Mark 12:7 - MEY HAYNA WAYNA MA YEZU KRISTE MA MEVEY

⁷ Ama ndaw ma kam mber da ley ana hay, ma ləvam ka 'ar vaw ta na: ‹Neney na ndaw ma da zəmey 'ay ana. Səmawa! Kəɗakwa ba vagay aha na, aza i da zəmakwa.›

Mark 12:7 Iomraidhean Croise

Matiyew 2:16

Arka andza Erod ma nəkada ndaw ma zazərey wurzla a ŋga na hay ka pətənama ba na, mevel ma tsar kambəlaɓa, ŋga me slərey ka da sləmata wawa hay ba da Betlehem ta sa ma dala ŋga na sa na hay tabiya ha, mendzey ma wawa hay tabiya ha kasl ka mevey tsew, zla da har ma ndaw ma zazərey wurzla hay ma ɓadəmara na.

Matiyew 21:34

Andza a wurawa kassla ka har me ŋgəley bəzey ma vəɗe ma tek ana hay na, ŋga me slərey gawla ŋga hay, ka tsakay ma ndaw ma kam mber ana hay, ma ka həladəmara bəzey ma vəɗe ma tek ana hay ma kəla ma ŋga na.

Mark 12:12

A səpama ma da zəgama, amana a wasam ta ndaw ma kusa hiya na hay. A səradama dey ta kava, a tsey bəzay ma guma neney ma mala ha ta meley ana, ka taya. Arka taya ma mbəkadəmata, ma dawam tek ata.

Mark 12:6

A da zərawa a ndaw ana na, bəzey ma mey 'ərev aŋga na, dada. Ŋga ma slərada ka tsakay ta, dok da dəba, ta me ləvey aha: ‹Bəzey ɗaw dada na, a da ɗəmar aha ndaw ba.›

Mark 12:8

Taya na ma zəgama, ma kəɗama ba vagay aha, ma kəladərawa ba da ley ma viŋe ana, a bəla.

Mber 2:23

ndaw aŋga na andza Bay ma Bəla ma dzalərawa zla ka vaw, ta ndaraw aŋga na ma slafa ma sərada, tek ma da key ka mey ana na, kuray ma mbəkafama har a har ma ndaw hay, kuray ma zəɗadəmara 'ar ba ta ma daradama ka 'ar ma tuwaw, ta har ma ndaw ma ŋgəsa na hay.

Mber 5:28

Taya ma ləvəmatar: «La ka təkəmakwar ba haya hayaha, ma tatəkadatara mezəley ana ŋga na a ndaw hay sana, ama ekəɗey kuray na, ma rəhadama Zeruzalem ta me tetəkey kwar a neney na; ka wuɗam na, mambaz ma ndaw ana ka mawa ka 'ar ala ɗaw?»

Mber 7:52

Baba kwar hay a kam tatakway kakay na, ta ndaw sek waray? Kwa ndaw ma tələkadama mey ta ma da sawa ma Ndaw dzerey ana tekeɗe na, taya ka kaɗəmata ba vagay ahiya, Ndaw a neney dzerey ana, kuray ma haɗəkadama, ma kəɗama ba vagay aha na.

Ebrew 1:2

da har madakwaydok a neney lakwa kava neney na, ka tsandukurawa guma ba a lakwa neney da Bəzey ana daha, ŋga ma pada bəzey me zəmey zleley hay tabiyaha, ta har aŋga satsa na, ŋga ma kərawa bəla tabiyaha.