Mark 10:1 - MEY HAYNA WAYNA MA YEZU KRISTE MA MEVEY

¹ Yezu ma daway ba da huɗa na, ŋga ma daway a dala ma Zudey, da diya ma wayaŋ ma Zurdeŋ. Arka tsana, ndaw hay haɗadzidzay ma kusam ka tsakay ŋga. Arka ŋga ma tatəkadata, andza ma ŋga kete na sa.

Mark 10:1 Iomraidhean Croise

Matiyew 26:55

Da har aŋga na na na, Yezu ma ləvatar a ndaw ma kusa hiya na hay: «Kuray ma səmawa ta sleɗ ma tsakay, ta tapay ahiya, andza ma da zəgaɓa katsala. Ka pas ka pas i ma ndza ha da 'Ay me key Kuley, i tatəkadataha ndaw hay na, kuray ka zəgəmaya kakay seŋgey.

Matiyew 4:23

Arka Yezu ma hala dala ma Galiley tabiyaha, a tatəkadata ndaw hay da 'ay me ɗuley mey ta hay, a tələkada mey ta Mey Hayna Wayna ma Slala ma 'ərlam, a ndaladata ndaw dzedzey ana hay tabiya ha, ta ndaw ma təra na hay, da walaŋ ma səkway.

Mark 1:21

Taya ma husam a Kafarnawom, arka ta pas ma mesley tsana, Yezu me fuləkwey a 'ay me ɗuley mey, ma tatəkadata ndaw hay.

Mark 10:2

Fariziyeŋ hay daha, ma gurafama ma ŋgafama gendeɗ. Taya ma tsəhafama: «Mewey lakwa a vəley tsəveɗ me ɓəley ŋgwas ɗaw?.»

Mark 12:35

Arka, Yezu ma zlar ma tatəkadata ndaw hay da 'Ay me key Kuley, ŋga me ləvey: «Ɗagay, ɗaɗa ndaw me sesəkey Mewey hay a ləvam, waya Ndaw ma vaha 'ar ana bəzey ma David na, ma mey mey?

Mark 14:49

I daha ka pas ka pas da walaŋ a kwar da 'Ay me key Kuley, i tatəkadata ha ndaw hay na, kuray ka zəgəmaya kakay. Amana, ma Mewindey Kokwoɗ ana hay ka ndaslam.»

Mark 2:13

Yezu me mey 'ar a mey ma bəlay satsa. Ndaw hay haɗadzidzay ma kusəmawa ka tsakay ŋga, arka ŋga ma tatəkadata.

Mark 4:2

Ŋga ma tatəkadatara tek hay haɗadzidzay, ta ma maladatara ta tek hay. A ləvatar da me tetəkey ŋga na na:

Mark 6:2

Ta pas ma mesley na, ŋga ma tatəkadata ndaw hay da 'ay me ɗuley mey. Ndaw me pey sləmay ana hay haɗadzidzay ma rəzlaya, ma ləvam: «Ɗagay tek ana a sərawa na da may? Ɗagay neney na ma səra ’ar waray ma vəladəmərawa na na, ha ɗeɗew hay a kam ta har aŋga na na?

Mark 6:34

Andza ma hardəmawa ta ba da kombiwal na, Yezu a da nəkey dey na, ndaw hay ma kusa hiya tam tamma. A kamar da vaw a Yezu zləna, hərway a nəkafata na, andza təɓaŋ hay, mandzara ndaw me tsukurey ana kava. Arka ŋga na, ma zlar ma tatəkadatara tek hay haɗadzidzay.

Mark 6:6

Me pey 'ar ata kakay ana na, a rəzla. Yezu ma halata sa ma wuraw a sana hay, ta ma tatəkadata ndaw hay.

Mey Hayna Wayna ma Yezu Kriste Zaŋ 10:40

Arka Yezu ma mey təŋga a diya ma Zurdeŋ, ka slam ma Zaŋ ma zlar me dzuhəɓey ndaw hay kava na, me ndzey təŋga da huɗa.

Mey Hayna Wayna ma Yezu Kriste Zaŋ 11:7

Arka a dəba ŋga na tok na, ŋga ma ləvatar a gawla ŋga hay: «Makwa a Zudey.»

Mey Hayna Wayna ma Yezu Kriste Zaŋ 18:20

Yezu ma mbəɗar kava: «I tsa guma na na, ndar ndar, ka pas ka pas, i tatəkadata ha ndaw hay da 'ay me ɗuley mey hay, da 'Ay me key Kuley, ka slam ma zuif hay ma kusam, ɗaɗa i ka tsey guma ta mahal aha kakay.