kakay na, ka kafa ka kah na, andza ndaw Zuif aha kakay ana, dakay na, andza ndaw me tsekeley dzaŋgal aha.

Matiyew 27:56

Da walaŋ ata na na, andza Mariya ma Magdala, Mariya may mandza Zak ta Zozef, kaw maya ma bəzey ma Zebedey hay.

Matiyew 9:9

Andza Yezu a daw aha təŋga na, ŋga ma nəkada ndaw ana daha, a zəlamar Matiyew, ma ndzaha da biraw me tsekeley dzaŋgal. Ŋga ma ləvar: «Səpaya bəzay.» Matiyew me lətsey ma səpar bəzay.

Mark 15:40

Ka slam ana na ŋgwas hay daha ma lətsa hiya har daf, a nəkam aha dey. Da walaŋ ata na na, Mariya ma Magədala, Mariya maya ma Zak bəza na, ta Zozey, ta Salomey.

Mark 2:14

Andza a daw aha na, ŋga ma nəkada Levi, bəzey ma Alfey, ma ndzaha da biraw me tsekeley dzaŋgal. Yezu ma ləvar: «Səpaya bəzay.» Levi me lətsey, ma səpar bəzay.

Mark 3:18

Andrey, Filip, Bartelemi, Matiyew, Tomas, Zak bəzey ma Alfey, Tadey, Simoŋ ndaw zelot.

Mey Hayna Wayna ma Bay Yezu Kriste Luk 18:10

«Ndaw hay daha tsew ma tsəlam a 'Ay me key Kuley. Naŋgar asləta na, ndaw Fariziyeŋ, naŋgar tey na, ndaw me tsekeley dzaŋgal.

Mey Hayna Wayna ma Bay Yezu Kriste Luk 18:11

Ndaw Fariziyeŋ na, ma lətsa ha ta me lətsey, a ɗuley mey ka ’ar vaw ŋga na andza neney: «Bay ma Bəla a ɗaw, i madaka sise hərway yah andza sa ma ndaw hay tikay ana, taya na, mahal ahiya, a kam tek hayaha kakay ana, a kam madama, dakay na andza ndaw me tsekeley dzaŋgal a neney ana.

Mey Hayna Wayna ma Bay Yezu Kriste Luk 18:13

Ndaw me tsekeley dzaŋgal a hana na, ma ndza ha dəreŋ, kwa dey a 'ərlam dzay na a tsakafada kakay, amana, a kəɗey 'ərev ta me ləvey aha: «Bay ma Bəla a ɗaw, yah a neney ma ŋgəsaha na na, i ka kaka da vaw tey.»

Mey Hayna Wayna ma Bay Yezu Kriste Luk 19:2

Arka, ndaw ana daha a zəlamar Zasey, ŋga na bay ma ndaw me tsekeley dzaŋgal hay, ŋga zleley aha.

Mey Hayna Wayna ma Bay Yezu Kriste Luk 5:27

A dəba na na, Yezu ma bawa, ŋga ma nəkada ndaw me tsekeley dzaŋgal ana daha a zəlamar Levi. Ŋga ma ndzaha da biraw me tsekeley dzaŋgal. Yezu ma ləvar: «Səpaya bəzay.»

Mey Hayna Wayna ma Yezu Kriste Zaŋ 1:48

Natanayel ma ləvar: «Ka səradiyawa na da may?.» Arka Yezu me mbəɗey kava: «Amba Filip ka zələkawa na, i ka nəkadəkaɓa tsoy, kah ma ndza ha da bəzay gudav.»

Mey Hayna Wayna ma Yezu Kriste Zaŋ 11:16

Arka Tomas, na ma zəlamar Didim ana, ma ləvatar a sa ma gawla ma Yezu ana hay: «Nakwa tiyatsa, lakwa ka mətsakwama andza ŋga.»

Mey Hayna Wayna ma Yezu Kriste Zaŋ 14:22

Zud, zləna Zudas Iskariyot kakay, ma ləvar: «Bay’ərlam a ɗaw, ɗagay ka da ɓandar vaw na a la dada ama na a bəla tikay na teŋgey?»

Mey Hayna Wayna ma Yezu Kriste Zaŋ 14:5

Tomas ma ləvar: «Bay’ərlam a ɗaw, slam eɗek ana ma daway a huɗa na dzay na, la səradama kakay tok na, la da səradəməraɓa tsəveɗ ana na teŋgey?»

Mey Hayna Wayna ma Yezu Kriste Zaŋ 14:9

Yezu ma ləvar: «Filip, zla ekəɗey kakay lakwa dzaya tok na, ha ekəɗey ka səradaya tsaray kakay ɗaw? Ndaw ma nəkadaya na, a nəkey na, Baba ana. Ka ləvey: ɓafandar har ka Baba na na, teŋgey?

Mey Hayna Wayna ma Yezu Kriste Zaŋ 21:2

Simoŋ Piyer, Tomas na ma zəlamar Didim ana, Natanayiel ma Kana ma Galiley ana, bəzey ma Zebedey hay, ka zəgawa gawla ma Yezu ana hay daha tsew sa, taya ka masləta ha.

Mber 1:13

Ma mawa ta ba na, taya ma tsəlam a 'ay ta kete na, tsaŋ da 'ərlam ana. Daha ka slam ana na: Piyer, Zaŋ, Zak ta Andrey, Filip ta Tomas, Bartelemi ta Matiyew, Zak bəzey ma Alfey, Simoŋ ndaw ma dziŋgrey ka dala ŋga na, ka zəgawa Zud bəzey ma Zak.

Mber 12:17

Ŋga ma katar ta har ma ka ndzam tete, ma təkəradatara ɗagay ma Bay’ərlam ma badərawa da daŋgay ana na teŋgey, arka ma ləvatar: «Da ɓadəmara a Zak ta sa ma malam ana sa na hay.» Arka na ma daw təŋga a slam mekelehe.

Mber 15:13

Andza ma ndəvadama guma na ba na, Zak me lətsey sa tey, me ləvey: «Malam hay, pafəmaya sləmay.

Mber 21:18

Ma medew ana na, la ma dawam andza Pol a 'ay ma Zak, da huɗa na, ndaw ma səka na hay tabiya ha taya da huɗa tiyatsa.

Galat 1:19

mandzara i ka nəkada maslaŋ mekelehe, sey Zak malam ma Bay’ərlam Yezu dada.

Galat 2:9

Ma səradama hahaya ma Bay'ərlam ma vəliyawa na na, Zak, Sefas ta Zaŋ, ndaw ma nəkafəmata andza damklay ana hay na, ma vələmandar har a la ta Barnabas, andza zeheɗ ma ma dzəma mey aha, ma aza la na, la ka dam 'ar a 'ay ndaw Zuif ahiya kakay ana hay, taya tey na, a 'ay ndaw ma sla kuɗey ana hay.

Ɗeriwel ma Zak 1:1

Yah Zak, gawla ma Bay ma Bəla ta na ma Bay’ərlam Yezu Kriste, i windatar a səkway a neney kurow kava tsew, ma pa mey ahiya ka bəla na, i ka tsadakwar guma.

Ɗeriwel ma Zud 1:1

Yah Zud, gawla ma 'ay ma Yezu Kriste, i malam ma Zak, i windatar a ndaw ma zəlaya na hay, na Baba Bay ma Bəla ma wuɗata na, ma wa ahiya vaw ma Yezu Kriste ana hay.