Mark 16:16 - MEY HAYNA WAYNA MA YEZU KRISTE MA MEVEY

¹⁶ Haɗaw ndaw ana ka pey 'ar ba, ka dzuhəɓadama ba na, a da buwama. Ndaw ana ka pey 'ar kakay tey na, a da dzuwama.

Mark 16:16 Iomraidhean Croise

Matiyew 28:19

Arka tok na: dawam ka ndaw ma dala hay tabiyaha na, təradəmata gawla ɗaw ahiya, dzuhəɓadəmata ta mezəley ma Baba, ta Bəzey ana, ta Mesəfrey Kokwoɗ ana.

Mark 1:15

«Har ana ka ndesley tsay, Slala ma Bay'ərlam ka gurawa tsay. Mbəɗadama mendzey kwar, pam 'ar ka Mey Wayna.»

Mey Hayna Wayna ma Bay Yezu Kriste Luk 8:12

Na ma kuyam ka tsəveɗ ana hay na, ndaw na ma tsənada na hay, amana Setene a sawa a badərawa guma na ba da mevel ata, a wesey na, a da pam 'ar na, tsefe a da buwəmata ba.

Mey Hayna Wayna ma Yezu Kriste Zaŋ 20:31

A windəmatərawa neney hay na, ma aza kuray ka pam 'ar Yezu na Kriste, Bəzey ma Bay ma Bəla, ma aza da me pey 'ar a kwar na, ha da ndzafam mendzey da mezəley ŋga.

Mey Hayna Wayna ma Yezu Kriste Zaŋ 3:36

Ndaw me pey 'ar ka Bəzey ana na, a da ndzefey mendzey me ndəvey kakay ana. Ndaw me wuɗey me pey 'ar ka bəzey ana kakay na, a da nəkada ha mendzey kakay, ama mevel ma Bay ma Bəla ma tsar ana na, a da ndzey ka 'ar aŋga.»

Mey Hayna Wayna ma Yezu Kriste Zaŋ 3:5

Yezu ma mbəɗar kava: «Dərka dərka na i ləvaka: haɗaw ndaw ana ka yadəmərawa da yam ta Mesəfrey kakay na, a slafa me fuləkwey a Slala ma Bay'ərlam kakay.

Mey Hayna Wayna ma Yezu Kriste Zaŋ 5:24

Dərka dərka na i ləvakwar, ndaw ana me pey sləmay ka guma ɗaw, me pey 'ar ka Ndaw ma sləradiyawa na na, a da ndzefey mendzey me ndəvey kakay ana; ŋga na a daw ka slam ma sariya tikay, hərway ŋga na, ka tesey ba da memətsey a mendzey ma ndəvey akay ana.

Mey Hayna Wayna ma Yezu Kriste Zaŋ 6:29

Yezu ma mbəɗatar kava: «Mber ma Bay ma Bəla na, me pey 'ar ka Ndaw ŋga ma sləradərawa na.»

Mey Hayna Wayna ma Yezu Kriste Zaŋ 6:35

Yezu ma ləvatar: «Peŋ ma mendzey ana na, yah ana, ndaw ma sawa ka tsakay ɗaw na, may a da tsafa ha kakay. Ndaw me pey 'ar ka yah na, ɗaɗa yam a da harta ha kakay.

Mey Hayna Wayna ma Yezu Kriste Zaŋ 6:40

Akwa Baba ɗaw a wuɗey na andza ha tok, kwa way way ma nəkada Bəzey ana, me pey 'ar ka ŋga na, a ndzefey mendzey me ndəvey kakay ana; arka yah tey na i da mbəladərawa ta pas madakwaydok ana.»

Mey Hayna Wayna ma Yezu Kriste Zaŋ 8:24

Ka vəday, i ləvakwar ka da mətsam da meŋgəsey kwar hay na, hərwuiya. Akwa haɗaw kuray ka təɓama ka mevel a kwar yah na, ‹Yah daha› kakay na, na ŋga na na ka da mətsam na da meŋgəsey kwar.»

Mber 10:43

Ndaw sek hay a kəmawa seydewe andza neney na ka ŋga: «Me sey yam ka meŋgəsey hay na, ma vəla ha na da Mezəley ŋga, kwa way way me pey 'ar ka ŋga na.»

