Mey Hayna Wayna ma Yezu Kriste Zaŋ 3:3 - MEY HAYNA WAYNA MA YEZU KRISTE MA MEVEY

³ Yezu ma mbəɗar kava: «Dakay na sey a yadəməkawa dey mekelehe zləna, kwa ndaw ma da slafa ma nəkada Slala ma Bay'ərlam na dakay.»

Mey Hayna Wayna ma Yezu Kriste Zaŋ 3:3 Iomraidhean Croise

2 Korintieŋ 5:17

satsa na, haɗaw ndaw ana ŋga ta Kriste na, ma ləma ha ba waya ha. Bəla gurma na na, ma mbəka ha tsoy ta dəba, nəkafama tek ma kaha waya ha, ŋga kəɗey.

1 Zaŋ 3:9

Kwa way way ma ya ha da Bay ma Bəla na, a key meŋgəsey sakay, hərway haləfaw aŋga ma ndza ha da ŋga, arka na a slafa me ŋgəsey sakay, mavəday ŋga ma ya ha da Bay ma Bəla.

1 Zaŋ 5:1

Kwa way way me pey 'ar Yezu na Kriste na, ŋga na ma ya ha da Bay ma Bəla. Arka kwa way way ma wuɗa Bay ma Bəla Baba na, a key na a wuɗa ndaw ana, ŋga na na ma yaha da Bay ma Bəla na.

Ɗeriwel a Tit 3:5

a buwandukurawa na hərway ma mber a lakwa, na lakwa ma kukwama dzerey ahiya na kakay, amana, ka vəday ŋga na, ndaw a kar da vaw. A buwandukurawa na, ta me dzuhəɓey ma ma yawa wayna ma Mesəfrey Kokwoɗ ana me vəley ana.

Mey Hayna Wayna ma Yezu Kriste Zaŋ 1:13

Taya aŋga na ma ya hiya na, ma mambaz kakay, kwa da me wuɗey ma slaw vaw kakay, kwa ma me wuɗey ma ndaw kakay, amana ma Bay ma Bəla.

1 Zaŋ 2:29

Azlakwa ka səradama ha ŋga na dzerey aha sana, hayna səradama, kwa way way me key dzerey tiyatsa na, ma ya ha na da ŋga.

1 Piyer 1:3

Hayna ma sambəra Bay ma Bəla Baba ma Bay’ərlam a lakwa Yezu Kriste, da ndaw aŋga ma kar da vaw bəza kakay ana na, ka yadandukurawa ba mekelehe, ta ma mbəlawa ma Yezu Kriste da walaŋ ma ndaw ma mətsa na hay, ma lakwa ka ndzafakwa me pey dey na me vəley mendzey ana,

Galat 6:15

Hərway kuɗey ma sla ha, ma sla kakay na, tek ɗuhwa ha da huɗa na dakay, ama na, na Bay ma Bəla ma kadandukurawa dey mekelehe na.

1 Zaŋ 5:18

Ka səradakwaha, kwa way way ma yaha da Bay ma bəla na, a ŋgəsey sakay, ama Ndaw na ma yaha da Bay ma Bəla ana na, a da wafa vaw, arka Ndaw hayakakay ana na, slam har aŋga ka ŋga dakay.

2 Korintieŋ 4:4

ma ndaw me pey 'ar kakay na hay, na 'ərlam ma bəla neney ma waləfadatara me sərey tek ata ba, ma aza ka da nəkadama me wuɗey dey ma Mey Wayna ma maram ma Kriste na zlay, ŋga na, mey 'ərdey ma Bay ma Bəla.

Mey Hayna Wayna ma Yezu Kriste Zaŋ 12:40

‹Ŋga ka wuləfadatara dey ta ba, ma təradatara mevel ata ba təɗo təɗo, ma ka nəkadama ta dey ta zlay, ma mevel ata ka sərada tek zlay, ka mbəɗadama mendzey ta zlay, dakay na i ka ndaladata ba!›

Efeziyeŋ 2:1

Arka kuray a neney hay ma mətsam ba hərway ma malay kwar ta meŋgəsey kwar hay,

Mey Hayna Wayna ma Yezu Kriste Zaŋ 1:5

Waw me nəkey dey ana na, a wezley dey da ləvaŋ, amana, ləvaŋ ka sərada kakay.

