Mark 5:7 - MEY HAYNA WAYNA MA YEZU KRISTE MA MEVEY

⁷ Ŋga me wudey ta magalaha: «Ka wuɗafaya mey, Yezu, Bəzey ma Bay ma Bəla tsaŋ da mekekəle ŋga na? I mbəɗaka ta Bay ma Bəla, ka da margaɗaya zlay.»

Mark 5:7 Iomraidhean Croise

Matiyew 16:16

simoŋ Piyer ma təɓa guma na, me mbəɗey kava: «Kah na Kriste, Bəzey ma Bay ma Bəla ta dey ana.»

Matiyew 26:63

Ama Yezu na, tete təŋga. Baba ɗuhwa na me key kuley ana, ma ləvar: «I mbəɗaka ta Bay ma bəla ta dey ana, aŋga ɓadandar ɗagay, haɗaw kah na Ndaw ma vahara 'ar ana, Bəzey ma Bay ma bəla na»

Matiyew 4:3

Arka ndaw me pey wuiya ma gurafa, ma ləvar: «Haɗaw kah Bəzey ma Bay ma Bəla na, ləvatar a ŋgwa na ɗey hay ka təram peŋ aha kwa.»

Matiyew 8:29

Arka taya ma zlamar me wudey, ma ləvam: «Ka wuɗafandar mey, Bəzey ma Bay ma Bəla, ka sawa ka sləna na, ma da mərgaɗandar amba har ana ka slawa ɗaw?»

Mark 1:24

«Ka wuɗafandar mey, Yezu ma Nazaret, ka sawa na, ma da zəɗadandar ɗaw? I sərada ha kah na, Ndaw Kokwoɗ ana ma Bay ma Bəla.»

Mark 14:61

Ama ŋga na, tete təŋga, kwa ka mbəɗey kava kakay. Baba ɗuhwa na me key kuley ana ma tsəhafa dey mekelehe sa, ŋga ma ləvar: «Kah na Ndaw ma vahara 'ar ana, Bəzey ma Bay ma Bəla na ma pəsa mey aha na ɗaw?»

Mark 3:11

Andza ndaw ta mesəfrey ma zləɓa na hay da 'ar ana hay ma nəkadama Yezu na, a kəlam a həvam aŋga, ta me wudey aha waya: «Kah na Bəzey ma Bay ma Bəla.»

Mark 5:6

Andza ŋga ma nəkada Yezu a sawa ha da dəreŋ na, ŋga ma hway ka tsakay ŋga, me gərdey ka mey dey ŋga.

Mark 5:8

Hərway a mey na, Yezu a ləvar: «Mesəfrey a neney ma zləɓa na, bawa ba da vaw ma ndaw a neney!»

Mey Hayna Wayna ma Bay Yezu Kriste Luk 1:32

A da key ndaw ɗuhwa ha, a da zəlama na Bəzey ma Ndaw Tsaŋ da mekekəle ŋga na. Bay’ərlam Bay ma Bəla a da vəladara koriwal ma bay ma baba ŋga David.

Mey Hayna Wayna ma Bay Yezu Kriste Luk 4:34

«Ɗagay ka wuɗafandar mey, Yezu ma Nazaret? Ka sawa na ma da zəɗadandar ɗaw? I sərada ha kah ana na way, Ndaw Kokwoɗ ana ma Bay ma Bəla».

Mey Hayna Wayna ma Bay Yezu Kriste Luk 6:35

Amana wuɗəmata ndaw dugwan a kwar hay, kam tek hayna hay, dadeɗamar tek mandzara me dzeley ka da mawa. Arka na ka da ndzafam masa kwar ɗuhwa ha, ka da təram na bəzey ma Bay'ərlam tsaŋ da mekekəle ŋga ahiya, hərway ŋga na a wuɗata ndaw me pətey har ana hay, ta ndaw seweɗ ana hay dzay.

Mey Hayna Wayna ma Bay Yezu Kriste Luk 8:28

Andza ŋga ma nəkada Yezu ba na, ŋga me kəley a həvam aŋga, ta me wudey aha ta magala ha: «Ka wuɗafaya mey, Yezu Bəzey ma Bay ma Bəla tsaŋ da mekekəle ŋga na? I kaka amboh, ka da sadaya banay zlay.»

