Filipieŋ 4:8 - MEY HAYNA WAYNA MA YEZU KRISTE MA MEVEY

⁸ Ka sa na na, malam a ɗaw hay, tabiya ha andza na dərka na, na me hesəkey bəzay ana, dzerey ana, tsəzlakka na, təɗe ma wuɗa na, ma sambəra na, na ma zəlamar mendzey hayna na, na təɗe ma sambəra na, tek a neney hay tabiyaha na, ka kam da mendzey kwar.

Filipieŋ 4:8 Iomraidhean Croise

Matiyew 22:16

Taya ma sləram gawla ta hay, ta na Erod hay ma ka tsəhafama: «Miter, la səradama kah na ndaw dzerey aha, ka tatəkadatara a ndaw hay na tsəveɗ ma Bay ma Bəla da dərka na. Ka wesey ta ndaw tikay, hərway ka nəkafata ka ndaw hay na kal kal.

Mark 6:20

hərway Erod a wasada ta Zaŋ, a wafa vaw na, hərway a sərada Zaŋ ana na, ndaw dzerey aha, kokwoɗ aha. Andza a tsar aha guma na, a rəzla. Ama sa tok na, a wuɗey ma pafa sləmay ka guma ŋga na hay.

Mey Hayna Wayna ma Bay Yezu Kriste Luk 16:15

Yezu ma ləvatar: «Ka ɓadama dzerey kwar na ka slam dey ma ndaw hay dada, ama, Bay ma Bəla na, a sərada mevel a kwar. Hərway tek ma tərada ndaw ɗuhwa ha ka slam dey ma ndaw hay ana na, a kar tsatsaŋ a Bay ma Bəla.

Mey Hayna Wayna ma Bay Yezu Kriste Luk 2:25

Arka azlakwa tok na, ndaw ana daha da Zeruzalem, a zəlamar Simeiyoŋ. Ndaw ana na dzerey aha ma ɗamara ’ar aha,, a hutey aha ndaw ma da bədada Israyel ana. Mesəfrey Kokwoɗ ana ŋga ta ŋga.

Mey Hayna Wayna ma Bay Yezu Kriste Luk 23:50

Ndaw ana daha ma sawa, mezəley ŋga na na, Zozef, da walaŋ ma ndaw ma fada ma Zuif hay. Ŋga kokwaɗ aha, dzerey aha

Mey Hayna Wayna ma Yezu Kriste Zaŋ 7:18

Ndaw me tsey guma ma bay 'ar ma vaw ŋga na na, a səpey na maram a vaw ŋga na. Ama ndaw me səpey maram ma Ndaw ma sləradərawa na na, a tsey dərka, kwa maləwaɗay da ŋga na dakay.

Mber 10:22

Taya ma mbəɗamar kava: «Ma sləradandərawa na, Korney, bay ma sidzew hay temere, ndaw dzerey aha, a wesey ta Bay ma Bəla; zuif hay tabiyaha a ləvafama na, waya ŋga na ŋga ndaw haya bəza kakay. Madurlam kokwoɗ ana a ləvar akwa na, ka ŋgələmaka a 'ay ŋga, ma ka da pafəmaka sləmay, ka guma ɗek ma da tsey ka tek ma kawa na hay.»

Mber 22:12

Da huɗa na, ndaw ana daha a zəlamar Ananiyas, ma ɗamara ’ar aha, a tsənar sləmay a mewey, mendzey ŋga ta tek aŋga me key na, a datar 'ar a Zuif hay ma ndza hiya da huɗa na.

Mber 6:3

Haya dzadzak tok na, malam a lakwa hay, səpam ndaw hay tsəla da walaŋ a kwar, ndaw hay ma ɗəmatar ndaw ana hay, ma rəha vaw ahiya ta Mesəfrey, ta ma səra ’ar, la tok na, la vəladəmatara mber ana a har ata.

Romeŋ 13:13

Ndzakwama da mendzey hayna, andza ta wuzla rəpas: mandzara me zəmey tek kambəlaɓa, me sey zom kambəlaɓa, mandzara me ney so, ta me tsəley so, mandzara me tərey vaw ta me ney dey.

Romeŋ 13:3

Akwa na ndaw me key sariya hay na ndaw ma wasadata na hay kakay, haɗaw ka key tek hayna, ama haɗaw kendzey ka key tek haya kakay ana na, ka da wasadata ta ndaw ma ŋgumna hay kakay na teŋgey? Key tek hayna, aza ka da ndzefey na me Səmbərey.

Romeŋ 14:18

Haɗaw ka kadara ha mber ana a Kriste andza neney tok na, i da dakwar 'ar a Bay ma Bəla arka ndaw hay a da ləvam kassla.