Ɗeriwel ma Zak 3:17

Ama dzadzak na, ma səra 'ar na ma sawa da 'ərlam ana na tsəfəmey aha na, tsəzlakka, arka a wuɗey zozoy, ləfeɗeɗe ha, a dzəmadata ndaw hay, ndaw a kar da vaw bəza kakay, ma rəha vaw aha ta tek hayna hay, me weley ndaw da huɗa dakay, 'erneh da mey tsew tikay.

Mey Hayna Wayna ma Yezu Kriste Zaŋ 1:51

Arka ŋga me ləvey sa: «Ayaw dərka dərka na i ləvakwar, ka da nəkadama ndasl ma 'ərlam ma wura ha, madurlam ma Bay ma Bəla hay a tsəlam aha a 'ərlam, a harɗəmawa ha ka 'ar ma Bəzey ma Ndaw.»

Matiyew 16:17

Yezu ma mbəɗar kava, ma ləvar: «Kah da wuiya, Simoŋ bəzey ma Zonas, hərway kah ma tsərawa guma neney ana, ma slaw vaw ɗek ta mambaz a ɗək ana kakay, amana Baba ɗaw da 'ərlam, ma ɓadəkawa.

Matiyew 5:18

Hərway i ɓadakwar dərka na, ha aza ka me ndəvey ma ndasl ma 'ərlam ta dala na, kwa tek asləta, kwa tek ketekwəɗey ma da devesey da Mewey na, dakay ha kasl ke me ndəvey ma bəla.

Apokalis 3:14

Windar a madurlam na da Egliz na da Lawdisey ana: Amen ana, Ndaw seydewe me mbəɗey sler a guma ŋga tikay ana, Ndaw dzerey ana, Mezley ma tek ma Bay ma Bəla ma katərawa na hay, a ləvey na andza neney:

Matiyew 19:24

Ayaw, i madakwar sa, ka ləvamar a zlegweme fuləkwey ta veɗ ma batal na, a fuləkwafa ba ka ndaw zleley me fuləkwey a Slala ma Bay'ərlam na.»

Matiyew 21:31

Da walaŋ ata ɗey tsew ana na, ma kadara tek ma baba me wuɗey ana na way?» Taya ma mbəɗamar kava: «Na tsəfəmey ana.» Yezu ma ləvatar: «I ɓadakwar dərka na, ndaw me tsekeley dzaŋgal hay, ta ŋgwas na ma nam ta ndaw hay so na hay, a da ləhafəmakwar ba ka mey, a Slala ma Bay'ərlam.

Mark 9:47

Haɗaw ma dahəɗaka ma zləgadaka na dey ɗek na, tsursla ba: ŋgama kah ka fuləkwey ta dey asləta a Slala ma Bay 'ərlam, ta neney ma da kəladəmaka ta dey ɗek hay tsetsuwe ta hiya a waw ma laɓa ha na na.

Mark 10:14

Andza Yezu ma nəkada na, a ndalar, ŋga ma ləvatar: «Mbəkadəmata wawa hay ka səmawa ka tsakay ɗaw, ka təkəmata zlay, hərway Slala ma Bay'ərlam ma vəla ha na, ma ndaw andza taya neney hay.

Mey Hayna Wayna ma Yezu Kriste Zaŋ 3:4

Nikodem ma ləvar: «Ndaw tsoy maraw aha na, a da yadəmərawa mekelehe na teŋgey seŋgey? Tsukuɗu a slafa me fuləkwey a hwoɗ ma maya dey me tsetsew ana, ma da yadəmərawa sa ɗaw?.»

1 Zaŋ 5:4

haɗaw azlakwa ndaw ma ya hiya da Bay ma Bəla ana hay tabiyaha ka zəgama 'ar ma sleɗ ba ka bəla na. 'Ar ma sleɗ ana ma zəga ha ka bəla na na, me pey 'ar a lakwa.