Mark 2:5 - MEY HAYNA WAYNA MA YEZU KRISTE MA MEVEY

⁵ Andza Yezu ma nəkada me pey 'ar ata na, ŋga ma ləvar a ndaw a hana ma mbara vaw ana: «Dem a ɗaw, meŋgəsey ɗek hay, ma sa yam ahiya ba.»

Mark 2:5 Iomraidhean Croise

Matiyew 9:2

Arka ma zəgəmərawa ndaw ana daha ma mbara vaw aha, ta merdek aha. Andza Yezu ma nəkada me pey 'ar ata na na, ŋga ma ləvar a ndaw a hana ma mbara vaw ana: «Tete dem a ɗaw, meŋgəsey ɗek hay ma sa yam ahiya ba.»

Matiyew 9:22

Ama Yezu me mbəɗey dey, ma nəkada, me ləvey: «Tete dem a ɗaw, me pey 'ar eɗek ka buwaka ba.» Deŋe ka slam ana hana tsana, ŋgwas ana me ndeley.

Matiyew 9:5

Ger aha da huɗa na, na waray? Me ləvey: ‹meŋgəsey ɗek hay ma sa yam ahiya ba na tsukuɗu›, mala me ləvey: ‹lətsey heley ana ɗaw›?

Mark 2:6

Ndaw me sesəkey Mewey hay daha nekəɗey, ka slam ana, ma dzalam da 'ar ata:

Mark 5:34

Ama ŋga ma ləvar: «Dem a ɗaw, me pey 'ar eɗek ka buwa ka ba, daway da zoy, dzedzey ɗek a neney ka ndalafaka.»

Mey Hayna Wayna ma Bay Yezu Kriste Luk 5:20

Ŋga ma nəkada me pey 'ar ata na na, ŋga me ləvey: «Meŋgəsey ɗek hay ma sa yam ahiya ba.»

Mey Hayna Wayna ma Bay Yezu Kriste Luk 8:48

Arka ŋga ma ləvar: «Dem a ɗaw, me pey 'ar eɗek ka buwaka ba, daway da zoy.»

Mey Hayna Wayna ma Yezu Kriste Zaŋ 2:25

Arka ŋga na a wuɗey ndaw ka kar seydewe ma ndaw tizlay, hərway ma mey na, a səradata mevel ma ndaw hay.

Mey Hayna Wayna ma Yezu Kriste Zaŋ 5:14

A dəba na, andza Yezu ma ndzafa da 'Ay me key Kuley na, ma ləvar: «Ekəɗey na vaw ɗek salaŋ salaŋ ka dəba, ka da ŋgəsey sazlay zləna, a da kaka na a fəna satsa.»

Mber 11:23

Andza ŋga ma nəkada hahaya ma Bay ma Bəla, a key aha mber da huɗa na, a mbafa bəza kakay, ŋga ma həladatara bəzay ma ka zəgam har ka Bay’ərlam na, ta mevel ata dzay.

Mber 14:9

Pas asləta andza a pey aha sləmay ka Pol a tsey aha guma na, Pol ma zazəra, ŋga ma nəkada 'ar aŋga me pey na, a slafa ma buwa tata.

Mber 5:31

Na Bay ma Bəla ma tsakafada ta har zəmay ŋga, ma paha Bay aha, Ndaw me buwey aha, ma vəlatar me mbəɗey mendzey a Israyel ta me sey yam ka meŋgəsey hay.

1 Korintieŋ 11:30

Nəkafama ndaw dzedzey ahiya ta ndaw ma təra hiya haɗadzidzay, sa na hay ma mətsa hiya da walaŋ a kwar na, hərwuiya.

2 Korintieŋ 2:10

Ndaw ana andza kuray ka safama yam ba na na, i safa tey! Arka kendzey i ka safa yam ba na, kendzey kassla ma i ka safa yam ana təŋga na, ma ka ha na ma kwar, ka slam dey ma Kriste,

Efeziyeŋ 2:8

Akwa a da buwəmakwar na, kuse ma hahaya ŋga ta gwedey ma me pey 'ar, kuray ka kam təke mekelehe kava dakay, na ŋga na na, tek ma Bay ma Bəla ma vəlawa ma hayaha na.

Kolosieŋ 3:13

Äəsam vaw ka 'ar vaw kwar ana hay, kendzey ndaw asləta tek ka həladata ba ka vaw ta ndaw naŋgar na, sam yam ka vaw ka 'ar vaw kwar ana hay, andza ma Bay’ərlam ma safakwar yam ana, kuray ana tiyatsa na, kam andza ha tey.

Ɗeriwel ma Zak 5:15

Ma ɗula mey ma me pey 'ar na, a da buwa ndaw a hana vaw ma tsafa na. Bay’ərlam a da lətsadərawa, haɗaw meŋgəsey ŋga daha na, a da safama yam.