Mark 12:6 - MEY HAYNA WAYNA MA YEZU KRISTE MA MEVEY

⁶ A da zərawa a ndaw ana na, bəzey ma mey 'ərev aŋga na, dada. Ŋga ma slərada ka tsakay ta, dok da dəba, ta me ləvey aha: ‹Bəzey ɗaw dada na, a da ɗəmar aha ndaw ba.›

Mark 12:6 Iomraidhean Croise

Matiyew 1:23

Nəkafama, bəzey a da təɗar a vaw a dem slaw aha, a da yawa wawa, a da pafama mezəley ŋga na na, Emanuwel, ka ləva na «Bay ma Bəla ta lakwa».

Matiyew 11:27

Tek hay tabiyaha ma vəladiyawa na Baba ɗaw. Ndaw ma sərada Bəzey ana na way na, dakay, sey Baba na dada. Ndaw ma sərada Baba na na way na, dakay, sey Bəzey ana dada. Dakay na, sey ndaw ana ŋga na, Bəzey ana me wuɗey ma ɓadara na.

Matiyew 17:5

Andza a tsey aha guma mba na, pazlay a wezley dey ma sahətata. Da dey ma pazlay ana na, vəɗe ma ɗay ma tsənawa da ɗəma: «Neney na Bəzey ma mey 'ərev a ɗaw, i ma wala na, ma daya 'ar na ŋga. Tsənamar sləmay!»

Matiyew 26:63

Ama Yezu na, tete təŋga. Baba ɗuhwa na me key kuley ana, ma ləvar: «I mbəɗaka ta Bay ma bəla ta dey ana, aŋga ɓadandar ɗagay, haɗaw kah na Ndaw ma vahara 'ar ana, Bəzey ma Bay ma bəla na»

Matiyew 3:17

Arka Vəɗe ma ɗay ma tsənawa da 'ərlam a ləvey: «Neney na Bəzey ma mey 'ərev a ɗaw, ma daya 'ar na ŋga, i ma wala na.»

Mark 1:11

Vəɗe ma ɗay ma tsənawa da 'ərlam: «Kah na Bəzey ma mey 'ərev aɗaw, i da walaka na, hərway kah, ka daya 'ar ba.»

Mark 12:5

Ŋga ma kəlawa gawla mekelehe sa na, taya na, ma kəɗəma ba vagay aha. Arka sa, ma slərawa mekele hiya haɗadzidzay na, ma kəɗəmata sa na hay, sa na hay na, ma kəɗəmata ba vagay ahiya.

Mark 12:7

Ama ndaw ma kam mber da ley ana hay, ma ləvam ka 'ar vaw ta na: ‹Neney na ndaw ma da zəmey 'ay ana. Səmawa! Kəɗakwa ba vagay aha na, aza i da zəmakwa.›

Mark 9:7

Pazlay ma sawa ma sahətata, arka vəɗe ma ɗay ma tsənawa da pazlay ana: «Neney na, Bəzey ɗaw ma wuɗa haɗa na, tsənamar sləmay.»

Mey Hayna Wayna ma Bay Yezu Kriste Luk 3:22

Mesəfrey Kokwoɗ ana ma harɗawa ka Yezu, a nəkey ta vaw aha andza hwoɗəgwam. Arka vəɗe ma ɗay ma tsənawa da 'ərlam: «Kah na Bəzey ɗaw, zla teseɗey na i ka yadəkawa ba.»

Mey Hayna Wayna ma Bay Yezu Kriste Luk 9:35

Arka vəɗe ma ɗay ma tsənawa da pazlay a hana me ləvey: «Neney na Bəzey ɗaw, na i ma gaɗəma na, tsənamar sləmay!»

Mey Hayna Wayna ma Yezu Kriste Zaŋ 1:14

Arka na, Ndaw ana Mey ma Bay ma Bəla ana na, a da tərey na ndaw aha, ŋga ka ndzey ba da walaŋ a lakwa. La ka nəkadama maram aŋga ba, maram aŋga na na, Bəzey malay ana, ma rəha ha ta hahaya ta dərka, a ndzafərawa da har ma Baba.

Mey Hayna Wayna ma Yezu Kriste Zaŋ 1:18

Ɗaɗa ndaw ka nəkada Bay ma Bəla ta dey ŋga na dakay, Bay’ərlam Bəzey malay ana, ma ndza ha da Baba ŋga na, ma ɓadandukurawa na ŋga.

Mey Hayna Wayna ma Yezu Kriste Zaŋ 1:34

I na, i ka nəkada ba ta dey ɗaw. I key seydewe ŋga na, ŋga na Bəzey ma Bay ma Bəla.»

Mey Hayna Wayna ma Yezu Kriste Zaŋ 1:49

Natanayel me mbəɗey kava: «Rabi, kah na Bəzey ma Bay ma Bəla, kah na Bay ma Israyel!»

Mey Hayna Wayna ma Yezu Kriste Zaŋ 3:35

Baba na a wuɗa Bəzey, ka vəladara tek hay ba tabiyaha a har aŋga.

Mey Hayna Wayna ma Yezu Kriste Zaŋ 5:23

ma aza ndaw hay tabiyaha ka hasəkadəmara bəzay a Bəzey, andza na ma hasəkadəmara bəzay a Baba na. Ndaw ana ka hasəkadara bəzay a Bəzey kakay na, ka hasəkadara bəzay a Baba, ma sləradərawa na kakay tiyatsa.

Ebrew 1:6

Dzadzak tok na, andza ŋga ma ɓada marakway ŋga ka bəla tok na, ŋga me ləvey: «Hayna madurlam ma Bay ma Bəla hay tabiyaha ka gərdam ka namar dəba.»

1 Zaŋ 4:9

Nəkafama ma wuɗa vaw ma Bay ma Bəla a da ɓawa vaw da walaŋ a lakwa na andza neney: Bay ma Bəla ma sləradərawa Bəzey ŋga malay aha ka bəla, ma aza lakwa ka da səfərakwama ta ŋga.

3 Zaŋ 1:1

Ndaw ma səka na, a Gaius, na i ma wuɗa haɗa na, na i ma wuɗa da waw me nəkey dey ma dərka na.