Romeŋ 2:29

Ama ma tərada ndaw Zuif aha na, tek ana ma kəzla ha na, ma sley kuɗey na mala ma mevel, na ma bawa da Mesəfrey ana zləna, na ma winda ha ta windey ana kakay. Nəkafa na ŋga na tok na, ndaw a ndzefey ma səmbərey ŋga na, da Bay ma Bəla zləna, da ndaw hay tikay.

1 Korintieŋ 4:5

Akwa na ma har ana ka slawa tsaray kakay na, ka da kam sariya zlay, amba Bay ərlam ka sawa na. A da ɓafata waw ka tek ma kəzla ha da ləvaŋ ana hay, a da ɓada tek na ma kəzla ahiya da mevel ana hay. Arka na kwa way way a da ndzefey mesəmbərey ŋga, kassla ka tek aŋga me key, da har ma Bay ma Bəla.

2 Korintieŋ 13:7

La ɗulamar mey a Bay ma Bəla na, ma kuray ka da kamar tek haya kakay aha kwa asləta zlay, la kam na, la ɓadama suwet ala kakay, ama la wuɗam na, la ka nəkadama ka kam aha tek hayna, ma suwet ana ka nəkey na, ka mawa na, ka la na.

2 Korintieŋ 6:8

da maram ta ma rəsa vaw, a ŋgələmandar bəzay, a tsafəmandar haya kakay aha, a tsafəmandar hayna, a təradəmandar andza ndaw maləwaɗay ahiya, azlakwa zlay la tsam na dərka,

2 Korintieŋ 8:18

La ma sləradəməraɓa ta ŋga, malam ana ŋga na Egliz hay tabiyaha, ma səmbərama, hərway ma Mey Wayna na.

2 Korintieŋ 8:21

La wuɗam me key tek hayna na, ka slam dey ma Bay ma Bəla dada tsa kakay, amana, ka slam dey ma ndaw hay tiyatsa.

Galat 5:22

Ana nəkafama ka mber ma Mesəfrey ma sadərawa na: ma wuɗa vaw, wuiya, zozoy, me zəgey mevel, kokwoɗ, hahaya, me pey 'ar,

Efeziyeŋ 4:25

Nəkafama kuray ka kuiyadama malwaɗay tsoy ka vaw kwar: «Kwa way way ka tsar dərka a ndaw ka tsakay ŋga na», hərway lakwa na mezəvey ma vaw hay, ka 'ar vaw lakwa na.

Efeziyeŋ 5:9

Tek ma bawa da waw me nəkey dey na, a zələmata na: kokwoɗ, dzerey ta dərka.

Efeziyeŋ 6:14

Lətsam tok: dərka na andza kanda me rey a bəzay, dzerey na andza mbal ma me dzəŋgərey ka vaw ana.

Filipieŋ 3:1

Ka sa ma guma hay ŋgey malam a ɗaw hay, kam wuiya da mezəley ma Bay’ərlam. Ma madukuraɓa mewindey guma andza ha na satsa na, a tsaya vaw kakay, ama a kuray na, a makwar 'ərev.

Kolosieŋ 4:5

Hayna səradama me ndzey haya hayaha, ka slam dey ma ndaw kretieŋ ahiya kakay ana hay: yəmam da bəziya.

1 Tesalonisieŋ 4:12

Ma aza da mendzey kwar na, ka slam dey ma ndaw ma 'ar bəla hay na, ka hasəkadəmakwar bəzay, ma kuray ka da ndzam kavəday ma ndaw zlay.

1 Timotey 2:2

hərway ma bay hay ta ndaw me wey ndaw hay tabiyaha, ma i kandzakwama mendzey səfekke da zozoy, da ma ɗamara ’ar ta me ɗey ndaw a vaw.

1 Timotey 3:11

Ŋgwas hay andza ha satsa: ka təram ɗa ndaw ahiya, ka da rawam mey so ha zlay, ka sam zom zlay, ka tsənam sləmay da tek hay tabiyaha.

1 Timotey 3:4

Hayna ka slafa me wey veɗ 'ay ŋga, ka slafa ma zəgadata wawa ŋga hay ka tsənamar sləmay da me ɗey ndaw a vaw tabiyaha.

1 Timotey 4:12

Hayna ndaw ka da rəsa mevey ɗek ana bəza ha na zlay, dzadzak tərey na tek me tsey dey kava ha, ma ndaw ma pam 'ar ana hay: da guma me tsey, da mendzey ɗek, da ma wuɗa vaw, da me pey 'ar, da mandzara me zləɓey.

1 Timotey 5:10

Hayna ka səradama hərway ma mber aŋga me key hayna hay: ka gəlawa wawa hay ba, ka wey vaw ba ka mbəlak hay, ka pəradatara sek ma ndaw Kokwaɗ ana hay ba, ka dzənata ndaw viya na hay ba, ka vəladərawa vaw ŋga ba, ka sa ma mber ana hayna hay tabiyaha.

1 Timotey 5:2

Ta ŋgwas maraw ana hay na, kəla andza ma maya ahiya. Dem hay andza malam diŋgwas ana hay da mandzara ma zləɓey tabiya ha.

