Mark 12:9 - MEY HAYNA WAYNA MA YEZU KRISTE MA MEVEY

⁹ Bay ma ley ma viŋe ana, a da kadata na, teŋgey? Ka da sawa ba na, a da kəɗata ndaw ma kam mber ana hay ba vagay ahiya, arka a da vəladatara ley ma viŋe ana, a har ma ndaw mekele hiya.

Mark 12:9 Iomraidhean Croise

Matiyew 12:45

Arka a daway a ŋgəlawa mesəfrey mekele ahiya tsəla haya ahiya kakay a fənama ŋga sa. Ma fuləkwam, ma ndzam da huɗa. Arka na tek ma ndaw ana hana a zakafa a fəna na tsəfəmey ana. A da key andza ha satsa, ka ndaw ma bəla neney haya hiya kakay ana hay na.»

Matiyew 21:34

Andza a wurawa kassla ka har me ŋgəley bəzey ma vəɗe ma tek ana hay na, ŋga me slərey gawla ŋga hay, ka tsakay ma ndaw ma kam mber ana hay, ma ka həladəmara bəzey ma vəɗe ma tek ana hay ma kəla ma ŋga na.

Matiyew 21:43

I ləvakwar ekəɗey satsa na, a da zəgafəmakwar Slala ma Bay'ərlam ba, a da vəladara a səkway mekelehe, a da yey bəzey.

Matiyew 22:7

A ndalar a bay ɗuhwa na bəza kakay. Ŋga me slərey sidzew aŋga hay, ma da kəɗəmatərawa ndaw ana hana seweɗ ana hay, ma ka kakəradəmatərawa wuraw ata na ba.

Mark 12:10

Kuray ka dzaŋgama bəzay ma guma neney, da Mewindey Kokwoɗ ana hay na, tikay, ɗaw? Ŋgwa aŋga na ndaw me zley 'ay hay ma kəladama ba na na, ma da tərey ŋgwa ma talkomere ma 'ay ana na ŋga ha.

Mark 12:8

Taya na ma zəgama, ma kəɗama ba vagay aha, ma kəladərawa ba da ley ma viŋe ana, a bəla.

Mey Hayna Wayna ma Bay Yezu Kriste Luk 19:27

Arka ma ndaw dugwan a ɗaw hay tey na, ndaw aŋga na ma wuɗam i ka wata zlay ana hay na, hələmatərawa ka sləna, sləmatara ɗay ba ma dey ɗaw ana.»

Romeŋ 10:20

Ezayi me tsey ha fəna sa: «Ma da ndzafaya na, ndaw ma səpaya kakay ana hay. I ma ɓatar waw na, a ndaw ma tsəhafəmaya tek kakay ana hay.»