Mark 12:2 - MEY HAYNA WAYNA MA YEZU KRISTE MA MEVEY

² Arka na, andza har ana ma slawa na, ŋga ma slərawa gawla ma 'ay ŋga, ka tsakay ma ndaw ma kam mber da ley ana hay, ma ka vəlamar bəzey ma viŋe ana ma kəla ma ŋga na.

Mark 12:2 Iomraidhean Croise

Matiyew 21:34

Andza a wurawa kassla ka har me ŋgəley bəzey ma vəɗe ma tek ana hay na, ŋga me slərey gawla ŋga hay, ka tsakay ma ndaw ma kam mber ana hay, ma ka həladəmara bəzey ma vəɗe ma tek ana hay ma kəla ma ŋga na.

Mark 12:1

Arka, Yezu ma zlar ma tsatar guma, ta bəzay ma guma ma mala ha ta meley ana hay: «Ndaw ana daha me rəvey viŋe a ley ŋga, ma zla zleɗ ana ba, me dzurey kulok ma ɗətsey, me zley slam tsaŋ ma dzaɗada ley ana; arka ma vəladatara a har ma ndaw ma mber ana hay. Arka na, ŋga ma daway təŋga.

Mark 12:3

Ndaw ma kam mber da ley ana hay, ma zəgama gawla na hana, ma kəɗama, ma kəladama, ma daw har kənaha.

Mey Hayna Wayna ma Bay Yezu Kriste Luk 12:48

Ndaw na ma sərada tek ma bay ŋga me wuɗey ka kama andza ha kakay ana na, kwa ka key tek ba akwa a da kəɗama kava na, a da ndzefey me kəɗey na, nekəɗey dada. Ka vəlamar tek ba a ndaw ana haɗadzidzay na, a da tsəhafama haɗadzidzay tey; ka pamar tek ba a har ma ndaw ana haɗadzidzay na, a da təɓama na haɗadzidzay tiyatsa.

Mey Hayna Wayna ma Bay Yezu Kriste Luk 20:10

Andza har ana ma slawa na, ŋga me slərey gawla ma 'ay ŋga asləta ma ka hələmərawa bəzey ma viŋe ana ma kəla ma la ma ŋga ba. Ama ndaw ma kam mber ana hay, ma kəɗəmərawa gawla ŋga na hana, haya haya, arka ma harəmərawa har kəna ha.

Ebrew 1:1

Zlezle na, Bay ma Bəla ka tsatərawa guma ba a baba lakwa hay, dey haɗadzidzay ta ndaraw gəle gəle, ta huɗa mey ma ndaw sek hay, arka Bay ma Bəla,