Mark 8:2 - MEY HAYNA WAYNA MA YEZU KRISTE MA MEVEY

² «Ndaw neney ma kusa hiya na hay a kəmaya da vaw. Hərway nəkafama ka key tsoy meney makar, taya ka tsakay ɗaw, tsoy tek a rafata me zəmey dasakay.

Mark 8:2 Iomraidhean Croise

Matiyew 14:14

Andza ma hərɗawa ŋga ba da kwambiwal na, ŋga ma nəkadata ndaw hay haɗadzidzay, ma kusa hiya, a kamar da vaw, ŋga ma ndaladata ndaw ata ma təra na hay.

Matiyew 20:34

A kamar da vaw a Yezu, ma ləmatar a dey ta na hay. Arka tsana, dey ta hay ma wuram wunet, ma səpamar bəzay.

Matiyew 9:36

Andza ŋga ma nəkadata ndaw hay ma kusa hiya na, a kamar da vaw, hərway ma ndza hiya, ma ya vaw ahiya, ma dawara hiya andza təɓaŋ hay mandzara ndaw me tsukurey ta na.

Mark 1:41

A kar da vaw, Yezu, ma ndəɗada har, ma ləmar, ma ləvar: «Ayaw i wuɗey, tərey ma bazləma ha na.»

Mark 5:19

Ama Yezu na ka vəlar tsəveɗ kakay, ma ləvar: «Mey a mbaw, ka tsakay ma ndaw ma 'ay ɗek hay, təkəradatara tek ma Bay’ərlam ma kəkawa tabiyaha da ndaw aŋga ma kar da vaw ana.»

Mark 6:32

Taya ma tasam tek ata ta kombiwal a slam palah aha gədzah a tsakay.

Mark 6:34

Andza ma hardəmawa ta ba da kombiwal na, Yezu a da nəkey dey na, ndaw hay ma kusa hiya tam tamma. A kamar da vaw a Yezu zləna, hərway a nəkafata na, andza təɓaŋ hay, mandzara ndaw me tsukurey ana kava. Arka ŋga na, ma zlar ma tatəkadatara tek hay haɗadzidzay.

Mark 8:3

Haɗaw i ka ləvatar dawam a mbaw ta may aha andza neney na, may a da waləɓata ba, ka tsakay tsəveɗ. Da walaŋ ata na na, ndaw ma səmawa da dəreŋ ana hay daha.»

Mark 9:22

Dey haɗadzidzay andza ka zlar ba na, a kəlada a waw, dakay na, a yam, hərway a wuɗey na, ma zəɗada ba. Ama haɗaw ka slafa me key tek daha na, sawa dzənandar, la ka kəmaka da vaw tey»

Mey Hayna Wayna ma Bay Yezu Kriste Luk 15:20

Ŋga ma mey 'ar 'ay baba ŋga. Andza a lawa dəreŋ mba na, baba ŋga ma nəkada, a sawa ha na, a kar da vaw, ŋga ma hway, ma zəga, ma surma.

Mey Hayna Wayna ma Bay Yezu Kriste Luk 7:13

Andza Bay’ərlam Yezu ma nəkada maya ma vagay ana a tuway aha na, a kar da vaw kambəlaɓa. Ŋga ma ləvar: «Ka tuway sazlay.»

Ebrew 2:17

Satsa, da tek hay tabiyaha na, ŋga ma tərada vaw ka nəkey na kalkal andza malam aŋga hay. Ma aza ka da tərey baba ɗuhwa na me key kuley ana, na ndaw ma kar da vaw ana, arka satsa na, ndaw na Bay ma Bəla ma vələrawa slam har, ma da davasada meŋgəsey ma səkway hay ba na.

Ebrew 4:15

Akwa na, baba lakwa na ɗuhwa na me key kuley ana na, bəle lakwa hay na a kar da vaw, ma həla suwet aha ba da tek hay tabiyaha andza lakwa, amana ka ŋgəsey tikay.

Ebrew 5:2

A slafa ma dzənata ndaw ma səradama kakay ana arka ma zləgam ana hay, hərway ŋga na tiyatsa na, bəle a ləmar ta sləna ta sləna.