Filipieŋ 4:9 - MEY HAYNA WAYNA MA YEZU KRISTE MA MEVEY

⁹ Tek a kwar ma tatəkam ka yah, ma ndzafam ka yah, ma tsənadama ka yah, ma nəkadama ka yah, tabiyaha tek a neney hay na, kəmata andza ha. Arka aza Bay ma Bəla ma zozoy a da ndzey ta kuray.

Filipieŋ 4:9 Iomraidhean Croise

Matiyew 1:23

Nəkafama, bəzey a da təɗar a vaw a dem slaw aha, a da yawa wawa, a da pafama mezəley ŋga na na, Emanuwel, ka ləva na «Bay ma Bəla ta lakwa».

Matiyew 28:20

Tatəkadəmatara, ka wafama vaw ka mewey ɗaw na, i ma ɓadakwar ana hay tabiyaha. Yah ana tey na, i daha ta kuray ka pas ka pas aha, kasl ka me ndəvey ma bəla.»

Matiyew 7:21

«Ndaw ma ləvaya: ‹Bay’ərlam Bay’ərlam!› na, ɗa ma fuləkwada a Slala ma ’ərlam kakay, a dafa na, me key tek andza ma Baba ɗaw da 'ərlam me wuɗey ana.

Mey Hayna Wayna ma Bay Yezu Kriste Luk 6:46

«Ɗagay ka zələmaya ‹Bay’ərlam, Bay’ərlam› na, azlakwa ka kəmata tek andza na ŋga ɗaw me ləvey ana sakay na ka mey?

Mey Hayna Wayna ma Bay Yezu Kriste Luk 8:21

Ŋga ma mbəɗatar kava: «May ɗaw ta malam a ɗaw hay na, ndaw na ma dzəkam sləmay ka guma ma Bay ma Bəla, ma kama andza ha na hay.»

Mey Hayna Wayna ma Yezu Kriste Zaŋ 13:17

Kendzey kuray ka səradama tsoy, ka kama ha andza ha na, ka da ndzam da wuiya.

Mey Hayna Wayna ma Yezu Kriste Zaŋ 15:14

Kuray na dzam a ɗaw hay, haɗaw ka kam tek andza na i ma ləvakwar ana na.

Mey Hayna Wayna ma Yezu Kriste Zaŋ 2:5

May ŋga ma ləvatar a gawla ma 'ay hay: «A ləvakwar teŋgey teŋgey na, kama!»

Mber 9:6

Amana, lətsey, fuləkwey a wuraw na, a da ɓadəmaka tek eɗek ana ma da key ana.»

Romeŋ 15:33

Hayna Bay ma Bəla ma zozoy ka ndzey ta kuray tabiyaha. Amen!

Romeŋ 16:20

Bay ma Bəla ma zozoy a da ndarsla ha mazlambar aha Sataŋ da huɗa sek a kwar. Hayna hahaya ma Bay’ərlam a lakwa Yezu ka ndzey ta kuray!

1 Korintieŋ 10:31

Kəɗey tok na, ka key na ka zəmam na tek, ka sam na tek, dakay ka da kam na mey mey na, kama tabiyaha na, ma səmbərada Bay ma Bəla.

1 Korintieŋ 14:33

Hərway Bay ma Bəla na, Bay ma Bəla me key tek zoɗ zoɗ aha na kakay ana, ama ŋga na Bay ma Bəla ma zozoy. Andza na ma kam tabiya ha da Egliz ma ndaw Kokwaɗ ana hay

1 Korintieŋ 4:16

Tek a ɗaw ma tsəhafakwar ekəɗey na, kam na kal kal andza na ŋga ɗaw me key ana.

2 Korintieŋ 13:11

Ekəɗey tok na malam a ɗaw hay, ndzam da wuiya, kam meslərey ma ləmada vaw kwar lele, səmam vaw ka 'ar vaw kwar ana hay, dzəmam ɗay, ndzam da zozoy, arka na, Bay ma Bəla ma ma wuɗa vaw, ma zozoy a da ndzey ta kuray.

Filipieŋ 3:17

Tobiya kwar aha na, tsam dey ka yah malam a ɗaw hay, pam dey na ka ndaw andza ma kam tek, andza na kuray ma ndzafəmaɓa ka la na hay.

Filipieŋ 4:7

Arka na zozoy ma Bay ma Bəla ma fənatara 'ar a tek me sərey hay tabiyaha na na, a da wafata vaw ka mevel a kwar hay ta me dzeley 'ar a kwar hay da Yezu Kriste.

1 Tesalonisieŋ 1:6

Kuray na, kuray ka tsam dey ba ka la ta Bay’ərlam, ha ŋgəlama Guma na ba da viya kambəlaɓa na, ta wuiya ma Mesəfrey Kokwoɗ ana:

1 Tesalonisieŋ 2:14

Akwa na malam a ɗaw hay, ka pam sek na, a slam sek ma Egliz ma Bay ma Bəla da Zudey ana hay da Kriste Yezu, kavəday kuray ana tiyatsa na, kuray ka kam tsetseh ba, da har ma ndaw ma 'ay kwar ana hay, andza ma ta Zuif hay ma kadəmata tsetseh ana tey.

1 Tesalonisieŋ 5:23

Hayna Bay ma Bəla ma zozoy ana ta 'ar aŋga na, ka təradakwar kərem kokwoɗ ahiya, arka aza na, mesəfrey kwar, mezek a kwar, ta tapay ma vaw kwar, ka da ndzam ma wa vaw aya, mandzara meŋgəsey, mandzara me ŋgəley bəzay, ta pas ma da sawa ma Bay’ərlam lakwa Yezu Kriste.

2 Tesalonisieŋ 3:4

Ma kwar na, la səradama ha mambay mambay aha, da mezəley ma Bay’ərlam, tek ala ma tsəmakwar ana hay na, ka kəmata ha, re ka da kəmata ha ba satsa.

2 Timotey 4:22

Bay’ərlam ka ndzey ta mesəfrey ɗek. Hahaya ka ndzey ta kuray tabiyaha.

Ɗeriwel ma Zak 1:22

Ama hayna təram na, ndaw ma kadama mber ta guma na hay, zləna ndaw ana ma dzəkam sləmay ana hay dada, ma da zləgada bay 'ar ma vaw ta na hay kakay.

2 Piyer 1:10

Hərwuiya tok na malam a ɗaw hay, səkadama me key gədaŋ adiya ma səmada ma zəlawa kwar ta ma gaɗəmawa kwar; da me key andza ha na, sek a da hwadakwar aha a me təɗey dakay.

1 Zaŋ 3:22

Arka kendzey i tsəhakwama mey mey na, i da ndzafakwa da har aŋga zləna, hərway i wafukwata ha vaw ka mey ma mewey ŋga hay, arka satsa na, i kakwa ha tek aŋga ma dar 'ar ana.