Mark 13:9 - MEY HAYNA WAYNA MA YEZU KRISTE MA MEVEY

⁹ Hayna, wam daw ka vaw, a da mbəkafəmakwar har a har ma ndaw ma sariya hay ta ndaw ma 'ay me ɗuley mey hay. A da daɗakəmakwar me kəɗey. A da dadəmakwar ka 'ərdey ma guverner hay, ta bay ma dala hay, hərway ɗaw. Ka da təratar na seydewe ta ha.

Mark 13:9 Iomraidhean Croise

Matiyew 5:22

Ama yah ekəɗey, i ləvakwar: Kwa way way ma kafa mevel ka malam aŋga tsana, a zəgama ka slam ma sariya; kwa way way ma ləvar a malam aŋga: ‹kah na dəla ha na›, a zəgama ka slam ma sariya ɗuhwaha. Ndaw ma ləvar a malam aŋga: ‹'ar me mbəɗey na›, kassla ma dada a waw ma laɓaha na.

Mark 1:44

Yezu ma ləvar: «Daway, ka da ɓadara a ndaw zlay, amana, daw da ɓadara vaw a baba me key kuley, vəlada tek ma bəzləmey vaw ɗek ana andza ma Moyiz me ləvey ana, aza ka da təratar seydewe ta ha»

Mark 13:5

Yezu ma zlar, ma ləvatar: «Wam daw ka vaw, ma ndaw ka da zləgadakwar zlay.

Mark 13:8

Ndaw ma dala ta ndaw ma dala naŋgar a da vəzam ka vaw, Slala ta slala naŋgar a da vəzam ka vaw. Da slam hay gəle gəle dala a da dederey, may a da key; na ŋga na na, me zley me ndelemey ma ŋgwas da zləbeŋ.

Mark 6:11

Haɗaw andza da wuraw ana a wuɗam ma ŋgələmakwar kakay, a pafəmakwar sləmay kakay na, bəmawa ba, bəzləmama burhway ma wuraw ana ba, ka sek a kwar; aza a da təratar seydewe ta ha.»

Mey Hayna Wayna ma Bay Yezu Kriste Luk 9:5

Kendzey ka ŋgələmakwar da wuraw ana kakay na, ka da bəma ha tek a kwar da wuraw ana na, bazləmama burhway ma wuraw ana ba ka sek a kwar, ma aza ka da təratar seydewe ma malay ta ha.»

Mey Hayna Wayna ma Yezu Kriste Zaŋ 15:20

Sərafama ka bəzay ma guma ɗaw i ma tsukurawa na: «Gawla ma 'ay na, a fəna bay ma 'ay ŋga kakay.» Haɗaw ka kadəmaya tatakoy ba na, a da kadəmakwar tiyatsa. Haɗaw ka tsənəmiyawa sləmay ba a guma ɗaw na, a da tsənəmakwar sləmay tiyatsa.

Mey Hayna Wayna ma Yezu Kriste Zaŋ 16:2

A da parzləmukurawa ba da 'ay me ɗuley mey hay, a fəna satsa na, har ana a slawa ha, ndaw ma da zəɗadakwar 'ar ana na, a da dzeley na, andza a kar kuley a Bay ma Bəla.

Mber 21:11

Ma daɓa ma ndzafandar na, ŋga ma zəga kanda ma Pol, ma dzuwada sek ta har aha, arka me ləvey: «Nəkafama Mesəfrey Kokwoɗ ana a ləvey na: ndaw ma kanda neney ana na, Zuif hay da Zeruzalem a da dzuwama andza neney, a da vəladəmatara a har ma ndaw Zuif ahiya kakay ana hay.

Mber 7:54

Guma neney a ndalatar a ndaw ma pafama sləmay ana hay, a pəɗafama sler ma seweɗ ka Etiyen.

Mber 9:16

Akwa na, yah ana ta ’ar ɗaw ana i da ɓadara tsetseh aŋga na ma da key hərway ma Mezəley ɗaw ana.»

Filipieŋ 1:29

Hərway ka kakwar hahaya ba kavəday ma Kriste, ama da me pey'ar ka ŋga dada tsa kakay, ama satsa na, da me key tsetseh hərway ŋga,

2 Tesalonisieŋ 1:5

Ma ka hiya na ɗerre zeheɗ ma sariya ma Bay ma Bəla, tek ata ma wuɗam ana na, ma təradakwar ɗa ndaw ahiya ma Slala ma Bay'ərlam, na kuray ma sam banay hərwuiya na.

2 Zaŋ 1:8

Wam daw ka vaw ka 'ar vaw kwar ana hay, ma kuray ka da zəɗadama tek ma merɓey ma meslərey kwar zlay, ama kuray ka da ndzafam na masa ɗuhwa ha dzay.

Apokalis 1:9

Yah Zaŋ malam a kwar, mandala kwar da suwet, da Slala ma Bay’ərlam sa tsa, da matanduroŋ da Yezu, i ma ndza ha da dala ma ɗawala ha ta yam ana da Patmos, kavəday ma guma ma Bay ma Bəla ta me key seydewe ma Yezu.

Apokalis 2:10

Ka banay ɗek ma da key ana na, ka da wesey zlay: nəkafa Sataŋ a da kuyey ndaw hay da walaŋ a kwar a daŋgay, ma aza ka həlafakwar suwet, da dəvaɗ kurow na a həlafəmaka suwet. Tsəney sləmay kasl a memətsey, i da vahaka ’ar ta mendzey hayna.

Apokalis 2:13

I sərada ha slam a ɗek ana kah ma ndza ha da huɗa na: Koriwal ma Sataŋ ŋga da huɗa. Ama kah ma ndza ha ma tapa ha ka mezəley ɗaw, kah ka mbəɗar mey a me pey 'ar eɗek ka yah kakay, kwa andza ta pas ma Antipas, ndaw seydewe ɗaw me mbəɗey sler kakay ana, ma kəɗama vagay aha da 'ay kwar, slam ana ŋga na na Sataŋ ma ndza ha da huɗa na.