Mber 13:39

ma vəladatara a ndaw me pey 'ar ka ŋga na hay tabiyaha na Yezu.

Mber 13:46

Andza Pol ta Barnabas ma sadama mevel ma ləvəmatar: «Akwa təɗe na, a da ɓadəmakwar guma ma Bay ma Bəla ka mey na a kuray, amana, kuray ka mbəɗamar dəba ba a guma na, kuray ka nəkafama ba ka vaw kwar haya hiya, ɗa me ndzefey mendzey me ndəvey kakay ana kakay sana, kəɗey na la mbəɗam dey tek ala a 'ay ndaw na Zuif ahiya kakay ana hay.

Mber 2:38

Piyer ma mbəɗatar kava: «Mbəɗadama mendzey kwar; kwa way way da walaŋ a kwar ka ndzefey medzuhəɓey de mezəley ma Yezu Kriste, ma ndzafada amboh ka meŋgəsey ŋga hay, arka na, ka da ndzafam tek ma hayaha ma Mesəfrey Kokwoɗ ana.

Mber 2:41

Ndaw ma təɓama guma ŋga na hay na, ma dzafam me dzuhəɓey, arka ta pas ana ŋga na na, a key ndaw gabal makar me dzəmey a dey ta.

Mber 22:16

Ka rey ləma ka mey sa mey? Ndzefey me dzuhəɓey bəse, bəzləma meŋgəsey ɗek hay ba ta ma zəla mezəley ŋga.›

Romeŋ 3:6

Dey ta kava a'ay, hərway azlakwa Bay ma Bəla a da ka sariya ma bəla na teŋgey?

Romeŋ 4:24

Ama na ŋga lakwa tiyatsa, lakwa neney ma pakwama ’ar ka Ndaw ma mbəladərawa Yezu Bay’ərlam a lakwa, da walaŋ ma ndaw ma mətsa na hay ana a da mbəsladəmandakwar tey.

2 Tesalonisieŋ 1:8

da 'erneh ma waw ma da madatara gandaf ma ndaw ma səradama Bay ma Bəla kakay ana hay, ta na ma tsənamar sləmay a Mey Wayna ma Bay’ərlam a lakwa Yezu kakay ana hay.

2 Tesalonisieŋ 2:12

Kəɗey na, ndaw me pey 'ar ka dərka kakay ana hay tabiyaha, ama ma zəgam tsəveɗ ma dzerey kakay ana hay na, a da kadəmatara sariya ta na.

1 Piyer 1:21

Ta Kriste na, ka pam 'ar ka Bay ma Bəla, na ma mbəladərawa da walaŋ ma ndaw ma mətsa na hay, arka ma vəlar maram, ha me pey 'ar a kwar, ta me pey dey kwar ma pa ha na ka Bay ma Bəla na.

1 Piyer 3:21

Na ŋga na na, mey ’ərdey ma me dzuhəɓey ma buwakwar ekəɗey ana: ŋga na me bəzləmey luweɗ ma slaw vaw dada kakay, amana, ma vəladara vaw ŋga a Bay ma Bəla, da me dzeley 'ar hayna; a buwakwar ta ma mbəlawa ma Yezu Kriste,

Apokalis 20:15

Kwa way way ka ndzafama mezəley ŋga ma winda ha da ɗeriwel ma mendzey kakay na, a pamar teker a bəlay ma waw ana.

Apokalis 21:8

Ama ndaw zluwer ana hay, ndaw me mbəɗey sler a guma ta na hay, ndaw me key tek haya kakay kambəlaɓa na hay, ndaw me kəɗey ndaw vagay ana hay, ndaw me ney ta ndaw hay so ha na hay, ndaw me key hila hay, ndaw ma nəmatar dəba a ’ərlam ndəraya ta har ana hay, ndaw maləwaɗay ana hay tabiyaha na. Mala ma ta ma vəla ha na, da bəlay ma waw ta burəhway me dəlɓey ndaw ana. Ma ndaw ana ŋga na hay na, memətsey me tsetsew ana.»