Mark 10:21 - MEY HAYNA WAYNA MA YEZU KRISTE MA MEVEY

²¹ Yezu ma nəkafa na, ma wuɗa, ma ləvar: «Tek asləta ma zarafəkawa daha: daway, haɗəkadata tek eɗek hay ba, vəladatara ba a ndaw mbarga na hay, ka da ndzefey zleley mekelehe da 'ərlam, arka tok na, sawa, səpaya bəzay.»

Mark 10:21 Iomraidhean Croise

Matiyew 16:24

Arka Yezu ma ləvatar a gawla ŋga hay: «Haɗaw ndaw ana a wuɗey ma səpaya bəzay na, ka mbəkada me dzeley 'ar ba ka vaw ŋga na, ka zəga tuwaw aŋga ma gazləlaha na na, ka səpaya bəzay.

Matiyew 19:21

Yezu ma ləvar: «Haɗaw a saka ha tərey kərem hayaha na, daway, haɗəkadata tek eɗek hay, vəladatara a ndaw mbarga na hay, ka da ndzefey zleley da 'ərlam. Arka tok na, sawa, səpaya bəzay!»

Mark 10:22

Andza ndaw ana ma tsənada guma neney na, a mbafa sakay. Arka ŋga ma daway təŋga ta mevel aha, hərway ŋga zleley aha bəza kakay.

Mark 8:34

Arka, ŋga ma zəlatərawa ndaw ma kusa na hay, ta gawla ŋga hay, ma ləvatar: «Haɗaw ndaw ana a wuɗey ma səpaya na, ka mətəkada 'ar ba, ta me dzeley 'ar ka vaw ŋga na, ka zəgey tuwaw aŋga ma gazləlaha na na, ka səpaya bəzay.

Mey Hayna Wayna ma Bay Yezu Kriste Luk 10:42

Tek hayna na ŋga asləta dada; Mariya na ka zəga na hayna ba, ɗaɗa ndaw ma da təɓadara ba na, dakay.»

Mey Hayna Wayna ma Bay Yezu Kriste Luk 12:33

Haɗəkadəmata zleley kwar hay, vəladama sadaka ha, ham bertete na mala me ŋgəsey kakay ana hay; kwarsam zleley na me dedəfey kakay ana hay da 'ərlam. Da huɗa na, kwa mahal a husafa kakay, kwa həraŋ a zəma kakay.

Mey Hayna Wayna ma Bay Yezu Kriste Luk 16:9

Ama, yah ekəɗey i ləvakwar: kam dzam ka vaw ta Sumkwo me zləgey ndaw ana, aza ka slam ana ka da ndəvafakwar ba na, dzam ana hay a da ŋgələmakwar a ’ay mendzey me ndəvey kakay ana.

Mey Hayna Wayna ma Bay Yezu Kriste Luk 18:22

Andza ŋga ma tsənada andza ha na, Yezu ma ləvar: «Tek asləta ma zarafəkawa daha sa: tek a ɗek hay tabiya ha na, haɗəkadata ba, wanəkadatara ba a ndaw mbarga na hay, aza ka da ndzefey zleley da 'ərlam, arka na, sawa səpaya bəzay.»

Mey Hayna Wayna ma Bay Yezu Kriste Luk 19:41

Andza a husey aha a wuraw ana, andza ŋga ma nəkada na, ŋga ma tuwafa.

Mey Hayna Wayna ma Bay Yezu Kriste Luk 9:23

Arka Yezu ma ləvatar tobiya ta ha: «Haɗaw ndaw ana a wuɗey ma səpaya bəzay na, ka mbəɗar mey ba a bay ’ar ma vaw ŋga na, ka zəga tuwaw aŋga ma gazləlaha na ka pas ka pas na, ka səpaya.

Mey Hayna Wayna ma Yezu Kriste Zaŋ 12:26

Haɗaw ndaw a wuɗey ma kaya mber na, ka səpaya bəzay, ka slam a ɗaw i kava na na, gawla ma 'ay ɗaw a da key ŋga kava tey. Haɗaw ndaw a kaya ha mber na, Baba a da vəlar a da hasəkadara bəzay.

Mey Hayna Wayna ma Yezu Kriste Zaŋ 16:33

I tsadakwar a neney na, ma ta yah na, kuray ka da ndzafam zozoy. Da mendzey ma bəla neney na, ka da ndzam da mevel, amana, səmam vaw, i ka zəga 'ar ma sleɗ ba ka bəla.»

Mber 2:45

A haɗəkadəmata ley ta hay ta zleley ta hay, arka sumkwo na na, a wanəkadama tabiyaha ka 'ar vaw ta na, kwa way way a təɓey na, ka tek aŋga me wuɗey.

2 Korintieŋ 12:15

Na ŋga ɗaw na, yah ana me wuɗey, i slafa me zəɗey tek, kwa vaw ɗaw ana, ta 'ar a ɗaw ana kərem hərway kwar, ma vəday ma wuɗakwar a ɗaw haɗa na na, ka da wuɗəmaya sakay na, hərwuiya ɗaw?

2 Timotey 3:12

Akwa na, ndaw ma wuɗam me ndzey da me tsəney sləmay da Kriste Yezu ana hay na a da kadəmata tatakway.

Ebrew 10:34

Akwa na, kuray ka kam viya ba dzaya, andza ndaw da daŋgay ana hay, ma təɓadəmakwar zleley kwar hay ba na, a mbafakwar, hərway ka səradama zleley kwar hayna a fəna sa, me ndzey ana daha.

Ɗeriwel ma Zak 2:10

Akwa na, ma tsənatar sləmay a mewey hay tabiyaha, arka na ma ndzada metsembeɗ ta naŋgar asləta da huɗa na, na ŋga na na, kah ka tsənatar sləmay a sa na hay kakay tabiyaha.

Apokalis 2:14

Amana, tek na i ma da kaka say kava na daha: ndaw hay daha da 'ay ɗek, ma tapa hiya ka me tetəkey ma Balam ma dəhəɗa Balak, ka ŋgafata gendeɗ ka bəzey ma Israyel hay, ma aza ka dahəɗata ka pəɗam slaw ma kuley ma vələmatar a ’ərlam ma ndəra ta har ana hay, arka ana aza ka kam bordel.

Apokalis 2:20

Ama ma mbafaya ka kah kakay na, kah ma wuɗafa dey ka Zezabel, ŋgwas ana ŋga na me ləvey: i ndaw sek aha na, arka tok na, a zləgadata gawla ma 'ay ɗaw hay ba, ma tatəkadata me key bordel, arka me pəɗey slaw ma kuley ma tawalam a ’ərlam ma ndəra ta har ana hay.

Apokalis 2:4

Ama ma daya 'ar kakay ka kah na, ka wuɗaya andza na tsəfəmey ana sakay, kah ka mbəkada ba.