Matiyew 10:2 - MEY HAYNA WAYNA MA YEZU KRISTE MA MEVEY
2 Nəkafama mezəley ma maslaŋ kurow kava tsew ana hay: tsəfəmey ana na, Simoŋ na ma zəlamar Piyer ana, ta malam aŋga Andrey; Zak bəzey ma Zebedey ta malam aŋga Zaŋ;
Andza Yezu a daway aha ka mey ma bəlay ma Galiley na, ma nəkadata ndaw hay tsew ta malam aŋga, Simoŋ na ma zəlamar Piyer ana, ta malam aŋga Andrey, a kəlam aha zəva ta hay a bəlay: taya ndaw me həley kəlef hay.
Me gurey ka mey satsa na, ma nəkadata ndaw hay tsew ta malam aŋga: Zak bəzey ma Zebedey ta malam aŋga Zaŋ, taya da kombiwal andza baba ta Zebedey, a ləmam aha zəva ta. Ŋga ma zəlata.
Hərway ma mey na, ma səra ’ar ma Bay ma Bəla na ta ’ar aŋga a ləvey na: i da sləratərawa ndaw sek hay, ta maslaŋ hay, a da kəɗəmata vagay ahiya, a da kadəmata tatakway.
A wasadata bəzey ma Zebedey hay tiyatsa, andza Zak ta Zaŋ na ma kam mber andza Piyer ana. Yezu ma ləvar a Simoŋ: «Ka wesey zlay, ekəɗey na ka da həley na ndaw hay ka dəba.»
Andza ma mawa ta ba na, maslaŋ ma Yezu hay ma təkəradəmara tek ata ma kəmawa na hay tabiyaha. Ŋga ma ŋgəlata gədzah ta tsakay ma wuraw ana daha a zəlamar Betəsayda.
Ŋga ma hway ka tsakay ma Simoŋ Piyer ta gawla naŋgar, na Yezu ma wuɗa na, arka ŋga ma ləvatar: «Ka zəgama vagay ma Bay’ərlam Yezu ba da tsəvay, la səradama a da padama ka waray kakay!»
Simoŋ Piyer, Tomas na ma zəlamar Didim ana, Natanayiel ma Kana ma Galiley ana, bəzey ma Zebedey hay, ka zəgawa gawla ma Yezu ana hay daha tsew sa, taya ka masləta ha.
Andza Piyer me mbəɗey dey na, ŋga ma nəkada da dəba ŋga gawla na, Yezu ma wuɗa na, gawla aŋga na, da slam me zəmey tek, me gweɗəkwey ka 'ərev ma Yezu, ma tsəhafa ‹Bay’ərlam a ɗaw, ɗagay ma da haɗəkadaka na way?› ana.
Ma mawa ta ba na, taya ma tsəlam a 'ay ta kete na, tsaŋ da 'ərlam ana. Daha ka slam ana na: Piyer, Zaŋ, Zak ta Andrey, Filip ta Tomas, Bartelemi ta Matiyew, Zak bəzey ma Alfey, Simoŋ ndaw ma dziŋgrey ka dala ŋga na, ka zəgawa Zud bəzey ma Zak.
Tek ma haya ha ŋga ma kawa na na maslaŋ hay, ndaw sek hay, ndaw me tələkey mey ta Mey Hayna Wayna hay, ndaw me kəley ka mey hay ta ma tatəkadata ndaw hay.
Kəɗey tok ŋgey malam kokwoɗ ana hay, na ma wanəkəmawa mezəley na ma sawa da 'ərlam ana hay, təradama Yezu na maslaŋ aha, baba ɗuhwa na ma key kuley ana, na lakwa ma təɓakwa ka mevel a lakwa na.
Yah Piyer maslaŋ ma Yezu Kriste, i windukuraɓa a ndaw ma gaɗəma na hay, ma pa mey ahiya da 'ar bəla na hay: da Pont, da Galasi, da Kapados, da Azi ta Bitini.
Yah Simeiyoŋ Piyer, gawla ma 'ay, maslaŋ ma Yezu Kriste, i windatar a ndaw na ma ndzafam ta dzerey ma Bay ma Bəla lakwa, ta me buwey lakwa Yezu Kriste, me pey 'ar ma wam kal kal ta na ŋga la na:
I ndaw ma səka na, i windəraɓa a ŋgwas ma gaɗəma na ta wawa ŋga hay, na i ma wuɗata da waw me nəkey dey ma dərka ana - yah dada tsa kakay, amana ndaw ma ndzafama ma səradama dərka ana hay tabiyaha -
Ɗeriwel neney na, tek ma kəzla hiya na Yezu Kriste ka ɓada na: Bay ma Bəla a vəladara na, ma ka da ɓadatara a gawla ma 'ay ŋga hay, tek na ma da sawa da bəse na. A da ɓadara na, ŋga ma sləradərawa madurlam aŋga, ka tsakay ma gawla ma 'ay ŋga Zaŋ.
Yah Zaŋ malam a kwar, mandala kwar da suwet, da Slala ma Bay’ərlam sa tsa, da matanduroŋ da Yezu, i ma ndza ha da dala ma ɗawala ha ta yam ana da Patmos, kavəday ma guma ma Bay ma Bəla ta me key seydewe ma Yezu.
Ka me zəɗey ŋga neney na, key wuiya tok həzlay ma'ərlam, arka kuray tiyatsa ndaw kokwaɗ ana hay, maslaŋ hay ta ndaw sek hay, hərway da ma kadara sariya ŋga na na, Bay ma Bəla a da vəladakwar dzerey na a kuray.
Yah Zaŋ na i ka tsənadərawa ba, i ka nəkadərawa ba, arka a dəba na i ma tsənadərawa ba na, ta i ma nəkadərawa ba na, i ma nar dəba ma da ɗular mey, ka slam sek ma madurlam a hana na, ma ɓafataya ka tek ana hay.