Mark 9:7 - MEY HAYNA WAYNA MA YEZU KRISTE MA MEVEY

⁷ Pazlay ma sawa ma sahətata, arka vəɗe ma ɗay ma tsənawa da pazlay ana: «Neney na, Bəzey ɗaw ma wuɗa haɗa na, tsənamar sləmay.»

Mark 9:7 Iomraidhean Croise

Matiyew 27:43

Ŋga ka pada 'ar aŋga ba ka Bay ma Bəla sa na, ekəɗey na, Bay ma Bəla ana ka ləhadərawa tok, haɗaw a wuɗa na. Hərway a ləvey na waya: ‹Yah na Bəzey ma Bay ma Bəla!›»

Matiyew 27:54

Andza taya ma nəkadama dala ma dederey ta tek a neney hay ma kam ana na, bay me wey sidzew temere ana, ta ndaw taya ma dzaɗam Yezu dzaya na hay, ma wasam ka vaw kambəlaɓa, taya ma ləvam: «Ndaw a neney akwa na, Bəzey ma Bay ma Bəla dərka na.»

Matiyew 3:17

Arka Vəɗe ma ɗay ma tsənawa da 'ərlam a ləvey: «Neney na Bəzey ma mey 'ərev a ɗaw, ma daya 'ar na ŋga, i ma wala na.»

Mark 1:11

Vəɗe ma ɗay ma tsənawa da 'ərlam: «Kah na Bəzey ma mey 'ərev aɗaw, i da walaka na, hərway kah, ka daya 'ar ba.»

Mark 9:6

A tsey na, a sərada ka ləvey teŋgey, kakay. Hərway zluwer a katar aha.

Mark 9:8

Arka tsana, ma nəkam dey ka slam ata na na, a nəkam aha ndaw dasakay, sey Yezu ana asləta ta taya na dada.

Mey Hayna Wayna ma Bay Yezu Kriste Luk 3:22

Mesəfrey Kokwoɗ ana ma harɗawa ka Yezu, a nəkey ta vaw aha andza hwoɗəgwam. Arka vəɗe ma ɗay ma tsənawa da 'ərlam: «Kah na Bəzey ɗaw, zla teseɗey na i ka yadəkawa ba.»

Mey Hayna Wayna ma Yezu Kriste Zaŋ 1:34

I na, i ka nəkada ba ta dey ɗaw. I key seydewe ŋga na, ŋga na Bəzey ma Bay ma Bəla.»

Mey Hayna Wayna ma Yezu Kriste Zaŋ 1:49

Natanayel me mbəɗey kava: «Rabi, kah na Bəzey ma Bay ma Bəla, kah na Bay ma Israyel!»

Mey Hayna Wayna ma Yezu Kriste Zaŋ 12:28

Baba, hasəkadara bəzay a Mezəley ɗek.» Arka vəɗe ma ɗay ma tsənawa da 'ərlam: «I ka hasəkadara bəzay ba, i da hasəkadara sa.»

Mey Hayna Wayna ma Yezu Kriste Zaŋ 19:7

Zuif hay ma mbəɗafəmara kava: «Mewey la na daha, mewey ana a ləvey na, sey ka mətsey zləna, kavəday ka tərada vaw ŋga ba Bəzey ma Bay ma Bəla aha.

Mey Hayna Wayna ma Yezu Kriste Zaŋ 20:31

A windəmatərawa neney hay na, ma aza kuray ka pam 'ar Yezu na Kriste, Bəzey ma Bay ma Bəla, ma aza da me pey 'ar a kwar na, ha da ndzafam mendzey da mezəley ŋga.

Mey Hayna Wayna ma Yezu Kriste Zaŋ 5:18

Zla da na ŋga na na Zuif hay ma səpama a fəna sa ma da zəɗadara ’ar ba, hərway ma mey na, ŋga ma ŋgəsada mesley dada tsa kakay, ama satsa na ŋga ma zəla «Bay ma Bəla na andza Baba ŋga ɗerre», kəɗey na, a kada vaw ŋga na, kal kal andza Bay ma Bəla na.

Mey Hayna Wayna ma Yezu Kriste Zaŋ 5:37

Baba na ta 'ar aŋga na ma sləradiyawa na na, ka key seydewe ɗaw ba. Amana kwa kuray ka wuɗam ma pafama sləmay ka vəɗe ma ɗay ŋga kakay, kwa ha səpam ma nəkada tek aŋga ma ɓada na kakay.

Mey Hayna Wayna ma Yezu Kriste Zaŋ 6:69

La na, la ka pam 'ar ba, la ka səradama ba, kah na Ndaw ma Bay ma Bəla Kokwaɗ ana.»

Mey Hayna Wayna ma Yezu Kriste Zaŋ 9:35

Yezu ma tsənada waya ka ɓələmərawa ba a bəla na, ŋga ma sawa, ma ndzafa ma ləvar: «Ka pey 'ar ka Bəzey ma Ndaw ɗaw?»

Mber 1:9

A dəba ma guma neney na, ŋga ma tsekefey a 'ərlam ma dey ta na, arka pazlay ma sawa ma səhəta ka slam dey ta.

Mber 7:37

Ma ləvatar a bəzey ma Israyel hay andza neney na, Moyiz ana: Bay ma Bəla a da lətsukurawa da walaŋ ma malam a kwar hay ndaw sek andza yah.

Mber 8:36

A dawam aha ka tsakay tsəveɗ ata na na, ma husam ka slam ma yam, ndaw a hana ma la na me ləvey: «Yam ekəɗey, ma təka andza i ka ndzefey me dzuhəɓey zlay na mey?» [

Ebrew 2:1

Kavəday ma mey na, hayna lakwa ka wafakwa vaw ka guma neney, lakwa ma tsənadakwa na haya hayaha, haɗaw a sandakwar i ka zləgakwama zlay na.

2 Piyer 1:17

Hərway ŋga me ndzefey me hesəkey bəzay ta maram da har ma Bay ma Bəla Baba, andza ma vəɗe ma ɗay ma tsənawa da me wezley dey mambay ana ma Bay ma Bəla, ŋga ma ləvar: neney na Bəzey ma mey 'ərev a ɗaw, a mbafaya, i da gəɗəmey na ŋga.

1 Zaŋ 5:20

Ka səradakwa Bəzey ma Bay ma Bəla ka sawa ba, arka ma vəlandakwar ma sərada tek, ma da sərada Ndaw na dərka na. Arka lakwa na, da Ndaw na dərka na na, da Bəzey ŋga Yezu Kriste. Ŋga na Ndaw na dərka na, ŋga na Bay ma Bəla, ŋga na mendzey me ndəvey kakay ana.

Apokalis 1:7

Nəkafama a sawa ha da dey ma pazlay, arka ndaw hay tabiyaha a da nəkadama, kwa ta ndaw ma slakama na hay dzay: səkway ma dala hay tabiyaha a da ndzam, andza da 'ay vagay hərway ŋga. Ayaw! Amen!