Mey Hayna Wayna ma Yezu Kriste Zaŋ 20:31

A windəmatərawa neney hay na, ma aza kuray ka pam 'ar Yezu na Kriste, Bəzey ma Bay ma Bəla, ma aza da me pey 'ar a kwar na, ha da ndzafam mendzey da mezəley ŋga.

Mber 16:17

A səpandar ta me wudey aha Pol ta la: «Ndaw a neney hay na, gawla ma Bay ma Bəla tsaŋ da mekekəle ŋga ana hay, a ɓəmakwar na tsəveɗ me ma buwey.»

Mber 19:13

Zuif hay daha, mber ata me key na, me herey fakalaw hay, ma zəlama mezəley ma Bay’ərlam Yezu ka ndaw ta fakalaw da 'ar ana hay, a ləvam andza neney: «Ta mezəley ma Yezu a neney, na Pol ma tələkada mey ana!»

Mber 8:36

A dawam aha ka tsakay tsəveɗ ata na na, ma husam ka slam ma yam, ndaw a hana ma la na me ləvey: «Yam ekəɗey, ma təka andza i ka ndzefey me dzuhəɓey zlay na mey?» [

Romeŋ 16:20

Bay ma Bəla ma zozoy a da ndarsla ha mazlambar aha Sataŋ da huɗa sek a kwar. Hayna hahaya ma Bay’ərlam a lakwa Yezu ka ndzey ta kuray!

Ebrew 2:14

Kəɗey tok na, azlakwa bəzey ana hay mambaz a ta asləta, slaw vaw a ta asləta sana, ŋga na satsa na, kalkal andza ma ta na, ma wanəkadama mendzey ta asləta, ta memətsey ŋga na, ka mada gədaŋ ma ndaw ma zəgada gədaŋ ma memətsey ana ba ta dəba, ka ləva na Setene.

Ebrew 7:1

Melkisedek ana ŋga na, bay ɗuhwa na ma Salem, baba me key kuley ma Bay ma Bəla tsaŋ da mekekəle ŋga na. Ma daway ma da zlam 'ar ta Abraham, andza ma mawa ŋga da vərom ma kawa ta bay hay mekele ahiya, arka ma pəsafa mey.

Ɗeriwel ma Zak 2:19

Ka pey 'ar na Bay ma Bəla ŋga asləta kakay ɗaw? Na ŋga na na, ka key haya ha. Fakalaw hay a pamar ’ar tiyatsa, arka na a wasam ka vaw kwasl kwasl.»

2 Piyer 2:4

Hərway ma mey na, Bay ma Bəla ka mbəkadata madurlam aŋga ma ŋgəsa na hay kakay, ma kuiyadata a slam ləvaŋ ana ma banay, a padata a huɗa tafa, ma hutada sariya.

1 Zaŋ 3:8

Ndaw me key meŋgəsey na, ŋga ndaw ma setene, a da səram na, ma vəday zla da mezley ana na, Sataŋ na ndaw ma ŋgəsa ha. Nəkafama, Bəzey ma Bay ma Bəla a da bawa na mavədiya, ma da davasadara mber ma Sataŋ ba.

Ɗeriwel ma Zud 1:6

Madurlam na ma wuɗam ma ndzam da meslərey ta kakay ana hay, ama ma mbəkadama 'ay ta ba na hay na, ma darzlaya, ma dzuwaya ta tsalalaw ma tsoy aha da ləvaŋ, ha kasl ka Pas ma sariya ɗuhwa na.

Apokalis 12:12

Hərway ma mey, ndasl ma 'ərlam ndzey da wuiya, ta kuray a neney slam a kwar me ndzey da huɗa daha na na! Kah dala ta bəlay na tuwam vaw kwar, hərway Setene ka hərɗaɓa tsoy 'ar a 'ay kwar, mevel a tsar aha, hərway a sərada mendzey ana na, a zərawa na nekəɗey.»