Mark 6:6 - MEY HAYNA WAYNA MA YEZU KRISTE MA MEVEY

⁶ Me pey 'ar ata kakay ana na, a rəzla. Yezu ma halata sa ma wuraw a sana hay, ta ma tatəkadata ndaw hay.

Mark 6:6 Iomraidhean Croise

Matiyew 4:23

Arka Yezu ma hala dala ma Galiley tabiyaha, a tatəkadata ndaw hay da 'ay me ɗuley mey ta hay, a tələkada mey ta Mey Hayna Wayna ma Slala ma 'ərlam, a ndaladata ndaw dzedzey ana hay tabiya ha, ta ndaw ma təra na hay, da walaŋ ma səkway.

Matiyew 8:10

Andza Yezu ma tsənada guma ŋga neney na, a mbafa bəza kakay. Arka ŋga ma ləvatar a ndaw ma səpamar bəzay ana hay: «I ɓadakwar dərka na, ɗaɗa i ka ndzefey ndaw da Israyel me pey ’ar andza neney dakay.

Matiyew 9:35

Yezu ma halata wuraw ɗuhwa na hay, ta na bəza na hay tabiyaha, a tatəkadata ndaw hay da 'ay me ɗuley mey ta hay. A tələkada mey ta Mey Hayna Wayna ma Slala ma 'ərlam. A ndaladata ndaw dzedzey ana hay, ta ndaw ma təra na hay tabiyaha.

Mark 1:39

Arka ŋga ma hala dala ma Galiley tabiyaha; a tələkey mey da 'ay me ɗuley mey ta hay, a herey fakalaw da 'ar ma ndaw hay.

Mark 10:1

Yezu ma daway ba da huɗa na, ŋga ma daway a dala ma Zudey, da diya ma wayaŋ ma Zurdeŋ. Arka tsana, ndaw hay haɗadzidzay ma kusam ka tsakay ŋga. Arka ŋga ma tatəkadata, andza ma ŋga kete na sa.

Mey Hayna Wayna ma Bay Yezu Kriste Luk 13:22

Ŋga ma daway ta wuraw ɗuhwa na hay ta wuraw bəza na hay, a tatəkadata ndaw hay paɗ tsəveɗ aŋga ma daw ’ar a Zeruzalem ana.

Mey Hayna Wayna ma Bay Yezu Kriste Luk 4:31

Ŋga me hərɗey a Kafarnawom, wuraw ma Galiley. Ŋga ma tatəkadata ta pas ma mesley.

Mey Hayna Wayna ma Bay Yezu Kriste Luk 4:44

Arka ŋga me tələkey mey da 'ay me ɗuley mey hay ma Zudey.

Mey Hayna Wayna ma Yezu Kriste Zaŋ 9:30

Ndaw ana ma mbəɗatar kava: «Ana dzadzak, me rəzley ndaw na ŋga ha tok, hərway ma mey na, ka səradama a sawa na da may kakay ana, ama zlənemey na, ka wuradaya dey ba!

Mber 10:38

Yezu ana ma sawa da Nazaret, ka səradama ha andza ma Bay ma Bəla ka kafa zeheɗ ma mal ba ta Mesəfrey Kokwoɗ ana, ta maram aŋga ma slafa tabiyaha na; da me həley ŋga na, ŋga ka key hahaya ba a ndaw hay haɗadzidzay, a ndaladata ndaw na setene ma kadata beke na hay ba tabiyaha, hərway Bay ma Bəla ŋga ta ŋga.