Matiyew 1:1 - MEY HAYNA WAYNA MA YEZU KRISTE MA MEVEY

¹ Neney na ɗeriwel ma mezley ma baba tete ma Yezu Kriste hay, bəzey ma David, bəzey ma Abraham.

Matiyew 1:1 Iomraidhean Croise

Matiyew 1:18

Nəkafama me zley ma yawa ma Yezu Kriste. Mariya may ŋga na na, kokwa ma Zozef. Arka, amba ŋga ka zəga na, a da sərafa na bəzey da hwoɗ ta gədaŋ ma Mesəfrey Kokwoɗ ana.

Matiyew 1:2

Abraham ma yawa Izak, Izak ma yawa Zakob, Zakob ma yawa Zuda ta malam ŋga hay.

Matiyew 15:22

Arka na ŋgwas kananiyeŋ ana daha, ma bawa da wuraw ana, ma zlar me wudey: «Amboh Bay’ərlam, Bəzey ma David, i ka kaka da vaw tey. Dem a ɗaw ma dawara ha kambəlaɓa ta fakalaw»

Matiyew 3:16

Andza ma dzuhəɓadama ba na, Yezu ma bawa da yam. Arka ndasl ma 'ərlam me ndzesləɗey, ŋga ma nəkada Mesəfrey ma Bay ma Bay Bəla a harɗawa ha andza hwoɗgwam ma sawa ka ŋga.

Matiyew 9:27

Andza Yezu a daway aha təŋga na, wulaf hay daha tsew ma səpama, ta me wudey aha: «La ka kəmaka da vaw tey, Bəzey ma David!»

Mey Hayna Wayna ma Bay Yezu Kriste Luk 1:33

A da key bay ma səkway ma Zakob ma kozaha. Bay ŋga na ma da key ana na, a da ndəvey aha tikay.»

Mey Hayna Wayna ma Yezu Kriste Zaŋ 7:42

Mewindey Kokwoɗ ana hay a ləvam na, a da bawa na da zuwal ma David kakay ɗaw? Da Betlehem, wuraw bəzaha na ma yəmərawa David da huɗa na kakay ɗaw?»

Mber 2:30

Ama ŋga na ndaw sek aha, a sərada ha Bay ma Bəla ka ləvar ba ta me mbəɗey aha kava: «I da pey bəzey ma hwoɗ eɗek ka koriwal ma bay ɗek, na ma da bawa da kah ana.»

Romeŋ 1:3

Mey ana, a tsey na ka Bəzey ŋga: haɗaw andza da slaw vaw na, a bawa da bəzay ma David. Haɗaw andza da Mesəfrey Kokwoɗ ana na, ma paha ta ma slafa ŋga, Bəzey ma Bay ma Bəla aha, ta ma mbəlawa ŋga da walaŋ ma ndaw ma mətsa na hay. Na ŋga na na, Yezu Kriste, Bay’ərlam lakwa.

Romeŋ 4:13

Akwa na a ləvamar a Abraham na, a da vəladəmara dala tabiyaha, a ŋga ta bəzey ma hwaɗ a ŋga hay a da zəma na, hərway ma Mewey kakay, amana, hərway ma dzerey ŋga ta ma pey 'ar aŋga.

Romeŋ 9:5

ta baba tete hay; arka Kriste andza da slaw vaw na, ŋga bəzey ma hwaɗ ata, ŋga aŋga na ma fənata tek hay tabiyaha na, Bay ma Bəla na ma pəsa mey aha ma kwazaha na, Amen.

Galat 3:16

Ana ekəɗey tok na, a tsadəmara guma i da vəlaka tek na, a Abraham ta bəzey ma hwaɗ aŋga. Ma ləva ha andza neney na, a bəzey ma hwaɗ aŋga hay, kəla andza a ndaw hay haɗadzidzay, azlakwa a da key na a ndaw asləta, «a bəzey ma hwaɗ eɗek», ka ləva na Kriste.

1 Timotey 2:5

Hərway Bay ma Bəla na, ŋga asləta, Ndaw ma zawada guma da walaŋ ma Bay ma Bəla ta ndaw na, ŋga asləta: Kriste Yezu,

2 Timotey 2:8

Hayna sərafa ka Yezu Kriste ma mbəlawa da walaŋ ma ndaw ma mətsa na hay ana, bəzey ma səkway ma David, andza ma Mey Wayna i ma tələkada mey ana,

Apokalis 22:16

Yah Yezu na, i ka sləraɓa madurlam a ɗaw ba, ma da kadakwar seydewe neney ka guma ma Egliz hay. Yah na bəzey ma hwaɗ ma səkway ma David, bamtay ma zlemedew.