Mark 2:8 - MEY HAYNA WAYNA MA YEZU KRISTE MA MEVEY

⁸ Andza Yezu ma sərada me dzeley 'ar a ta neney, da mevel aŋga na tsana, ŋga ma ləvatar: «Ɗagay ka dzalam tek a neney da mevel a kwar na ka mey?

Mark 2:8 Iomraidhean Croise

Matiyew 12:15

Andza Yezu ma tsənada ba na, ŋga ma daw təŋga da huɗa. Ndaw hay haɗadzidzay ma səpamar bəzay, ŋga ma ndaladata tabiyaha.

Matiyew 16:7

Gawla ŋga hay da 'ar ata na: «Waya a tsandakwar andza ha na, hərway lakwa ka zəgəkwawa peŋ a har kakay ana.»

Matiyew 9:4

Andza Yezu ma sərada me dzeley 'ar ata na, ma ləvatar: «Ɗagay ka dzalam tek haya kakay ana hay da mevel a kwar na, ka mey?

Mark 2:7

«Ɗagay ndaw a neney a tsey guma andza ha na, ka mey? A key na, a tseɗey Bay ma Bəla Ndaw ma slafa me sey yam ka meŋgəsey na, way? Sey Bay ma bəla ana asləta sana.»

Mark 2:9

Ɗagay ta ger aha da huɗa na, na waray? Ma ləvar a ndaw a neney ma mbara vaw ana: ‹Meŋgəsey ɗek hay ma sa yam ahiya ba na tsukuɗu?›, dakay na me ləvey: ‹Lətsey, zəga merdek eɗek ana, heley ana ɗaw?›

Mark 7:21

Akwa na a bəmawa na da vaw, da mevel ma ndaw hay, andza me dzeley 'ar haya kakay ana hay, me key tek so ha, me key mahal, me kəɗey ndaw vagay aha,

Mey Hayna Wayna ma Bay Yezu Kriste Luk 24:38

Ŋga ma ləvatar: «Ɗagay 'ərev a həɓakwar, ka dzalam andza ha, da mevel a kwar na, ka mey?

Mey Hayna Wayna ma Bay Yezu Kriste Luk 5:22

Ama Yezu ma sərada me dzeley 'ar a ta na ma mbəɗatar kava: «Ɗagay ka dzalam andza ha da mevel a kwar na ka mey?

Mey Hayna Wayna ma Bay Yezu Kriste Luk 6:8

Ama ŋga na a sərada tek ata me dzeley ana, ma ləvar a ndaw a hana na ma mbara har ana: «Lətsey, sawa a wuzlah ma ndaw hay.» Ŋga ma sawa me lətsey ta lətsey.

Mey Hayna Wayna ma Yezu Kriste Zaŋ 21:17

Yezu ma ləvar dey ma makar ana: «Simoŋ bəzey ma Zaŋ, ka wuɗaya ɗaw?» A ndalar a Piyer hərway Yezu ma tsəhafa dey ma makar ana ka wuɗaya ɗaw ana. Arka ma mbəɗar kava: «Bay’ərlama ɗaw, kah na, ka səradata tek hay tabiyaha, ka sərada haya haya i wuɗaka seŋgey.» Arka Yezu ma ləvar: «Tərey ndaw me tsukurey təɓaŋ a ɗaw hay.

Mey Hayna Wayna ma Yezu Kriste Zaŋ 6:64

Amana, nduw hay daha da walaŋ a kwar, a pam aha 'ar kakay.» Akwa na, Yezu a səradata zla ka vaw, ndaw ma pam 'ar kakay ana hay, ta ndaw ma da haɗəkada na.

Mber 5:3

Ama Piyer me ləvey: «Ananiyas, ɗagay Sataŋ a da rəhadaka mevel eɗek na, ka mey? Kah ma tsar malwaɗay a Mesəfrey Kokwoɗ ana, kah ma takətsafa sa ma sumkwo ana, kah ma haɗəkada ley ana.

Mber 8:22

Hwohuney hərway ma seweɗ eɗek a neney me key ana, ɗuley mey a Bay’ərlam, ma me dzeley 'ar eɗek a neney ma səkawa a mevel andza ha na na, naŋgar hay aza a safəmaka yam.

Ebrew 4:13

Tek ma bəla ma kaya, na ŋga ma nəkada kakay ana na dakay, ka slam dey ŋga na, tek hay tabiyaha na ma warəɗaya, tek hay tabiyaha ka slam dey ŋga na ma gədzuwaya da huɗa har aŋga. I da ɓadukwara tek me mendzey lakwa tabiyaha na a ŋga.

Apokalis 2:23

Wawa ŋga na hay na, i da kəɗata ta memətsey, arka na Egliz hay tabiyaha a da səradama, yah na ndaw me nəkey dey kasl a hwaɗ ma mevel ana. Arka kwa way way da walaŋ a kwar na, i da madara andza ma mber aŋga hay me key.