Ɗeriwel a Tit 1:8

Hayna ka sərada me ŋgəley mbəlak, ka key dzam ma tek hayna hay, ma səra 'ar aha, dzerey aha, kokwoɗ aha, a war 'ar a vaw ŋga,

Ɗeriwel a Tit 2:14

Ŋga na ta 'ar aŋga na, ma vəlada vaw hərway lakwa, ma aza ma da mbəɗandukurawa da meŋgəsey hay tabiyaha, ma ka da bəzləma səkway ana ma vəla ha ma ŋga na, na ma həla vaw aha ma da key mber mambay ana hay.

Ɗeriwel a Tit 2:2

Hayna baba hay ka da wam ta zom zlay, ka kam ɗa ka vaw ta, ka səradama 'ar, ka kam ma rəha vaw ahiya ta me pey 'ar hayna, ta ma wuɗa vaw ta matanduroŋ.

Ɗeriwel a Tit 2:7

Da tek hay tabiya ha na, haya ɓada vaw ɗek ana na, tek me tsey dey kava ha da mber hayna hay: me tetəkey tsəzlakka na, ɗa ndaw aha,

Ɗeriwel a Tit 3:14

Hayna ndaw ma 'ay lakwa hay ka tatəkadama me key mber hayna hay haya hayaha tey, ma aza ka nefey da tek ma sawa dekeslef ana hay, kəɗey na, a da ndzam na, a nafam kadəba.

Ebrew 11:2

Me pey 'ar ka vəlatərawa seydewe hay ba, a ndaw zlezle na hay.

Ebrew 13:18

Ɗulam mey hərway la, ma vəday la səradama ha dey ta kava la ma ndzahiya mezek ala ’ar piokw, ta me wuɗey la me key tek ta tsəveɗ da mey da mey ana.

Ɗeriwel ma Zak 1:27

Kuley na tsəzlakka na, mandzara meŋgəsey ka slam dey ma Bay ma Bəla Baba na na, ŋga kəɗey: ma nəkatar dey a bəzey matakwam hay ta ŋgwas madakway ana hay da viya ta, me wey daw ka vaw ka tek ma bəla neney mandzara me key meŋgəsey.

Ɗeriwel ma Zak 3:17

Ama dzadzak na, ma səra 'ar na ma sawa da 'ərlam ana na tsəfəmey aha na, tsəzlakka, arka a wuɗey zozoy, ləfeɗeɗe ha, a dzəmadata ndaw hay, ndaw a kar da vaw bəza kakay, ma rəha vaw aha ta tek hayna hay, me weley ndaw da huɗa dakay, 'erneh da mey tsew tikay.

1 Piyer 1:22

Kuray ka bazləməmata mezek a kwar hay tsoy, da ma tsənar sləmay kwar a dərka da ma wuɗey malam a kwar hay haya haya na, mandzara 'erneh da mey tsew ana. Wuɗam vaw ka 'ar vaw kwar ana hay ta mevel tsəzlakka ahiya, mandzara ka mətsakwar har.

1 Piyer 2:12

Hayna mendzey kwar ka nəkey mambay aha da walaŋ ma ndaw Zuif ahiya kakay ana hay, ma aza ka slam ana andza a ŋgələmakwar aha bəzay, andza a ndaw me key tek haya kakay ana hay na, tek a kwar me key hayna hay ka ɓatar waw, ma ka da səmbərama Bay ma Bəla, ta pas ma ma da sawa ŋga.

1 Piyer 4:8

Tsufəmey aha ɗagay na, ndzafam ma wuɗa vaw ka 'ar vaw kwar ana hay zarra, hərway ma wuɗa vaw na a sehətey meŋgəsey hay haɗadzidzay.

2 Piyer 3:1

Dzam a ɗaw hay, neney na ɗeriwel a ɗaw i ma windaɓa dey ma tsetsew ana; da ɗeriwel a neney hay tsew ana na, i wuɗey na ma pərkadərawa ndaw ma me dzeley 'ar a kwar hayna:

1 Zaŋ 3:18

Dem a ɗaw hay, ka da wuɗakwama ndaw ta guma, ta huɗa mey dada zlay, amana ta tek ana me key kava, ta dərka.

1 Zaŋ 3:3

Kwa way way me pey dey ka ŋga andza na ŋga na na, a da tərey na tsəzlakka, anza Yezu ana tsəzlakka na tey.

1 Zaŋ 4:1

Dzam a ɗaw hay, ka da pam 'ar ka mendzey ma mesəfrey hay tabiyaha tsa zlay, amana həlafəmata suwet ka mesəfrey ana hay ba ɗagay, ma səradata taya na ma Bay ma Bəla ɗaw, hərway ndaw sek maləwaɗay ana hay, ma pa mey ahiya ka bəla kambəlaɓa.