Mark 12:1 - MEY HAYNA WAYNA MA YEZU KRISTE MA MEVEY

¹ Arka, Yezu ma zlar ma tsatar guma, ta bəzay ma guma ma mala ha ta meley ana hay: «Ndaw ana daha me rəvey viŋe a ley ŋga, ma zla zleɗ ana ba, me dzurey kulok ma ɗətsey, me zley slam tsaŋ ma dzaɗada ley ana; arka ma vəladatara a har ma ndaw ma mber ana hay. Arka na, ŋga ma daway təŋga.

Mark 12:1 Iomraidhean Croise

Matiyew 13:3

Ŋga ma tsatar ka tek hay haɗadzidzay, ta ma maladatara ta meley. «Nəkafama ndaw me sləkey ma bawa da 'ay ŋga ma da sləkey.

Matiyew 21:28

«Ka ləvam ka guma ɗey na teŋgey? Ndaw ana daha bəzey ŋga hay tsew. Ma gurafa ma ləvar a na tsəfəmey ana: ‹Dem a ɗaw, teseɗey na, daway 'ay dzerne da key mber.›

Matiyew 21:33

Pafama sləmay ka bəzay ma guma ma mala ha ta meley ana mekelehe sa: bay ma ley ana daha, me rəvey viŋe a ley ŋga, zley zley ara zleɗ ana, me ləmey slam ma ɗətsey ŋga na, me zley slam tsaŋ, me nəkey dey ka ley ana; ŋga me həley ndaw hay, ma ka nəkafəmara dey kava; arka ŋga na ma daw təŋga dəreŋ a dzaŋgal.

Matiyew 21:34

Andza a wurawa kassla ka har me ŋgəley bəzey ma vəɗe ma tek ana hay na, ŋga me slərey gawla ŋga hay, ka tsakay ma ndaw ma kam mber ana hay, ma ka həladəmara bəzey ma vəɗe ma tek ana hay ma kəla ma ŋga na.

Matiyew 25:14

Akwa na a da key na, andza ma ndaw ana daha ma daw a dzaŋgal, ŋga ma zəlatərawa gawla ma 'ay ŋga hay, ma vəladatara zleley ŋga a har ata.

Mark 11:33

Arka taya na, ma mbəɗafəmara kava a Yezu: «La səradama kakay.» Arka, Yezu ma ləvatar: «Yah tiyatsa na, i ka tek ana ta gədaŋ aŋgway, ta gədaŋ aŋgway na, i ɓadakwar kakay tiyatsa.»

Mark 13:34

Ma kaha na, andza ma ndaw ma daway a dzaŋgal, ŋga ma gəradatara 'ay ŋga, a har ma gawla ma 'ay ŋga hay, ka wama. Ma wanəkadatara mber hay, kwa way way na, ta mber aŋga ta mber aŋga, ma ləvar a ndaw me hutey mambaw, ka ndzey tsekerkərre.

Mark 3:23

Ŋga ma zəlatərawa, ma tsadatara ta bəzay ma guma neney ma maladatara ta meley ana: «Ɗaɗa Setene a herey Setene tsəla ŋga na, ma mey mey?

Mark 4:2

Ŋga ma tatəkadatara tek hay haɗadzidzay, ta ma maladatara ta tek hay. A ləvatar da me tetəkey ŋga na na:

Mey Hayna Wayna ma Bay Yezu Kriste Luk 15:13

Meney nekəɗey a dəba na, bəzey ana vaw bəza na, ma haɗəkadata tek ana hana hay tabiyaha; me həley vaw, ma daway a wuraw dəreŋ, ma gwasəfada zleley ŋga na hana ba da mendzey salamba ha.

Mey Hayna Wayna ma Bay Yezu Kriste Luk 19:12

Ŋga me ləvey tok: «Bəzey ma bay ana daha me lətsey, ma daway a wuraw dəreŋ, ma ka da vahəmərawa 'ar da ɗəma, arka a dəba na na ka da mawa.

Mey Hayna Wayna ma Bay Yezu Kriste Luk 22:9

Taya ma tsəhafama: «A saka, la ka da tama na, ka waray?»

Mey Hayna Wayna ma Bay Yezu Kriste Luk 8:10

Ŋga ma ləvatar: «Tek na ma kəzla na hay, na ma Slala ma Bay'ərlam na, ma kwar na, ma vəla ha ma kuray ka səradama. Ama a sa ma ndaw sana hay na, a maladəmatara ta tek hay, ma taya ka nəkam dey mandzara ka nəkadama, taya ka dzəkam sləmay mandza ka tsənadama.

Mber 7:38

Da me tsəhey 'ar da palah na, me lətsey da walaŋ ma baba lakwa hay, ta madurlam ma tsərawa guma da mamba ma Sinayi na ŋga, ma təɓərawa guma ma me vəley mendzey, ma da vəladandakwar.